प्रेरित 18:24 - राना थारु नयाँ नियम

²⁴ हुनए अलेक्जेन्ड्रिया सहरमे जन्मो भओ अपोल्लोस नाउँ भओ एक जनै यहूदी एफिसस सहरमे आओ। बो बहुत अच्छेसे मस्कन जानन बारो आदमी रहए और बोके पबित्र-शास्त्रको बहुत ज्ञान रहए।

परमेस्वर को सच्चो वचन

²⁴ बौ समय अपुल्लोस नाओं को एक यहूदि जोको जनम सिकन्दरिया मैं भौ रहै, इफिसुस मैं आओ रहै। जो एक ग्यानी आदमी रहै और पवित्र सास्त्र को अच्छो जानकार रहै।

प्रेरित 18:24 Referans Kwoze

तीतुस 3:13

जब जेनास नाउँको नियम कानुन सिखान बारो और अपोल्लोस नाउँको एक दुस्रो आदमी अपनी यात्राके ताहीं निक्रंगे, तओ उनकी मदतके ताहीं जो कुछ तए कर्पात हए, करिए। जो कुछको फिर उनके जरुरत होए, बो उनके दिए। ताकी यात्रा करत पेती उनके कुछु कमी नाए होबए।

1 कोरिन्थी 4:6

हे मेरे बिश्वासी ददाभइयओ, मए अपोल्लोसके और अपनएके एक उदाहरण रुपमे इस्तमाल करो हओं। जा बतानके ताहीं, कि मए का कर रहो हओं। तुमके हमसे सिखन चाहो, कि पबित्र-शास्त्रमे जो लिखो हए, बोसे अग्गु मतजाओ। अब तुम घमण्डसे हम मैसे एक-दुस्रेके बिरोधमे नाए रहाइगे।

1 कोरिन्थी 16:12

और बिश्वासी ददाभइया अपोल्लोससे मए बहुत बिन्ती करो, कि औ बिश्वासीनके सँग जो तुमसे मिलनके आए रहएं; पर बो जा समयमे जानके कुछु फिर इच्छा नाए करी, पर मौका मिलैगो कहेसे आए जाबैगो।

1 कोरिन्थी 1:12

मिर कहानको मतलब जा हए, कि तुम मैसे कोइ त अपनएके “मए पावलको चेला हओं,” कोइ “मए अपोल्लोसको चेला हओं,” कोइ “मए केफासको चेला हओं” और कोइ “मए ख्रीष्टको चेला हओं” कहात हओ।

प्रेरित 6:9

पर कोइ आदमी स्तिफनसके बिरोध करीं। बे बो यहूदी सभाघरको सदस्य रहए, जोके दासत्व-मुक्त कहोजात रहए, बे आदमी कुरेनी सहरके और अलेक्जेन्ड्रिया सहरके रहएं, और किलिकिया परदेश और एशिया परदेशसे फिर रहएं। जे आदमी स्तिफनसके सँग बाद-बिबाद करन लागे।

कलस्सी 3:16

हर समय ख्रीष्टके सन्देशके बारेमे सोँचओ। ताकी जा बे सबके नियन्त्रण करए, जो तुम करत और सोँचत हओ। और सिद्ध ज्ञान सहिँत एकदुस्रेके सिखाओ, और सल्लहा देओ। और अपने-अपने मनमे धन्यबादके सँग परमेश्वरके ताहीं भजन, स्तुति और आत्मिक गीत गाओ।

2 कोरिन्थी 10:10

काहेकी कुछ आदमी कहात हएं, “बोको चिट्ठी खरो और प्रभावशाली होत हएं, पर बो अपनए उपस्थित होत पेती बो कमजोर होत हए और बोको बचन व्यर्थ होत हए।”

प्रेरित 27:6

हुवाँ कप्तान युलियस, अलेक्जेन्ड्रिया सहरसे इटालिया परदेशमे जान बारो पानीजहाज पाइ और बो हमके बहे पानीजहाजमे चढान लगाइ।

प्रेरित 7:22

मोशाके मिश्रदेशमे रहान बारेनको सारा ज्ञानको शिक्षा पढाओ गओ, बो बोलचाल और कामकाजमे शक्तिशाली रहए।

लूका 24:19

येशू बिनसे पुँछी, “कौनछो बात?” बे येशूके जबाफ दइं, “नासरत गाउँको येशूके बारेमे, जो परमेश्वर और सब आदमीके अग्गु शक्तिशाली चमत्कार करी और शक्तिशाली सन्देश दइ बा एक परमेश्वरको अगमबक्ता रहए।

मत्ती 13:52

फिर येशू बिनसे कही, “जहेमारे हरेक मोशाको नियम कानुन सिखान बारो जौन स्वर्गके राज्यको चेला बनो हए, तओ बो बहे आदमी हानी हए जौनके घरमे बोकेसँग भण्डार होत हए। बो हुवाँसे दोनए पुरानी और नयाँ मूल्यवान चीज बाहिर निकारन सिकत हए।”

प्रेरित 18:28

काहेकी बो पबित्र-शास्त्रको बचनसे, येशूए ख्रीष्ट हए कहान बारी बात साबित करके यहूदी दलके नेतनके, सबके अग्गु बिरकुल बिना जबाफको बनाए दइ।

प्रेरित 18:19

तओ तिनौ जनै एफिसस सहरमे गए, तओ पावल, प्रिस्‍किला और अकिलासके हुनै छोड दइ। जब पावल हुवाँ रहए बो यहूदी सभाघरमे जाएके यहूदीनसे बादबिबाद करन लागो।

प्रेरित 18:21

पावल अइसे कहिके बिनसे बिदा भओ, “अगर परमेश्वरको इच्छा भओ कहेसे मए फिर तुमर ठिना आमंगो।” तओ फिर बो एफिसस सहरसे समुन्दरके डगर हुइके गओ।

प्रेरित 19:1

जब अपोल्लोस कोरिन्थ सहरमे रहए तओ पावल एशिया परदेशको इलाकाके बीचसे होत एफिसस सहरमे आएपुगो। हुवाँ पावल, प्रभु उपर बिश्वास करन बारे कुछ चेलनके भेँटी।