प्रेरित 2:42 - राना थारु नयाँ नियम

⁴² बे चुनेभए चेलनसे, शिक्षा पान, संगती करनमे, और बे प्रभुके भोजनमे सहभागी होन और प्राथना करनमे भक्तिसाथ लागे रहात रहएं।

परमेस्वर को सच्चो वचन

⁴² बे प्रेरितन की सिक्छा पान ताहीं, और संगती रखन ताहीं, रोटी तोड़न (प्रभु भोज) और प्रार्थना करन मैं मगन रहैं।

प्रेरित 2:42 Referans Kwoze

हिब्रू 10:25

कित्नोनके संगतीमे नाए जानके बानी होत हए, पर हम एकए सँग इकट्ठा होनके नाए छोडएं। पर हमएं एकदुस्रेके उत्सहा और चेतावनी देन पणत हए। काहेकी हम जानत हएं, कि प्रभु जल्दीए फिरसे लौटके आनडटो हए।

प्रेरित 1:14

जे सब और हुवाँ औ बैयर रहएं जौन येशूके मदत करी रहएं, और येशूकी अइया मरियम और बाके भइया सँग, मनमे एकए उदेश्यके साथ एकजुट हुइके प्राथना करत रहएं।

1 यूहन्ना 1:3

येशूके बारेमे जो कुछ हम देखे और परचारके सुनेहएं, बहे समाचार तुमके फिर देत हएं। जहेमारे कि तुम फिर हमर सँग संगती करओ, और जा संगती दौवाके सँग और बाको लौंणा येशू ख्रीष्टके सँग हए।

1 यूहन्ना 1:7

बहे करएं, जो अच्छो हए, जैसे परमेश्वर सिद्ध रुपमे बहुत अच्छो हए उइसियए हम फिर अच्छो जीबन जीइके, परमेश्वर और औरे आदमीनके सँग संगती करएं, तओ बाको लौंणा येशू ख्रीष्टको खुनसे हमके सब पापसे शुद्ध करैगो।

प्रेरित 2:46

बे एक मनके हुइके मन्दिरमे एकए सँग उपस्थिति होत रहएं। और प्रभुभोजके ताहीं एक-दुस्रेके घरमे जमा होत रहएं। और बे खुसीसे शुद्ध मन हुइके खानु खात रहएं।

प्रेरित 20:7

हप्ताको पहिलो दिनमे जब हम प्रभुभोज खानके जम्मा भए रहए। तओ पावल दुस्रे दिन जानके इच्छा करनके कारणसे बिनके सँग आधि रात तक बात चित करि रहए।

इफिसियों 6:18

और हमके उइसीयए प्राथना करन चाहो जैसे पबित्र आत्मा हमके अगुवाई करत हए। और जगतए रहाओ और पबित्र आदमीनके ताहीं लगातार प्राथना करओ।

यहूदा 1:20

हे मेरे प्यारे सँगीउ, पबित्र शिक्षामे बढनके ताहीं एक-दुस्रेनके तुमके बिश्वास करनके बेढम मदत करन पणत हए। तुमके पबित्र आत्माको शक्तिको अगुवाईमे प्राथना करन जरुरी हए।

कलस्सी 4:2

जब तुम प्राथना करत हओ तओ लगातार जागा रहाओ, और सदिमान परमेश्वरके धन्यबाद देओ।

कलस्सी 1:23

तुमर बिश्वास ख्रीष्टमे मजबुत होन पणैगो, जैसेकी एक घर बलियो जगमे बनो होतहए। जो हमरे सँग आसरा हए, और जो अच्छो समाचारमे हम बिश्वास करत हएं, बो आसराके मत् छोडओ, जौनके बारेमे बादरके तरे भए सबके परचार करोगओ हए, और मए पावल, जहे अच्छो समाचार सुनान बारो सेवक भओ हओं।

2 तिमोथी 3:14

पर हे तिमोथी, तोके बोमे बिश्वास करतए रहान पणो, जो हम तोके सिखाए हएं, और तए बिश्वास करत हए काहेकी तए जानत हए और हमर उपर भरोसा करत हए। काहेकी तए जानत हए, कि तोके जे सच्चाई कौन सिखाइ हए।

इफिसियों 2:20

चुनेभए चेला और अगमबक्तनको डरो भओ जगमे बनाओ भओ घर तुम फिर हओ। जगको मूल पत्थर येशू ख्रीष्ट अपनए हए।

प्रेरित 14:22

और बे हरेक गाउँमे भए प्रभुके चेलनके मजबुत बनात बिश्वासमे रहिरहानके हौसला दइं। “परमेश्वरको राज्यमे पुगनसे पहिले हम दुख और कष्ट सहान पणैगो,” कहान बारी बात सिखाइ।

प्रेरित 6:4

पर हम त प्राथनामे और बचनको परचार करन और शिक्षा देन बारो सेवामे लगे रहामंगे।”

प्रेरित 4:31

जब बे प्राथना करडारीं तओ जहाँ बे जमा भए रहएं, बो ठाउँ हालिगओ। और बे सब जनै पबित्र आत्मासे भरिगए और बे परमेश्वरको बचन हिम्मतसे सुनातए रहे।

1 कोरिन्थी 10:21

भुतके जो चढाओगओ हए बोको खान-पिनमे सामिल होन तुमर ताहीं जा सम्भब नाए हए। पर बहेके सँग खान-पिनमे सामिल होओ, जो हमके प्रभुको मृत्युके याद करबात हए।

रोमियों 12:12

तुमर ठिन जो आसरा हए बोमे तुमके खुसी होन चाहो, दुखमे धैर्य करओ, और लगातार प्राथना करतए रहाओ।

हिब्रू 10:39

पर हम परमेश्वरके इन्कार करन बारे और नाश होन बारेन मैसे नाए हएं। पर हम बे आदमीन मैसे हएं जो बिश्वासे प्राण बचाएगए हएं।

प्रेरित 11:23

बारनाबास एन्टिओखिया सहरमे पुगके और परमेश्वरको अनुग्रह देखके बहुत खुसी भओ। बारनाबास बे आदमीनसे प्रभुप्रती पुरा मनसे बिश्वासी भए रहियओ कहिके उत्सहा दइ।

1 कोरिन्थी 11:2

मए तुमर तारिफ करत हओं। काहेकी तुम मोके हर समयमे याद करत रहात हओ; और जो शिक्षा मए तुमके दओ हओं, उनके साबधानीसे पालन कररहे हओ।

प्रेरित 20:11

तओ फिरके बे उपर चढेके प्रभुभोज खाइं पिच्छु सुबेरे उजियारो होनसे बहुत देरतक बात चित करके बैठे। तओ पिच्छु बिदा भए।

1 यूहन्ना 2:19

बे ख्रीष्ट बिरोधी हमर सँग छोडके चलेगए, पर बे अपने नाए रहएं। अगर बे हमरे अपने हुइते, तओ बे हमरी सँग हुइते। बे चलेगए, जोसे जा दिखात हए, कि बिनमे कोइ फिर हमर अपनो नाए रहए।

गलातियों 1:6

मए दुखी हओं, कि परमेश्वर तुमके ख्रीष्टको अनुग्रहसे अपने आदमी होनके ताहीं बुलाइ बासे तुम इतनो जल्दी घुमिगए, और एक अलग शिक्षा जोसे कुछ आदमी “अच्छो समाचार” कहात हएं, और तुम बोके बिश्वास करनके या स्वीकार करनके सुरु करदए हओ।

प्रेरित 4:23

पत्रुस और यूहन्ना छुटके अपन सँगीनके ठिन आए, और जो कुछ मुखिया यहूदी पुजारी और यहूदी अगुवनको समुह कही रहएं, बे सब बात बिनके बताए दइं।

लूका 24:35

तओ बे डगरमे भओ सब बात बताए दइं, और जा फिर बताए दइं, कि बे रोटी खात पेती येशूके कैसे चिनीं।

लूका 24:30

जब येशू बिनके सँग खान बैठो, तओ बा रोटी लैके आशीर्वाद दइ, और तोणके बिनके देन लागो।

1 कोरिन्थी 14:6

जहेमारे हे मेरे बिश्वासी ददाभइयओ, अगर मए तुमर ठिन आएके फरक-फरक भाषामे बात करओं, और प्रकाश, या कुछ खास ज्ञान लाओं, या परमेश्वरको सन्देश, या शिक्षा देओं, बो तुमर ताहीं फाइदा होबैगो।

फिलिप्पी 1:5

काहेकी तुम पहिले दिनसे जा अच्छो समाचारमे बिश्वास करे और आजतक येशू ख्रीष्टके बारेमे अच्छो समाचार फैलानमे मिर मदत करेहओ।