प्रेरित 3:26 - राना थारु नयाँ नियम

²⁶ परमेश्वर अपने सेवकके मरो भओ मैसे उठाएके सबसे पहिले तुम्हएं आशिष दइ। ताकी बा तुम्रे मैसे सब जनैके तुमर पापी जीबनके छोडके परमेश्वरके घेन घुमानमे तुमर मदत कर पाबए।”

परमेस्वर को सच्चो वचन

²⁶ और जहे ताहीं परमेस्वर अपने सेवक कै चुनी और तुमरे झोने पनारी, ताकी तुम सबन के ऊपर से बुराई खतम करकै आसीस देबै।”

प्रेरित 3:26 Referans Kwoze

मत्ती 1:21

बो एक बच्चाके जनम देहए, और तुम बाको नाउँ येशू धरियओ, काहेकी बा अपन आदमीनके उनको पापसे छुटकारा देहए।”

प्रेरित 3:22

मोशा कही रहए, ‘परमप्रभु परमेश्वर मोके पठाओ कता, बा तुमर बिश्वासी ददाभइयनके बीचमे मोही कता एक जनै अगमबक्ता तुमर ताहीं पठाबैगो। बो तुमसे जो-जो कहाबैगो बे सब बात तुमके सुनन पणैगो।’

यहूदा 1:24

परमेश्वर तुमके बचान सिकैगो, ताकी तुम पापमे जीबन जीइनके ताहीं धोखामे नाए पणओ। बा महिमित परमेश्वर तुमके निष्कलङक और आनन्दसे भरो भओ बनानके तुमके अपने ठिन फिर्ता करलेबैगो।

रोमियों 1:16

काहेकी मोके ख्रीष्टको खुसीके खबरमे पुरा भरोसा हए। काहेकी अच्छो समाचारमे बिश्वास करन बारे सबके परमेश्वर अपने शक्ति द्वारा उद्धार करत हए, सुरुवातमे परमेश्वर यहूदी आदमीनके मुक्ति दइ और अब सब आदमीनके फिर मुक्ति देत हए।

प्रेरित 3:25

तुम सब बेहीं अगमबक्तनको और बहे करारके सन्तान हओ, जौन करार परमेश्वर तुमर पुर्खा अब्राहामसे अइसो करके बाँधी रहएं, ‘तेरे लौंणाके द्वारा पृथ्वीके सब परिवार आशिष पामंगे।’

1 पतरस 1:3

हमर प्रभु येशू ख्रीष्टको दौवा और परमेश्वरके प्रसंसा होबए। परमेश्वरको हमर प्रतिको महान कृपासे बा हमके एक नयाँ जीबन दइ हए। काहेकी परमेश्वर येशू ख्रीष्टके मृत्युसे जिन्दा बनाइ हए, बा हमके निर्धक्कसे बचन सक्षम बनाइ हए; बोको मतलब बा हमके प्रतिज्ञा करोभओ बातके पानके पुरा आसरा करनो हए।

इफिसियों 1:3

हमर प्रभु येशू ख्रीष्टको और दौवा परमेश्वरको प्रसंसा होबए, काहेकी ख्रीष्टके एकतामे होनके कारणसे परमेश्वर हमके ख्रीष्टके द्वारा स्वर्गको हर मेलके आत्मिक आशिषनसे आशिषित करी हए।

रोमियों 15:29

और मए जानत हओं, कि जब मए तुमर ठिन आमंगो और ख्रीष्टसे पाओभओ बहुत आशिष तुमर सँग बाँटंगो।

प्रेरित 26:20

पर पहिले दमस्कस सहरमे, यरूशलेम सहरमे और सबए यहूदिया परदेशमे और अन्यजातिनके फिर, पाप करन छोडके परमेश्वर घेन घुमओ और दण्डसे बचनके ताहीं अइसे काम करओ। और तुम नेहात्तओ अपन मन बदलके पाप करन छोड देओ कहिके मए परचार करो।

प्रेरित 3:15

और जीबनको स्रोतके तुम मारे, जौनके परमेश्वर बाके मरे मैसे जिन्दा बनाइ, और हम जा बातके साक्षी हएं।

प्रेरित 2:24

पर परमेश्वर बाके मरो भओ मैसे जिन्दा करीहए। परमेश्वर बाके मृत्युको शक्तिसे छुटाइहए काहेकी मृत्युके ताहीं येशूके अपने अधिनमे नाए धर सकत रहए।

प्रेरित 1:8

पर जब पबित्र आत्मा तुमरमे आबैगो तओ तुम शक्ति पाबैगे, और तुम यरूशलेम सहरमे और पुरो यहूदिया परदेशमे और सामरिया परदेशमे और बाँकी पुरो संसार तक आदमीनके मिर बारेमे बताबैगे।”

1 पतरस 3:9

खराबीको बदला खराबी, और अपमानको बदला अपमान नाए मत् करओ। बल्कि, बोको बदलामे आशिष देनके ताहीं परमेश्वर तुमके बुलाइ हए। अगर तुम अइसे करे कहेसे, परमेश्वर तुमके फिर आशिष देबैगो।

प्रेरित 13:26

हे बिश्वासी ददाभइया, चहुँ हम अब्राहामके सन्तान होएं चहुँ हम परमेश्वरसे डरान बारे गैर-यहूदी होएं, परमेश्वर तुमर ठिन येशूके बारेमे जा सन्देश पठाइ हए जो आदमीनके बचात हए।

प्रेरित 3:20

और बा येशूके पठाबैगो जो ख्रीष्ट हए, जौनके बा हमर ताहीं पहिलीएसे छानी हए।

लूका 24:47

और यरूशलेम सहरसे लैके सब जाति-जातिके आदमीनके पाप करन छोडके परमेश्वर घेन घुमानके ताहीं और पापनको क्षमाको परचार येशूको नाउँमे होबैगो।

मत्ती 15:24

बा कही, “मए इस्राएल देशको जातिके हरानेभए भेंणाके ताहीं इकल्लो पठाओ गओ हओं।”

यूहन्ना 4:22

तुम सामरी आदमी बोको आराधना करत हओ, जोके तुम नाए चिन्हत हओ। और हम यहूदी आदमी बाके आराधना करत हएं जोके चिन्हत हएं, काहेकी उद्धार यहूदीसे आत हए।

प्रेरित 2:32

जहे येशूके, परमेश्वर मरो भओ मैसे जिन्दा करी। जा बातके हम सब साक्षी हएं।

प्रेरित 3:13

अब्राहाम, इसहाक और याकूबको परमेश्वर, हमर पुर्खाको परमेश्वरए अपनो सेवक येशूके आदर करी, पर तुम बाके मारनके ताहीं यहूदी अगुवनको हातमे सौँपदए, और जब पिलातस बाके छोडनके बिचार करी, तओ तुम बोके अग्गु अस्वीकार करे।

रोमियों 15:8

मए कहात हओं, कि जो प्रतिज्ञा पुर्खनके दओगओ रहए बे प्रतिज्ञाके सच करनके ताहीं ख्रीष्ट जा दिखानके ताहीं खतना करेभए आदमीनको सेवक बानो, जा दिखानके ताहीं कि परमेश्वर बिश्वासयोग्य हए।