प्रेरित 16:34 - राना थारु नयाँ नियम

³⁴ तओ हाकिम, पावल और सिलासके अपने घरमे खानु खबाइ। हाकिम परमेश्वरके उपर बिश्वास करनके कारणसे बे सबए खुसी भए।

परमेस्वर को सच्चो वचन

³⁴ फिर बौ पौलुस सीलास कै अपने घर मैं लै जाएकै कुछ उनकै खानु खान कै दई। और बाको पूरो परिवार परमेस्वर ऊपर बिस्वास करकै खुसी मनाईं।

प्रेरित 16:34 Referans Kwoze

रोमियों 15:13

मए प्राथना करत हओं, कि परमेश्वर जो आसरा देन बारो हए, तुमके बिश्वास करनमे पुरा रुपसे खुसी और शान्तिको आनन्द लेनमे मदत करसकए। ताकी पबित्र आत्माको शक्तिसे तुमर आसरा बढतए जाए।

फिलेमोन 1:7

हे मेरो प्यारे भइया, दुस्रे जनैनके तए करोभओ प्रेमके देखके मए बहुत आनन्दित और उत्साहित हओं। काहेकी तेरे द्वारा परमेश्वरके आदमी उत्साहित हुइगए हएं।

रोमियों 5:11

इतकए इकल्लो नाए, पर अब त प्रभु येशू ख्रीष्टद्वारा परमेश्वरसे हमर मेलमिलाप हुइगओ हए; जहेमारे हम परमेश्वरमे आनन्दित हएं।

प्रेरित 2:46

बे एक मनके हुइके मन्दिरमे एकए सँग उपस्थिति होत रहएं। और प्रभुभोजके ताहीं एक-दुस्रेके घरमे जमा होत रहएं। और बे खुसीसे शुद्ध मन हुइके खानु खात रहएं।

1 यूहन्ना 3:18

हे मेरे प्यारे बालकओ, हम मुँहुँ और बातसे इकल्लो प्रेम नाए करएं, हमर प्रेम सच्चो होन पणत हए। अइसो प्रेम काम द्वारा इकल्लो दिखात हए।

फिलिप्पी 4:17

मए जा चिट्ठी जाकेमारे नाए लिखो, कि मए रुपैया चाँहत हओं, बल्कि मए अइसो फल चाँहत हओं कि, जो तुमर फाइदाके ताहीं बढत जाबए।

फिलिप्पी 4:4

प्रभुमे रोज आनन्द करओ, मए फिरसे कहात हओं, आनन्द करओ।

रोमियों 5:2

हमर बिश्वास करनके कारण, ख्रीष्ट हमके जा अनुग्रहमे लाइ हए, जहाँ हम अभए खडा हएं। और हम निश्चय और आनन्दके साथ परमेश्वरको महिमामे सहभागी होनके आसरामे हएं।

प्रेरित 11:14

बो तुमके बचन सुनएहए, और परमेश्वर तोके और तेरे घरानाके सबए आदमीनके बचाबैगो।’

प्रेरित 8:39

बे पोखरी मैसे बाहिर निकरके आए, तओ प्रभुको आत्मा फिलिपके पकणके लैगओ। और नपुंसक बोके फिरसे नाए देखन पाइ, और परमेश्वर बोके बचाएलै कहिके खुसी होत अपनो देशमे लौटके चलो गओ।

लूका 19:6

बो जल्दीसे रुखासे तरे उतरो और येशूके अपन घर लैगओ और खुसीसे बाको स्वागत करी।

लूका 15:32

पर अब आनन्द करन और खुसी होनचाहो काहेकी जो तेरो भइया मरो जैसो रहए, बो जिन्दा भओ हए, हरानो रहए पर अब मिलिगओ हए।’”

लूका 5:29

लेबी अपनो घरमे येशूके ताहीं बडो भोजको ब्यवस्था करी। हुवाँपर कर उठान बारे, और बडो संख्यामे येशूके सँग खानु खानके बैठे रहएं।

गलातियों 5:22

जब पबित्र आत्मा हमके अगुवाई करत हए, तओ बा हमके प्रेम करनके, आनन्दित रहानके, शान्तिमे रहानके, धिरज करनके, दया दिखानके, भलाइ करनके, भरोसा करनके,

प्रेरित 16:15

और बिश्वास करके, लिडिया और बोके घराना बप्तिस्मा लैं। तओ फिर बो हमके अपने घरमे बैठन अनुरोध करके कही, “अगर तुम मोके नेहात्तओ प्रभुमे बिश्वास करीभइ बहिनीया सम्झत हओ कहेसे हमरे घरमे आएके बैठदेबओ।” अइसे बो हमके बोके घरमे जानके कर लगाइ।

प्रेरित 16:35

पर दुस्रे दिन सुबेरे सहरके हाकिम, पावल और सिलासके छोडदियओ कहिके आज्ञा दइके सिपाहीन्के पठाइ।