Biblia Todo Logo
Bib sou entènèt

- Piblisite -




प्रेरित 2:33 - राना थारु नयाँ नियम

33 अब बा स्वर्गमे परमेश्वरको दहिना हात घेन सबसे बडो सम्मानको ठाउँमे बिराजमान हए। और दौवा जैसे बाके बाचा करी रहए, उइसियए बाके पबित्र आत्मा दइ और बो पबित्र आत्मा हमके दइ हए, जैसेकी तुम आजकाल देख रहेहओ और सुनरहे हओ।

Gade chapit la Kopi

परमेस्वर को सच्चो वचन

33 बौ परमेस्वर, बाके दऊवा के दहने घाँईं उठो भौ है, और बासे पवित्र आत्मा लई है, जैसो बौ वादा करी रहै। अब तुम जो देख और सुनरै हौ, बौ बाको उपहार है जो बौ हमरे ऊपर डारी है।

Gade chapit la Kopi




प्रेरित 2:33
32 Referans Kwoze  

एकचोटी जब बे एकए सँग रहएं, तओ येशू चेलनसे भेँटके उनके आज्ञा दइ, “यरूशलेम सहरसे कहुँ मत् जैयओ, पर बो बरदानके आसरा करियओ जो मिर दौवा तुमके देनके प्रतिज्ञा करी रहए।”


बहेके परमेश्वर अपन दहिना घेन सृष्टिकर्ता और मुक्तिदाता बनाइ हए। ताकी इस्राएल देशके आदमी अपनो खराब बिचार और खराब डगरसे परमेश्वर घेन घुमएं। और बाके द्वारा अपनो पापको क्षमा पाए सकएं।


आखिरी दिनमे अइसो हुइहए करके परमेश्वर कहात हए, ‘मए सब आदमीनके उपर मिर आत्मा देहओं, और तुमर लौंणा और तुमरी लौंणीया अगमबाणी बोलंगे, और तुमर जवान आदमी दर्शन देखंगे, और तुमर बुढेपाखे सपनादर्सी हुइहएं।


पर सल्लाहकार, अर्थात् पबित्र आत्मा, जौनके दौवा मेरे ठिहाके लेनके ताहीं पठाबैगो, पबित्र आत्मा तुमके सब बात सिखाबैगो, और जो कुछ मए तुमसे कहो हओं, पबित्र आत्मा तुमके सब बातको याद करबाबैगो।”


जब प्रभु येशू चेलनके जे सब बात कहेडारी, तओ परमेश्वर बाके स्वर्गमे उठाए लइ और बा परमेश्वरके सँग शासन करनके ताहीं परमेश्वरके दहिना घेन बैठिगओ।


और अब बा स्वर्गमे जाएके परमेश्वरको दाहिना हात घेन सबसे उच्च ठाउँमे बैठो हए, और बा सबए स्वर्गदूत और सबए अधिकारी और शक्तिनके उपर शासन करत हए।


ख्रीष्ट अइसो जाकेमारे करी, ताकी गैर-यहूदीनके बहे आशिष मिलए, जौनको प्रतिज्ञा परमेश्वर अब्राहामके सँग येशू ख्रीष्टके द्वारा करी रहए, और ख्रीष्टमे बिश्वासके द्वारा, हम परमेश्वरको आत्मा पामएं, जौनको परमेश्वर हमके देनके प्रतिज्ञा करी रहए।


परमेश्वर अपनो पबित्र आत्माको बरदान गैर-यहूदी आदमीके उपर फिर अख्नाओ देखके पत्रुस सँग आएभए खतना करेभए बिश्वास करन बारे यहूदी बिश्वासी अचम्मो मानीं।


तओ येशू बिनके ठिन आएके कही, “स्वर्ग और पृथ्वीको सब अधिकार मोके दओगओ हए।


मए दौवासे प्राथना करंगो, और परमेश्वर तुमर ताहीं एकजनै सल्लाहकार पठाए देबैगो, और बा सदा दिन तुमर सँग रहाबैगो।


काहेकी ख्रीष्ट कर भओ कामके कारणसे, तुम अभए परमेश्वर उपर बिश्वास करत हओ। और तुम अपनो बिश्वास और आसराके परमेश्वरमे रक्खे हओ, काहेकी परमेश्वर ख्रीष्टके मृत्युसे जिन्दा करी और परमेश्वरके बहुत महिमा दइ।


पर ख्रीष्ट अपनो शरीर आदमीनको पाप उठाए लैजानके ताहीं एकए चोटी बलि भओ, जो सदामानके ताहीं प्रभावशाली हए। जा काम निभटके पिच्छु बा परमेश्वरको दहिना हात घेन उँचो सम्मानके ठाउँमे बैठो।


हम जा आसरामे दुखि नाए होमंगे, काहेकी परमेश्वर पबित्र आत्मा दइ हए और पबित्र आत्मा हमर हृदयमे परमेश्वरको प्रेम भरदइ हए।


हमर मुक्तिदाता येशू ख्रीष्ट जो करी, बाके द्वारा परमेश्वर जा पबित्र-आत्माके, हमरे भितर रहानके ताहीं स्वतन्त्रसे और प्रसस्ततासे पठाइ।


येशू ख्रीष्टके बारेमे पबित्र-शास्त्र कहात हए, “बा स्वर्ग उपर चढत पेती बा बहुत कैदीनके अपने सँग लैगओ और आदमीनके उपहार दइ।”


अब हे दौवा, अब अपनी उपस्थितिमे मेरी महिमा करओ, बहे महिमा जो संसारको उत्पत्तिसे पहिले तुमर सँग रहात पेती मेरे सँग रहए।”


“मए दौवाके घेनसे तुमर ताहीं एक सल्लाहकार पठामंगो। बा बो आत्मा हए जो परमेश्वरके बारेमे सच्चाईके प्रकट करत हए, जब बा आबैगो तओ बो तुमके मेरे बारेमे गवाही देबैगो।


और मए अपनए तुमर उपर पबित्र आत्मा पठामंगो, जौनको प्रतिज्ञा मिर दौवा करी हए। पर तुमके तबतक जहे सहरमे आसरा करनके होबैगो जब तक तुम स्वर्गसे शक्ति नापए हओ।”


और तुमरसँग फिर जहे भओ हए। तुम बहे सच्चो सन्देश और मुक्तिको अच्छो समाचारके सुने हओ, जो जाके बारेमे बतात हए, कि परमेश्वर तुमके बचाए सकत हए। जब तुम ख्रीष्टमे बिश्वास करे, तओ परमेश्वर अपनो प्रतिज्ञा करोभओ पबित्र आत्मा तुमके दइ, जा दिखानके ताहीं कि तुम परमेश्वरके हओ।


पर सच्चाई जा हए, कि कुछ समयके ताहीं, येशू स्वर्गदूतसे कुछ छोटो करोगओ। परमेश्वरको अनुग्रहसे येशू संसारके सब आदमीनके ताहीं कष्ट भोगी और मरो। जहेमारे परमेश्वर येशूके महिमा और आदर दइ।


Swiv nou:

Piblisite


Piblisite