प्रेरित 4:17 - राना थारु नयाँ नियम

¹⁷ पर जा बात आदमीमे नाए फैलए करके ‘येशूके बारेमे अबसे कुछु बात फिर कोइसे मत् बुलियओ’ कहिके हमएं उनके चेतावनी देन पणैगो।”

परमेस्वर को सच्चो वचन

¹⁷ लेकिन जौ बात आदमिन के बीच फैलन से रोकन के ताहीं, आबौ हम जे लोगन कै चितौनी देमैं कि ईसु के नाओं से कहु कोई से बात ना करै।”

प्रेरित 4:17 Referans Kwoze

प्रेरित 5:28

“का हम तुमके येशूके नाउँमे फिरसे कोइके कुछु मत् कहियओ कहिके आज्ञा नाए दए रहएं? तहुँफिर तुम त सारे यरूशलेम सहरमे अपनो शिक्षासे भर दएहओ। और तुम बाको खुनको दोष जबरजत्ती हमर उपर लगान चाँहत हओ।”

1 थेसलोनिकी 1:8

काहेकी तुमर हियाँसे केबल माकेडोनिया परदेश और अखैया परदेशमे इकल्लो प्रभुको बचन नाए सुनाओ गओ, पर हर ठाउँमे जहाँ हम जात हएं, हुवाँ हम आदमीनके, परमेश्वरमे भओ तुमर बिश्वासके बारेमे हमके बतात पात हएं। जहेमारे, हम दुस्रे जनैनके तुमर बारेमे कुछ फिर बतानको जरुरी नाए हए।

प्रेरित 5:24

जब मन्दिरके चौकीदारनको हाकिम और मुखिया यहूदी पुजारी जा खबर सुनीं तओ सोँचमे पणिगए, कि जाको परिणाम का हुइहए।

प्रेरित 4:21

बिनके सजाय देनके कोइ उपाए नाए हुइके बिनके औ जद्धा धमकाएके छोडदइं, काहेकी जो घटना घटो रहए बहेके ताहीं सब आदमी परमेश्वरके आदर करत रहएं।

मत्ती 27:64

बहेमारे आज्ञा देओ, कि तिसरो दिनतक बे बो चिहानके ध्यानसे लख्बारी करएं, अगर तुम अइसे नाए करैगे तओ बिनके चेला आएके बाको लहास चुराएके लैजामंगे, और आदमीनसे झुठ कहान लगंगे, कि ‘येशू मरो भओ मैसे जीइउठो हए’ और जा अभएको झुठ पहिलेको झुठसे खराब हुइ जाबैगो, जैसे येशू ‘ख्रीष्ट हओं’ करके दाबी करे रहए।”

मत्ती 9:30

और बे तुरन्त देखन बारे हुइगए। और येशू बिनसे अइसे कहिके कडा सचेत करी, और कही, “होसियार, तुम कोइके मत् बतैयओ कि मए तुमर ताहीं का करो हओं!”

यूहन्ना 15:21

पर जे सब कुछ, आदमी तुमके मेरे चेला होनेके कारण सतामंगे, काहेकी बे मोके पठान बारो परमेश्वरके नाए चिन्त हएं।

इफिसियों 6:9

अइसियए हे मालिकओ, तुमके कामदारनके धम्कि नाए देन चाहो, बल्कि तुमके अपनो कामदारनके सँग उइसे ब्यबहार करनके चाहो, जैसे मए उनसे कहो हओं, कि बे तुमरसँग ब्यबहार करएं। काहेकी तुम जान्त हओ, कि उनको और तुमर दुनौको मालिक स्वर्गमे हए, और बा कोइको पक्षपात नाए करत हए।

1 पतरस 2:23

जब आदमी येशूके अपमान करीं, तओ बा उनको अपमान नाए करी। जब आदमी बाके कष्ट दइं, बा बदलामे उनके चोट पुगानके कोसिस कभीनाए करी। बरु, बा मदतके ताहीं परमेश्वरमे भरोसा करी। बाके पता रहए, कि परमेश्वर हर बखत आदमीनको न्याय ठिक रितिसे करत हए।