प्रेरित 20:28 - राना थारु नयाँ नियम

²⁸ तुम अपन ताहीं और अपने पुरा समुहके ताहीं साबधान रहियओ। पबित्र आत्मा तुमके समुहको मण्डलीको अगुवा बनानके कारणसे तुम, ख्रीष्टको अप्नो खुनसे किन भओ परमेश्वरको मण्डलीको रेखदेख तुम करओ।

परमेस्वर को सच्चो वचन

²⁸ तभईये अपनी और पूरे झुंड की देखा-भारी करौ; जोमैं पवित्र आत्मा तुमकै अगुवा ठहराई है कि तुम परमेस्वर की कलीसिया की रखबारी करौ, जो बौ अपने खून के जरिये अपनो बनाई।

प्रेरित 20:28 Referans Kwoze

1 तिमोथी 4:16

जाके बारेमे होसियार रहो, कि तए कैसे रहात हए, और का सिखात हए। जे बातनमे स्थिर रहो, काहेकी अगर अइसो करतए रहो, तओ तेरे द्वारा परमेश्वर अपनए तोके और तेरे बात सुनन बारेनके फिर न्यायसे बचाबैगो।

1 तिमोथी 3:2

जहेमारे जा जरुरी हए, कि एक मण्डलीमे एकसे जद्धा अगुवा होमंगे, और मण्डलीके रेखदेख करन बारे अगुवामे दोष नाए होन पणो, और बोको एकए बैयर होन पणो, शान्तसे ब्यबहार करन पणो, अच्छो चालचलन होन बारो, आदमीनके द्वारा आदर करोजान बारो, बो अपनो घरमे पाहुननके स्वागत करनके ताहीं तयार होन पणो, और बो परमेश्वरको सन्देश अच्छेसे सिखानमे सक्षम होन पणो।

प्रेरित 13:2

जब बे उपवास सहित प्रभुकी आराधना करनडटे रहएं, तओ पबित्र आत्मा कही, “मेरे ताहीं बारनाबास और शाऊलके मेरी सेवा करनके ताहीं अलग करओ जोके ताहीं मए उनके बुलाओ हओं।”

हिब्रू 13:17

अपने अगुवनकी बात मानओ, उनको काम तुमर जीबनके रेखदेख करनो और उनके सेवाके बारेमे उनके हिसाब बुझानके होत हए। तुम बिनको आज्ञा पालन करओ ताकी बे अपन काम खुसीसे करएं, दुख मानके नाए। अगर तुम उनके दुखी बनाबैगे कहेसे जासे तुमके कुछु फाइदा नाए होबैगो।

1 तिमोथी 5:17

कोइ फिर मण्डलीके अगुवनके ठिक सम्मान देन पणत हए, जौन अपन कामके अच्छेसे करत हएं। और खास करके उनके, जो परमेश्वरको सन्देशके सिखानके ताहीं और परचार करनके ताहीं कर्रो मेहेनत करत हएं।

1 कोरिन्थी 10:32

मए सबके खुसी करनके कोसिस करत हओं, मए एकको भलाइके बारेमे नाए सोँच रहो हओं, बल्कि सबको भलाइके बारेमे सोँच रहो हओं, ताकी उनके बचाओ जाए सकए। उइसीयए तुम फिर अइसियए रहाबओ, ताकी यहूदी या ग्रीक भाषा मस्कन बारे या परमेश्वरके मण्डलीके ताहीं कोइ मुस्किल नाए होबए।

फिलिप्पी 1:1

मए पावल, तिमोथीके सँगमे, ख्रीष्ट येशूके दासके रुपमे जा चिट्ठी फिलिप्पी सहरके मण्डलीके रेखदेख करन बारे अगुवा और मण्डलीके सेवक सहित सब परमेश्वरके आदमीनके ताहीं लिखनडटो हओं, जो ख्रीष्ट येशूसे सम्बन्धित हएं।

इफिसियों 1:7

ख्रीष्ट मरत पेती हमर ताहीं खुन बहानके द्वारा परमेश्वर हमके छुटकारा करदइ हए, और परमेश्वर हमर पापनके क्षमा करदइ हए, और बाको अनुग्रह बहुत महान हए जो हमके मिलो हए।

लूका 12:32

“तुम भेंणनके छोटो बगाल हानी हओ, जहेमारे कोइ फिर बातके बारेमे मतडराबओ, काहेकी तुमके राज्य देनके ताहीं, तुमर स्वर्गमे होन बारो दौवा खुसी हए।

1 तिमोथी 3:5

एक आदमी जो अपनो परिवारको बन्दोबस्त करन नाए जानत हए, कहेसे बो नेहात्तओ जा फिर नाए जानत हए, कि परमेश्वरको मण्डलीके रेखदेख कैसे करोजाए।

प्रकाश 5:9

और बे अइसे करके थुमा अर्थात् येशू ख्रीष्टके बारेमे गान लागे, “तुम जा खलरीको चिट्ठीको मोहरके तोणन और जाके खोलनके लायक हओ। काहेकी तुमके मारडारोगओ रहए और अपनो मृत्युके खुनसे तुम संसारके हर कुल, भाषा, आदमी और जातिसे परमेश्वरके ताहीं आदमीनके छुटकारा दए।

1 तिमोथी 4:14

बहे बातके याद कर, जब मण्डलीको अगुवाको समुह अपन हात तिर उपर धरी रहएं और परमेश्वर उनके तिर खास योग्यताके बारेमे बतानके ताहीं सन्देश दइ रहए। बो योग्यताके हेल्हा मत् करए।

इफिसियों 1:14

काहेकी परमेश्वर हमके पबित्र आत्मा दइ हए। हम जा बातसे पक्का हुइपात हएं, कि परमेश्वर हमके उद्धारके ताहीं बो उत्तराधिकार देबैगो जो बा देनको प्रतिज्ञा करीहए और जा फिर कि बा हमके अपने आदमीनके रुपमे खरिदी हए ताकी बाको महिमाको स्तुति होबए।

गलातियों 1:13

तुम सुनडारे हओ, कि मए यहूदी धार्मिक नियमके अनुसार जीइत रहओं; और मए परमेश्वरको मण्डलीके बिश्वासीनके बहुत सताओ और बोके नाश करनके कोसिस करत रहओं।

प्रेरित 20:29

काहेकी मोके पता हए, कि तुमर बीचमे झुठे शिक्षाक आमंगे और बिश्वासीनके बहुत नुक्सान पुगामंगे। बे उनके चिरडारन बारे बनकुत्ताके समान होमंगे जो भेंणाके मरडारत हएं।

प्रेरित 20:17

जब हम मिलेटस सहरमे आए पुगे, तओ पावल एफिसस सहरके मण्डलीके अगुवनके एक खबर पठाइ।

प्रेरित 14:23

और बे, हरेक मण्डली समुहसे उनके ताहीं मण्डलीको अगुवा नियुक्त करीं, और बे उपवास सहित प्राथना करके उनके प्रभु येशूमे सौँपदइं, जौनमे बे बिश्वास करी रहएं।

1 पतरस 2:25

पहिले, तुम बराने भए भेंणा कता रहओ। पर अब तुम अपनो प्राणनको और मण्डलीके रेखदेख करन बारे अगुवा और ख्रीष्टके ठिन घुमके आए हओ।

1 पतरस 2:9

पर तुम उइसे नाए हओ, काहेकी तुम परमेश्वरके चुनेभए आदमी हओ, तुम परमेश्वरके पुजारी हओ, जो राजा हए। तुम परमेश्वरको सेवा करन समर्पित भए आदमी और परमेश्वरके निजी प्रजा हओ। बा तुमके अंधियारोसे अपनो अदभुत ज्योतिमे लाइ हए, ताकी तुम परमेश्वरके अचम्मे कामको घोषणा करपाबओ।

कलस्सी 4:17

तओ अर्खिप्पससे फिर कहियओ कि जो सेवा करनके ताहीं प्रभु तोके चुनी हए बोके पक्का कर, कि तए बो सेवाके पुरा करैगो।

इफिसियों 4:11

येशू मण्डलीनके जे जिम्मेबारी दइ: कोइके चुनेभए चेला होनके ताहीं चुनके, कोइके अगमबक्ता चुनके, कोइके अच्छो समाचार सुनान बारेनके चुनके और कोइके पास्टर और गुरु चुनके दइदइ।

1 कोरिन्थी 15:9

काहेकी मए चुनेभए चेला मैसे सबसे कम महत्त्वपूर्ण हओं, और चुनो भओ चेला कहानको फिर लायक नाए हओं, काहेकी मए परमेश्वरको मण्डलीमे बिश्वासीनके सतात रहओं।

1 कोरिन्थी 1:2

मए जा चिट्ठी तुमके पठाएरहो हओं, जो कोरिन्थ सहरमे भए परमेश्वरके मण्डली हएं, अर्थात् हम जे बात लिखत हएं, जौनके परमेश्वर अपने आदमीनके रुपमे अलग करीहए। बा तुमके ख्रीष्ट येशूमे एकजुटमे बाँधी हए, और बा तुमके पबित्र आदमी होनके बुलाइ हए; उइसीयए, जैसे परमेश्वर औ सब आदमीनके छानी हए, जौन हमरे ठिहामे हमर प्रभु येशू ख्रीष्टको सेवा करत हए, काहेकी बा हमर सबको प्रभु हए।

लूका 21:34

येशू कही, “जहेमारे होसियार रहियओ, अइसे तुमर मनको लापरबाही, दरोहपान और जीबनको चिन्तासे तुमर मन सुस्त नाए होबए, और बो दिन तुमर उपर इक्बरी फन्दा जैसो नाए आए।

1 यूहन्ना 1:7

बहे करएं, जो अच्छो हए, जैसे परमेश्वर सिद्ध रुपमे बहुत अच्छो हए उइसियए हम फिर अच्छो जीबन जीइके, परमेश्वर और औरे आदमीनके सँग संगती करएं, तओ बाको लौंणा येशू ख्रीष्टको खुनसे हमके सब पापसे शुद्ध करैगो।

हिब्रू 12:15

साबधान रहाओ, कि कोइ फिर आदमी परमेश्वरको अनुग्रह पानसे नाए छुटए ताकी तुमर बीचमे समस्या नाए आए। काहेकी अइसे आदमी तुमके बहुत जनैनके भ्रष्ट बनाए देत हए।

तीतुस 1:7

काहेकी मण्डलीके रेखदेख करन बारे अगुवा परमेश्वरको कामके जिम्मा लए होत हएं। जहेमारे बे कोइ दोष नाए भए बारे आदमी होन पणत हए। बे अपनो मनपरी करके घमण्डसे फुलन बारे, जल्दी गुस्सान बारे, दारु पिन बारे, लडाइ करन बारे और मनमे लोभ होन बारे नाए होमएं।

कलस्सी 1:14

बाको लौंणाको बलिदानसे परमेश्वर हमके छुटकारा दइ हए, अथवा हमर पाप क्षमा करीहए।

1 कोरिन्थी 11:22

तुम अपने घरमे खाए और पिइ सकत हओ। तुमके लागत हए, कि परमेश्वरको मण्डली जरुरी नाए हए, और तुम बे आदमीनके सरमबाए देत हओ जो गरीब हएं। मोए तुमके का बताओं? का मोए तुमर प्रसंसा करओं? अइसे करनके कारणसे मए तुमर प्रसंसा नाए करंगो।

मर्कूस 13:9

“तुम अपनो बारेमे होसियार रहाबओ। तुमर दुस्मन तुमके कचेहेरीमे और यहूदी सभाघरमे लैजएहएं और बे तुमके पिटंगे, काहेकी तुम मिर चेला हओ। जहेमारे हाकिम और राजाके ठिन, जाँचके ताहीं तुम खडा होबैगे और मिर बारेमे तुम गवाही देहओ।

मत्ती 16:18

मए तुमसे कहात हओं, कि तुम पत्रुस हओ। मए मिर मण्डली जा चट्टान उपर स्थापित करंगो, और पातालको फाटक बो उपर बिजय नाए हुइपए हए।

मत्ती 2:6

‘ए! यहूदिया परदेशके बेथलेहेम सहरके आदमीयओ! तुम यहूदा परदेशके सासकसे बहुत बणे हओ, काहेकी तुमसे एक आदमी आबैगो जौन सासक बनैगो, बा मिर प्रजा इस्राएल देशको एक बकरेहेराके जैसो रेखदेख करैगो।’”

रोमियों 16:16

एकदुस्रेके ख्रीष्टके प्रेममे नमस्कार करओ: तुमए ख्रीष्टके सबए मण्डलीनके तरफसे नमस्कार हए।

1 कोरिन्थी 6:20

परमेश्वर तुमके किमतके रुपमे अपनो जीबन दइके तुमके छुटकारा करीहए, जहेमारे अपने शरीरके द्वारा परमेश्वरके महिमा करओ।

1 तिमोथी 3:1

जा एक सच्ची कहानी हए, कि जो मण्डलीको रेखदेख करन बारो अगुवा होन चाँहत हए कहेसे बो अच्छो कामको इच्छा करत हए।

तीतुस 2:14

येशू ख्रीष्ट अपनएके हमरे फाइदाके ताहीं बलिदान करदइ। ताकी हम अधर्म कामसे छुटकारा पामएं, और हमके नैतिक रुपसे शुद्ध करपाबए। और ताकी हम बाके अपने खास आदमी बन जाएं, जो भले काम करनके ताहीं पुरी तरिकासे समर्पित होत हएं।