प्रेरित 21:8 - राना थारु नयाँ नियम

⁸ दुस्रे दिन हम बिदा हुइके कैसरिया सहरमे आए, और परचारक फिलिपके घरमे घुसे। जो बे सात जनै मैसे एक रहए, जौनके यरूशलेम सहरमे चुनेभए चेला बिधुवनको रेखदेखके ताहीं चुनेगए रहएं।

परमेस्वर को सच्चो वचन

⁸ दुसरे दिन हम हूँना से नेंग कै कैसरिया मैं आए, और फिलिप्पुस प्रचारक के घर मैं जो सातन मैं से एक जोकै यरूसलेम मैं सहायकन के रूप मैं चुनो गौ रहै, जाएकै बाके हींना रहे।

प्रेरित 21:8 Referans Kwoze

प्रेरित 6:5

जा बात सारी मण्डलीनको समुहके अच्छी लागी, और बे स्तिफनस नाउँको एक लोगके जो बिश्वास और पबित्र आत्मासे भरो रहए। और फिलिप, प्रखरस, निकनोर, तीमोन, पर्मिनाश और एन्टिओखियामे रहान बारो निकोलाउसके फिर चुनीं जो यहूदी मतमे आइगओ रहए।

इफिसियों 4:11

येशू मण्डलीनके जे जिम्मेबारी दइ: कोइके चुनेभए चेला होनके ताहीं चुनके, कोइके अगमबक्ता चुनके, कोइके अच्छो समाचार सुनान बारेनके चुनके और कोइके पास्टर और गुरु चुनके दइदइ।

2 तिमोथी 4:5

जैसो फिर कठिनाइ आएसे फिर तोके शान्त रहान पणैगो और दुख उठान पणैगो, अच्छो समाचार परचार करनके ताहीं तोके कडी मेहेनत करन पणैगो, और जो परमेश्वर तोके दइ हए, बो कामके पुरा करन पणैगो।

प्रेरित 28:16

जब रोम सहरमे आएपुगे तओ पावलके सिपाहीको रेखदेखमे अपनो डेरा लैके बैठन दइं।

प्रेरित 16:13

नदिया किनारे, यहूदीनको प्राथना करन बारो ठाउँ हुइहए करके हम पबित्र दिनमे हुवाँ गए। और हुवाँ जमा भइ बैयरनसे बात करनलागे।

प्रेरित 16:10

पावल उइसो दर्शन पाइ, तओ हम तुरन्त माकेडोनिया परदेशके इलाका घेन जानके तयार भए काहेकी हुवाँके आदमीनके प्रभुको अच्छो समाचार परचार करनके परमेश्वरए बुलाइ हए कहान बारी बात हमके पता भओ।

प्रेरित 9:30

जा बात पता पाएके प्रभुमे बिश्वास करन बारे बिश्वासी ददाभइया शाऊलके कैसरिया सहरमे ल्याइं और बे हुवाँसे बोके ताहीं जहाजसे टार्सस सहरमे जानके ब्यबस्था करीं, जो बोको अपनो गाउँ रहए।

प्रेरित 28:11

हम तीन महिना पिच्छु अलेक्जेन्ड्रिया सहरमे जान बारो पानीजहाजमे यात्रा सुरु करे। जा जहाज ठण्डोके मारे माल्टा टापूएमे रुको रहए। जा पानीजहाजके अग्गुके भागमे जुरिया देवताको एक मूर्ति रहए।

प्रेरित 27:1

जब हाकिम फेस्तसके माध्यमसे जा पक्का हुइगओ, कि पानीजहाजसे हमके इटालिया परदेशको रोम सहरमे जानपणैगो, तओ बे पावल और औ बहुत कैदीन्के महाराज अगस्‍टसको सेनाको युलियस नाउँको कप्तानके जिम्मामे लगाए दइ।

प्रेरित 23:23

तओपिच्छु सेनापति, कप्तान मैसे दुई आदमीनके बुलाएके कही, “आज रात नौ बजे घेन दुई सओ सिपाही, सत्तरी आदमी घोडा चढके और दुई सओ भाला बोकन बारे आदमीनके कैसरिया सहर तक जान तयार करे रहाओ।

प्रेरित 20:13

पावल बाहेक हम सब पानीजहाजमे चढके मिसिया परदेशको अस्सोस सहर तक गए। और पावलके, अस्सोस सहर तक पैदर नेँगन मन हुइके कारणसे बो अपने ताहीं अस्सोस गाउँतक इकल्लो पानीजहाजमे चढनके बन्दोबस्‍त करी रहए।

प्रेरित 20:6

पर हम अखमिरी रोटीको तेवहार मनाएके पिच्छु, फिलिप्पी सहरसे जहाजमे यात्रा करके पाँच दिनमे त्रोआस सहरमे बिनके ठिन पुगे, हुवाँ सात दिन तक रहे।

प्रेरित 18:22

कैसरिया सहरमे आएपुगके पावल यरूशलेम सहरमे गओ तओ हुवाँको मण्डलीके आदमीनके सँग भेँटघाट करी और मण्डलीके नमस्कार करके बो सिरिया परदेशको एन्टिओखिया सहरमे गओ।

प्रेरित 16:16

जब हम प्राथना करन बारो ठाउँमे जात रहएं, तओ हम एक कमैया लौंणीयाके भेँटे। बोके दुष्ट आत्मा लागो रहए और बहे दुष्ट आत्माको शक्तिसे बो आदमीको भबिष्य बताएके अपने मालिकके बहुत रुपैया कमाएके देत रहए।

प्रेरित 10:1

कैसरिया सहरमे कर्नेलियस नाउँको एक आदमी रहए, जो इटालिया कहान बारो पल्टनको एक कप्तान रहए।

प्रेरित 21:16

हमर सँगमे कैसरिया सहरके कोइ-कोइ चेला फिर गए, और बे हमके साइप्रसके टापूमे एक आदमीके घर लैगए। जौन सबसे पुरानो चेला मनाशोन रहए।