प्रेरित 16:14 - राना थारु नयाँ नियम

¹⁴ और हमर बात सुनन बारे मैसे लिडिया नाउँ भइ एक बैयर रहए। बो बैयर थिआटीरा कहान बारो सहरसे आएके फिलिप्पी सहरमे बैजनी रंगको लत्ताको व्यपार करत रहए। लिडिया परमेश्वरको डर मानन बारी लौंणीया रहए। पावलकी कहीभइ बातमे ध्यान देनके ताहीं प्रभु बोको मन खोलदइ।

परमेस्वर को सच्चो वचन

¹⁴ जो बईंय्यरैं हमैं सुनीं, उनमैं से एक थुआतीरा सरह मैं की लुदिया नाओं की बईय्यर रहै, जो बैंगनी लत्तन को ब्यापार करत रहै। बौ एक बईय्यर रहै जो परमेस्वर की आराधना करे करत रहै, और प्रभु बाको मन खोली, ताकी पौलुस की बातन मैं ध्यान लगाबै।

प्रेरित 16:14 Referans Kwoze

लूका 24:45

तओपिच्छु बा बिनके पबित्र-शास्त्र बुझानके मदत करी।

प्रकाश 3:20

सुन, तेरे हृदयमे घुसनके ताहीं मए घरके बहेर ठाणके और फाटक ढकढकान बारो आदमी कता हओं। अगर तए मिर अबाज सुनके अपनो हृदय खोलदेहए कहेसे मए भितर आमंगो और हम एकदुस्रेन सँग सबए मिल्के संगती करंगे।

रोमियों 9:16

जहेमारे परमेश्वर बो आदमीके चुनैगो जोके उपर दया दिखानको निर्णय लेतहए; बाको छनौट आदमीको करन चाहन बारो काम या इच्छामे भर नाए पणत हए।

फिलिप्पी 2:13

काहेकी परमेश्वर तुममे काम कर रहोहए, तभीमारे तुमके बो सब काम करन इच्छा और शक्ति देतहए, जौन काममे परमेश्वर खुसी होतहए।

प्रेरित 11:21

और प्रभुको सामर्थ उनके उपर रहए, और बहुत गैर-यहूदी आदमी उनको सन्देशमे बिश्वास करीं और प्रभु येशूमे बिश्वास करनके सुरु करीं।

प्रकाश 3:7

येशू मोसे जा फिर कही, “फिलाडेल्फिया सहरके मण्डलीके स्वर्गदूतके जा सन्देश लिख: मए बहे हओं जो पबित्र और सत्य हए, जोके सँग राजा दाऊदको चाभी हए, जब मए बो चभीसे ढोका खोलंगो, बोके कोइ फिर बन्द नाए कर्पएहए और जब मए चाभीसे बन्द करंगो बोके कोइ फिर नाए खोल पएहए। जो मए तोसे कहात हओं बोके सुन:

प्रेरित 18:7

बो समयसे लैके पावल यहूदीनको यहूदी सभाघरमे जान छोड दइ। बो यहूदी सभाघरके जौँणे परमेश्वरको भक्ति करन बारो गैर-यहूदी तीतस युस्तस नाउँ भओ एक जनै ग्रीक आदमीको घरमे पावल सिखानके ताहीं गओ।

प्रकाश 1:11

“तए जो कुछ देखत हए, बोके एक खलरीको चिट्ठीमे लिख्, और जाके सात मण्डलीनके पठा, जो जे सहरमे हएं: एफिसस सहर, स्मुर्ना सहर, पर्गामम सहर, थिआटीरा सहर, सार्डिस सहर, फिलाडेल्फिया सहर, और लाउडिकिया सहर।”

प्रेरित 10:2

बो परमेश्वरको आराधना करत रहए, बो और बोको अपनो सारा परिवार समेत परमेश्वरको डर मन्त रहएं। और गरीब आदमीनके बहुत दान देत रहएं और घरी-घरी परमेश्वरसे प्राथना करत रहएं।

प्रेरित 8:27

तओ फिलिप उठके चल्दइ, और तओ इथियोपिया देशको एक आदमी आनडटो रहए, जो नपुंसक और इथियोपिया देशकी महारानी कन्दाकी बणी पद अधिकारी और सब सम्पतिको कोषाध्यक्ष रहए। बो यरूशलेम सहरमे आराधना करन गओ रहए।

यूहन्ना 12:20

हुवाँ पर कुछ, ग्रीक भाषा मस्कन बारे फिर रहएं, जो यहूदीनको निस्तार तेवहारको समयमे आराधना करनके ताहीं यरूशलेम सहरमे आए रहएं।

प्रेरित 13:43

जब यहूदी सभाघर निभटके बिदा भए, तओ बहुत आदमी यहूदी दलके नेता और यहूदी धर्म मानन बारे भक्त मनै, पावल और बारनाबासके पिच्छु लग्गए। पावल और बारनाबास उनसे बात करके, रोज परमेश्वरके अनुग्रहमे रहे रहियओ कहिके बिन्ती करीं।

प्रेरित 13:50

पर यहूदी अगुवा, भक्ति करन बारे उच्च श्रेणीके बैयर और सहरके नेतनके समेत पावल और बारनाबासके बिरोधमे उपद्र करनके उठाइं और बे दुई जनैके बो परदेशको सिमानासे बाहिर निकार दइं।

प्रेरित 16:40

जेलसे निकरनके बाद पावल और सिलास लिडियाके घरमे गए। हुवाँ बे प्रभुमे बिश्वासी ददाभइयनसे भेँटघाट करीं, और बिनके उत्सहा दइके हुवाँसे चलेगए।