प्रेरित 20:24 - राना थारु नयाँ नियम

²⁴ पर मए अपनो जीबन कोइ मोलके और अपनो ताहीं प्यारो नाए मानो इतकए इकल्लो मए जानत हओं, कि परमेश्वरको अनुग्रहको अच्छो समाचारको गवाही देनके मिर दौड और प्रभु येशू ख्रीष्टसे मिलो मिर सेवाकाइ मए पुरा कर पामओं।

परमेस्वर को सच्चो वचन

²⁴ लेकिन मैं अपनी खुद की जिंदगी के ताहीं मेरो कुछ भी प्रिय ना है; मैं सिरफ अपने काम कै पूरो करनो चाहथौं और बौ सेवा पूरो करनो चाहथौं जो प्रभु ईसु मोकै चितौनी के जरिया करन के ताहीं दई रहै, जो कि परमेस्वर के अनुग्रह और किरपा के बारे मैं सुसमाचार की घोसड़ाँ करनो है।”

प्रेरित 20:24 Referans Kwoze

2 कोरिन्थी 4:1

जहेमारे परमेश्वरको कृपा द्वारा हमर सँग परमेश्वरको बचन परचार करन बारो सेवा भओके कारणसे हम हरेस नाए खात हएं।

2 कोरिन्थी 12:10

जहेमारे ख्रीष्टके ताहीं कमजोरीनमे, बदनामीनमे, कठिनाइमे, सतावटमे, आफतमे मए सन्तुष्ट रहत हओं। काहेकी जब मए कमजोर होत हओं, तओ मए ख्रीष्टको शक्ति द्वारा मजबुत होत हओं।

प्रेरित 21:13

पर पावल जबाफ दइ, “तुम काहे अइसे रोएके मिर मनके कमजोर करत हओ? मए यरूशलेम सहरमे बंधन इकल्लो नाए, पर मए प्रभु येशू ख्रीष्टके ताहीं मरनके फिर तयार हओं।”

1 कोरिन्थी 15:58

जहेमारे हे मेरे प्यारे बिश्वासी ददाभइयओ, अपने बिश्वासमे मजबुत रहाबओ, और प्रभुके ताहीं जो तुम करत हओ बोमे हमेसा बढतए जाओ, काहेकी तुम जा जानत हओ, कि जो काम तुम प्रभुके ताहीं करत हओ बो बेकार नाए होबैगो।

रोमियों 11:6

परमेश्वर उनको भले कामसे नाए बल्कि उनके अनुग्रहसे चुनीं, अगर कामके द्वारा हए तओ अनुग्रह नाए रहितो।

प्रेरित 14:3

तहुँफिर पावल और बारनाबास बो सहरमे बहुत दिनतक बैठे। और प्रभुके भरोसामे सहासके साथ बात करत रहएं: और बा उनके हातसे करेभए चिन्हा और चमत्कारको काम कर्बाएके बे साबित करीं, कि जा अनुग्रहके बारेमे उनको सन्देश सच्चो रहए।

1 पतरस 5:12

सिलासको मदतसे मए जा छोटो चिट्ठी तुमके लिखके पठाओ हओं। ख्रीष्टमे मए बोके बिश्वासयोग्य भइया सम्झत हओं। मिर चिट्ठी लिखनको उदेश्य तुमके उत्सहा देनो और पक्का कर्नो हए, कि तुम अनुभव कररहे तुमर ताहीं परमेश्वरको अनुग्रह हए। जा अनुग्रहमे पक्को हुइके ठाणे रहाओ।

तीतुस 1:3

अब बिरकुल ठिक समयमे, परमेश्वर जा अच्छो समाचारके हमरे अग्गु प्रकट करी, और हम जाको परचार सबके बीचमे करत हएं। परमेश्वर हमर मुक्तिदाता जा आज्ञा दइके, मोके जिम्मेदारी दइ, कि मए बाके ताहीं जा काम करओं।

गलातियों 1:1

मए पावल, तुमके जा चिट्ठी लिखरहो हओं, और मोके चुनो भओ चेला होनके ताहीं आदमीनको कोइ फिर समुह या कोइ फिर आदमीसे नाए चुनो गओ हओं। पर येशू ख्रीष्टसे और दौवा परमेश्वरसे चुनो गओ हओं जौन येशूके मृत्युसे जिन्दा करी।

2 कोरिन्थी 5:8

हममे पुरो भरोसा हए, हम मरके जा शरीरसे अलग हुइके प्रभु सँग रहान हम चाँहत हएं।

प्रेरित 20:32

अब मए तुमके परमेश्वरको और बाको अनुग्रहको बचनमे सौँप दओ हओं, जौनके तुमके बिश्वासमे मजबुत करैगो और परमेश्वर तुमके बो बातको हक बारो बनाबैगो, जो बासे पबित्र करेभए सबए जनैके देनके प्रतिज्ञा करीहए।

प्रेरित 11:23

बारनाबास एन्टिओखिया सहरमे पुगके और परमेश्वरको अनुग्रह देखके बहुत खुसी भओ। बारनाबास बे आदमीनसे प्रभुप्रती पुरा मनसे बिश्वासी भए रहियओ कहिके उत्सहा दइ।

फिलिप्पी 2:17

जब मए तुमके अच्छो समाचार सुनाओ, तओ तुम प्रभु येशूमे बिश्वासको बलिदान करे, और बाको सेवाके ताहीं अपनो जीबनके समर्पित करदए। जहेमारे, अगर मए मरंगो तहुँफिर मए तुमरसँग आनन्दित और खुसी रहामंगो।

प्रेरित 9:15

पर प्रभु बोसे कही, “तए चलो जा, काहेकी जत गैर-यहूदी, राजा और इस्राएल देशके आदमीनके अग्गु मेरे बारेमे परचार करनके ताहीं मए बोके मिर सेवा करनके ताहीं चुनो हओं।

प्रेरित 1:17

बो त हमरीए कता प्रभुको बाह्र चुनेभए चेला मैसे एक रहए। और हमरीए कता प्रभुको काम करन बो फिर चुनो गओ रहए।

यूहन्ना 17:4

जौन काम तुम मोके दएहओ, बो काम पुरा करके तुमके पृथ्वीमे मए महिमा करो हओं।

प्रकाश 12:11

और हमर बिश्वासी, शैतानके हराए दइ हएं। बे, बोके थुमाको खुनको शक्तिसे हराए दइ हएं, जो उन्हएं उनको पापनके छुणानके ताहीं मरोगओ रहए। बे बोके हराए दइं, काहेकी बे जा स्वीकार करतए रहे, कि थुमा उनको परमेश्वर रहए। हियाँतककी, उन्हएं सतावगओ और मारोगओ, पर बे अपनो बो स्वीकारसे पिच्छु नाए हटे।

1 यूहन्ना 3:16

येशू ख्रीष्ट हमर ताहीं अपनो प्राण दइ। जहेमारे हम प्रेमके बुझे हएं और हमके फिर अपने बिश्वासी ददाभइयनके ताहीं अपनो प्राण देन पणत हए।

2 तिमोथी 1:12

जहेमारेसे हए, कि मए आदमीनके ख्रीष्टके बारेमे जा सन्देशको परचार करत हओं, कि मए हियाँ जेलमे फिर दु:ख उठाए रहो हओं, पर सर्मात नाए हओं। काहेकी मए ख्रीष्टके जानत हओं, जोके उपर मए भरोसा करो हओं। और मोके पक्का बिश्वास हए, कि जब तक ख्रीष्ट दुबारा लौटके नाए आबैगो, तबतक परमेश्वर बो चीजके रक्षा करैगो, जो चीज बा आदमीनके दइ हए।

कलस्सी 1:24

अब मए तुमर ताहीं, दुख भोगनमे खुसी मनामंगो, और आदमीके भोगन बारे दुख बहुत हएं, और ख्रीष्टको भोगो भओ दुख जैसो मए मण्डलीके ताहीं अपनो शरीरमे दुख भोगरहो हओं, जौनके पुरा करन जरुरी हए।

इफिसियों 3:13

जहेमारे मए तुमसे बिन्ती करत हओं कि जो दुख तुमर ताहीं मोके हुइ रहो हए, उनके कारण हार मत् मानओ, बल्कि तुमके सम्मानित महसुस करनके चाहो, कि मए तुमर ताहीं जे बातन्को कष्ट सहनके तयार हओं।

2 कोरिन्थी 7:4

तुमरमे मिर बडो भरोसा हए। तुमर उपर मए बेढम गर्व करत हओं। तुमरसे मए पुरो सान्त्वना पाओ हओं। हमर सब दुखमे मए बहुतए आनन्दित हओं।

हिब्रू 10:34

कैदीनके उपर तुम दया दिखाए, अपनो सम्पति लुटत पेती फिर आनन्दसाथ सहे, काहेकी तुम जानत रहओ, कि तुमर सँग अभौफिर परमेश्वरसे प्रतिज्ञा करेभए चीज हएं, जौन औ जद्धा उत्तम हएं और सदामानके ताहीं रहिरहामंगे।

तीतुस 2:11

बिश्वासीनके अइसे करके सिखा, काहेकी परमेश्वर सब आदमीनके पापसे उद्धार पानको डगर दिखाएके अपनो अनुग्रह दिखाइ हए।

2 तिमोथी 4:17

पर प्रभु मिर सँगमे रहो, और मोके शक्ति दइ; ताकी मए येशू ख्रीष्टके बारेमे स्पष्टसे अच्छो समाचारके परचार करके बे सब अन्यजाति सुनलेमएं; और जैसे आदमी एक भुखानो भओ बघटासे बच जातहए उइसी परमेश्वर मोके मरनसे बचाइ।

प्रेरित 22:21

तओ प्रभु मोसे कही, ‘जा, काहेकी मए तोके गैर-यहूदीनके ठिन दुर-दुरतक पठामंगो।’”

1 थेसलोनिकी 3:3

ताकी कोइ जे दु:खके कारण डगमगाए नाए जाए। काहेकी तुम जानत रहओ, कि हमके दुख उठान पणैगो।

1 थेसलोनिकी 2:2

हियाँ आनसे पहिले फिलिप्पी सहरके आदमी हमके दुख दइं और हमर बेइज्जत करीं। जा बात फिर तुमके पतए हए। तओ फिर परमेश्वर हमके सहास दइ, कि तुमर सहरके आदमीनसे बहुत बिरोध होतए-होत फिर हम तुमके परमेश्वरको अच्छो समाचार सुनाए।

प्रेरित 20:21

यहूदीनके और ग्रीक देश बारेनके, पाप छोडके परमेश्वर घेन घुमओ और हम प्रभु येशू ख्रीष्ट उपर बिश्वास करएं, करके बातको गवाही मए दओ।

इफिसियों 1:6

जा अनुग्रह, बयान करन नाए सिकन बारो हए जहेमारे हम बाकी महिमामय अनुग्रहके ताहीं परमेश्वरके स्तुति करत हएं जो बा हमके सेँतएमे दइ हए। काहेकी बाको लौंणाके सँग हमर सम्बन्ध हए।

2 तिमोथी 3:11

आदमी मोके सताइं, जौनको कारण मए बहुत पिर सहो, और तए अइसे भयानक चीजके बारेमे जानत हए, जो आदमी मेरे सँग पिसिदिया परदेशको एन्टिओखिया सहरमे, आइकोनियन सहरमे और लुस्त्रा सहरमे सताइं और कैसे मए हुवाँ सतावटके सहो, और बे सबसे प्रभु मोके बचाइ।

रोमियों 4:4

काम करन बारेनके दिहाणी देनो दान नाए हए, पर बो बोको पान बारो हक हए।

यूहन्ना 15:27

और तुम संसारके आदमीनके मेरे बारेमे गवाही देबैगे काहेकी तुम सुरुवातसे मिर सँगए-सँग रहेहओ।”

लूका 16:28

काहेकी मिर पाँच भइया हएं, लाजरसके जान देओ और बो बिनके चेतावनी दइदेबए, कहुँ अइसो नाए होए, कि बिनके फिर जा कष्टके ठिहामे आनके पणए।’

प्रेरित 13:25

और जब बप्तिस्मा देन बारो यूहन्ना अपनी सेवा पुरा करनमे रहए, तओ बो कही, ‘तुम मोके का सम्झत हओं? मए ख्रीष्ट नाए हओं! पर देखओ, मेरे पिच्छु एक आन बारो हए, बो मोसे बहुत जद्धा महान हए जो कि मए बाको पाउँको जुताको तनी खोलनको लायक फिर नाए हओं।’

प्रेरित 15:7

बहुत बिबाद होनके बाद पत्रुस उठके कही, “हे बिश्वासी ददाभइया, तुमके पतए हए, गैर-यहूदी आदमी प्रभु येशूको अच्छो समाचार सुनके बिश्वास करके मुक्ति पामएं कहिके परमेश्वर मोके तुमर बीचसे बहुत समय अग्गु छानी रहए।

प्रेरित 18:5

सिलास और तिमोथी माकेडोनिया परदेशसे आए, तओ पावल किरपाल बनान बारो काम छोडके बो पुरा रितिसे परचारको काममे लागो। बो यहूदीनके “येशूए मुक्ति देन बारो राजा ख्रीष्ट हए” कहिके गवाही दइ।

प्रेरित 20:23

इतकए इकल्लो जानत हओं, कि हरेक सहरमे कैद और कष्ट मिर उपर आत हए करके पबित्र आत्मा मोके गवाही देतहए।

फिलिप्पी 2:30

काहेकी इपाफ्रोडिटस ख्रीष्टके कामके ताहीं अपनो प्राणके कष्टमे डारके मरनमे आइगओ रहए, ताकी इपाफ्रोडिटस बे तरिकासे मिर मदत करपाबए जो तुम नाए करपाएरहे हओ, काहेकी तुम बहुत दुर हओ।

प्रकाश 6:11

उन मैसे सबएके सेतो लत्ता दओगओ। और परमेश्वर उनसे कही, “अभएके ताहीं अराम करओ, काहेकी अभौफिर तुमर कुछ सहकर्मी और बिश्वासी ददाभइया हएं जौननके तुमही कता मारडारे जएहएं। जब मारेजान बारेनकी संख्या पुरी हुइजएहए, तब्ही इकल्लो मए बदला लेमंगो।”

2 कोरिन्थी 4:12

पर जाको अर्थ जा हए, कि हम लगातार मृत्युको सामना कर रहे हएं। पर जाको परिणाम जा हए, कि तुमके अनन्त जीबन प्राप्त भओ हए।