प्रेरित 21:11 - राना थारु नयाँ नियम

¹¹ बो हमरे ठिन आएके पावलको फेँटा लैके अपन हात-टाँग बाँधके कहीं, “पबित्र आत्मा अइसे कहात हए, जा फेँटा जौन आदमीको हए, बोके यरूशलेम सहरमे यहूदी समुहके आदमी अइसियए करके बाँधंगे और गैर-यहूदीनके हातमे सौपदेहएं।”

परमेस्वर को सच्चो वचन

¹¹ बौ हमरे झोने आए कै पौलुस की कमरबंद लई, और अपने हाथ पायें भाँदकै कही, “पवित्र आत्मा जौ कहथै: कि जो आदमी कि जौ कमरबंद है, बाकै यरूसलेम मैं यहूदि ऐसिये भाँदंगे, और गैर यहूदिन के हाथ मैं दै देंगे।”

प्रेरित 21:11 Referans Kwoze

प्रेरित 21:33

तओ बो सेनापति ढिँगै आएके पावलके पकणीं और दुई साँकरसे बोके बाँधनके हुकुम दइं। जा कौन हए? और जा का करीहए? कहिके बो पुछीं।

प्रेरित 20:23

इतकए इकल्लो जानत हओं, कि हरेक सहरमे कैद और कष्ट मिर उपर आत हए करके पबित्र आत्मा मोके गवाही देतहए।

1 पतरस 1:12

पर परमेश्वर बे अगमबक्तनसे कही कि बिनको सन्देश अपने ताहीं नाए बल्कि तुमर ताहीं हए, जौन तुम हबए सुने हओ। परमेश्वर स्वर्गसे अपनो पबित्र आत्माके, तुम आदमी, अच्छो समाचार परचार करपाबओ कहिके मदत करनके पठाइ। जा सब इत्नो अचम्मोको हए कि स्वर्गदूत फिर उत्सुकताके साथ जे बात भओ देखरहे हएं।

हिब्रू 10:34

कैदीनके उपर तुम दया दिखाए, अपनो सम्पति लुटत पेती फिर आनन्दसाथ सहे, काहेकी तुम जानत रहओ, कि तुमर सँग अभौफिर परमेश्वरसे प्रतिज्ञा करेभए चीज हएं, जौन औ जद्धा उत्तम हएं और सदामानके ताहीं रहिरहामंगे।

हिब्रू 3:7

जहेमारे पबित्र आत्मा पबित्र-शास्त्रमे कहात हए, “आज तुमके परमेश्वरको अबाज सुने कहेसे,

2 तिमोथी 2:9

मए जेलमे एक अपराधी कता दुख सहिरहो हओं, काहेकी मए अच्छो समाचारको परचार करत हओं। पर कोइ फिर आदमी परमेश्वरको बचन परचार करनसे रोक नाए पाबैगो।

इफिसियों 6:20

जाके ताहीं मए साँकरसे बँधो एक राजदूत कता सेवा कररहो हओं। प्राथना करओ, कि जैसे मोके मस्कन चाहो, उइसीयए बिना डरसे अच्छो समाचारके परचार करपामओं।

इफिसियों 4:1

जहेमारे मए जो जेलमे हओं, काहेकी मए प्रभु येशूको सेवा करत हओं। और तुमसे बिन्ती करत हओं, कि बो बोलावटके सँग जोमे परमेश्वर तुमके अपनो सन्तान होनके ताहीं बुलाइ हए, बहे लायकको अनुसार अपन जीबन जीइबओ।

इफिसियों 3:1

जहे कारणसे, मए पावल, तुमर ताहीं प्राथना करत हओं। मए जेलमे हओं काहेकी मए ख्रीष्ट येशूके ताहीं काम करत हओं, जोकी गैर-यहूदीनके ताहीं अच्छो समाचारके परचार करनके हए।

प्रेरित 28:25

अपनए-अपनामे बात नामिल्के बे उइसी हुवाँसे जान लागे। तओ पावल बिनसे एक दुसरी बात कही, “पबित्र आत्मा तुमर पुर्खनके कहीभइ बात सच्चो हए, काहेकी अगमबक्ता यशैया द्वारा पबित्र आत्मा अइसे कही,

प्रेरित 28:20

जहे बात बुझानके और तुमर सँग भेँट करनके ताहीं मए तुमके हियाँ बुलाओ हओं। हम इस्राएल देशको आसरा, जोकी ख्रीष्ट हए, बहेके ताहीं मए अइसे साँकरसे बँधो हओं।”

प्रेरित 28:17

तीन दिन पिच्छु पावल, रोम सहरमे बैठन बारे यहूदीनको अगुवनके बुलाइ। जब बे इकट्ठा भए तओ पावल कही, “हे ददाभइयओ, मए हमर जाति और हमर पुर्खासे चल्तए आओ रितीरिबाजके बिरोधमे कुछु नाए करेसे फिर यहूदी ददाभइया मोके यरूशलेम सहरमे पकणके रोमी सरकारको जिम्मामे सौँपदइ हएं।

प्रेरित 26:29

पावल जबाफ दइके कही, “चहुँ थोरी समय या बहुत समय, मए परमेश्वरसे प्राथना करत हओं, कि आज मिर बात सुनन बारे तुम सब मेरी कता ख्रीष्टियन हुइजाओ।”

प्रेरित 24:27

अइसीयए दुई बर्ष बितिगओ, तओपिच्छु फेलिक्सके ठाउँमे पर्किअस फेस्तस बडो हाकिम बनिगओ। फेलिक्स यहूदीनके खुसी करन ताहीं, पावलके जेलमे डारके गओ।

प्रेरित 22:25

और जब सिपाही कोर्रा लगानके छालाको लसरीसे बाँधीं, तओ पावल अपन ढिँगै ठाणो भओ कप्तानसे पुँछी, “का रोमी नागरिकके और बिना दोषी ठहिराएके कोर्रा लगान मिलत हए?”

प्रेरित 16:6

पबित्र आत्मा पावल, सिलास और तिमोथीके एशिया परदेशके इलाकामे परचार करन जानसे रोकके कारणसे, बे फ्रिगिया और गलातिया परदेश हुइके गए।

प्रेरित 13:2

जब बे उपवास सहित प्रभुकी आराधना करनडटे रहएं, तओ पबित्र आत्मा कही, “मेरे ताहीं बारनाबास और शाऊलके मेरी सेवा करनके ताहीं अलग करओ जोके ताहीं मए उनके बुलाओ हओं।”

प्रेरित 9:16

और मए बोके बतामंगो, कि आदमीनके मेरे बारेमे बात बतानके कारण बोके कैसे-कैसे दुख उठान पणैगो।”

यूहन्ना 18:1

जब येशू प्राथना करन बन्द करी तओ अपन चेलनकेसँग किद्रोन नहारमे गओ। जब येशू और बाके चेला किद्रोन घाटके पार करीं। बहे ठिहामे एक बगिया रहए और बे बो भितर गए।

प्रेरित 8:29

तओ पबित्र आत्मा फिलिपसे कही, “जा और बो रथके सँगए-सँग नेँग।”

प्रेरित 21:4

चेलनके ढुणके बिनके सँग हम सात दिन हुवाँ बैठे। पावल यरूशलेम सहरमे नाए जाए करके, बे पबित्र आत्माको अगुवाइसे बिन्ती करीं।

1 तिमोथी 4:1

पर पबित्र आत्मा प्रष्टसे कहात हए, कि आखिरी समयमे कुछ आदमी ख्रीष्टको सन्देशमे बिश्वास नाए करंगे। बे भुतनके सन्देशमे बिश्वास करंगे जो उनके भणकात हए, और बे झुठो सन्देशमे बिश्वास करंगे जो भुतके घेनसे आत हए।