प्रेरित 19:21 - राना थारु नयाँ नियम

²¹ जा घटना पिच्छु, पावल माकेडोनिया परदेश और अखैया परदेशके बिश्वासीनसे भेँटनके बाद यरूशलेम सहरमे जानके फैसला करी। बो कही, “यरूशलेम सहरमे जएहओं तओ मए रोम सहरमे फिर जानपणैगो।”

परमेस्वर को सच्चो वचन

²¹ जे बात होन के बाद, पौलुस मन मैं ठान लई कि मकिदुनिया और अखाया से हुईकै यरूसलेम कै जामौं। और कही, “हूँना जान के बाद मोकै रोम कै भी देखनो चाहिए।”

प्रेरित 19:21 Referans Kwoze

प्रेरित 20:22

अब देखओ, मए पबित्र आत्माको आज्ञा मानके यरूशलेम सहर घेन जातहओं, हुवाँ मोके कैसो हुइहए सो मए नाए जानत हओं।

प्रेरित 20:16

एशिया परदेशमे समय बितानके बिचार नाए हुइके कारणसे बे एफिसस सहरमे बिना घुसके जानके बिचार करीं। काहेकी बे पेन्तिकोस तेवाहरको दिन यरूशलेम सहरमे पुगन बे अड्बाडात रहएं।

प्रेरित 23:11

दुस्रो दिन रातके, प्रभु येशू पावलके ढिँगै ठाणके कही, “पावल, हिम्मत कर। काहेकी जैसी तर यरूशलेम सहरमे मिर बारेमे गवाही दओ, उइसी तोके रोम सहरमे फिर गवाही देन पणैगो।”

रोमियों 1:13

और हे ददाभइयओ, मए चाँहत हओं, कि तुम जानपाबओ, कि मए घरी-घरी तुमर ठिन आनके चाहो, जैसे कि मए गैर-यहूदीनके बीचमे ख्रीष्टके ताहीं चेला बनाओ, उइसीयए तुमके फिर चेला बनाए पामओं, पर अभएतक मए रुको रहो।

प्रेरित 18:21

पावल अइसे कहिके बिनसे बिदा भओ, “अगर परमेश्वरको इच्छा भओ कहेसे मए फिर तुमर ठिना आमंगो।” तओ फिर बो एफिसस सहरसे समुन्दरके डगर हुइके गओ।

1 थेसलोनिकी 1:7

हियाँतककी माकेडोनिया परदेश और अखैया परदेशमे सब बिश्वासीके बीचमे तुम एक नमुना बने।

गलातियों 2:1

चौधा बर्ष पिच्छु मए बारनाबासके सँग यरूशलेम सहरमे गओ। और तीतसके फिर सँगमे लैगओ।

1 कोरिन्थी 16:5

और मए माकेडोनिया परदेशको यात्रा करके पिच्छु तुमर सँग भेँटघट करनके अएहओं, काहेकी मोए माकेडोनिया परदेश हुइके जानके हए।

रोमियों 1:15

जहेमारे मए तुमके फिर, जो रोम सहरमे रहात हओ, अच्छो समाचार परचार करनके बहुत इच्छा हए।

प्रेरित 28:16

जब रोम सहरमे आएपुगे तओ पावलके सिपाहीको रेखदेखमे अपनो डेरा लैके बैठन दइं।

प्रेरित 27:24

‘ए पावल, मत् डराए, तोके रोमको महाराजा कैसरके अग्गु जरुरए जानपणैगो, और तेरे कारणसे तेरे सँग जान बारेनके परमेश्वर सबके दया करैगो।’

प्रेरित 27:1

जब हाकिम फेस्तसके माध्यमसे जा पक्का हुइगओ, कि पानीजहाजसे हमके इटालिया परदेशको रोम सहरमे जानपणैगो, तओ बे पावल और औ बहुत कैदीन्के महाराज अगस्‍टसको सेनाको युलियस नाउँको कप्तानके जिम्मामे लगाए दइ।

प्रेरित 21:17

और जब हम यरूशलेम सहरमे आइगए, तओ बिश्वासी ददाभइया हमके खुसीसाथ स्वागत करीं।

प्रेरित 21:4

चेलनके ढुणके बिनके सँग हम सात दिन हुवाँ बैठे। पावल यरूशलेम सहरमे नाए जाए करके, बे पबित्र आत्माको अगुवाइसे बिन्ती करीं।

प्रेरित 18:12

अखैया परदेशके इलाकामे गलियोन कहान बारो आदमी, बडो हाकिम भओबेरा यहूदी मिलके पावल उपर आक्रमण करीं, और बोके पक्णी। तओ बोके बडो हाकिम ठिन अदालतमे लैजाएके कहीं,

प्रेरित 16:12

और हुवाँसे हम फिलिप्पी सहरमे आएपुगे, जो माकेडोनिया परदेशको इलाकाको मुख्य गाउँ रहए, बो सहर रोमीको अधिनमे रहए। हुवाँ हम कुछ दिनतक रहे।

प्रेरित 19:22

जहेमारे पावल सेवा करन बारो मैसे तिमोथी और इरास्तसके माकेडोनिया परदेशमे अपनेसे अग्गु पठाइ, पर बो अपना कुछ दिनतक एशिया परदेशको एफिसस गाउँमे रहो।

प्रेरित 19:29

अइसे सहरके बहुत आदमी चिल्लानको अबाज सुनिं और आएके भिडमे सामिल हुइगए। आदमी एकजुट हुइके आए और माकेडोनिया परदेशमे बैठन बारे पावलके सँगी गायस और अरिस्‍तार्खसके पकणके खेलको मैदानमे कढेरत लैगए।

रोमियों 1:11

काहेकी मए तुमसे मिल्पामओं करके बहुत इच्छा करत हओं, ताकी मए तुमके कोइ आत्मिक बरदान दएपामओं और तुमके बिश्वासमे पक्को बनाए पामओं।

1 कोरिन्थी 4:19

पर प्रभु चाहैगो तओ मए तुमर ठिन जल्दीए आमंगो, और सिर्फ जाके ताहीं इकल्लो नाए कि, बे घमण्डी आदमी कैसे बात कर रहे हएं, बल्कि उनको शक्तिके फिर जाननके ताहीं आमंगो।

2 कोरिन्थी 10:16

ताकी हम दुर-दुरको क्षेत्रमे अग्गुवए भओ काममे घमण्ड नाए करके तुमसे बाहिरके ठाउँमे अच्छो समाचार परचार करपामएं।