प्रेरित 15:20 - राना थारु नयाँ नियम

²⁰ और बोमे उनके जे बातनको जानकारी देमएं; कि ‘बे मूर्तिमे चढाओ भओ खानु नाए खामएं, व्यभिचार नाए करएं, घेँट अमेठके मारे गए जानबरन्को बुट्टी नाए खामएं और जानबरन्को खुन नाए पिइमएं।’

परमेस्वर को सच्चो वचन

²⁰ पर उनकै चिट्ठी लिखकै पनारैं कि बे मूर्तिन के चढ़ाय भै असुद्ध खानु होन से और व्यभिचार और घेंट अमेठे भै जानवर के मास से और बाके खून से दूर रहामैं।

प्रेरित 15:20 Referans Kwoze

प्रेरित 15:29

अब खास बात जेहीँ हएं: मूर्तिनको बलि चढाओ भओ खानु मत् खैयओ, कोइ जनाबरको खुन मत् पिइयओ, घेँट अमेठके मारो भओ जनाबरको बुट्टी मतखैओ और व्यभिचारीन्से अलग हुइके बैठियओ। जे बातके पालन करे कहेसे तुमके अच्छो होबैगो। तुम सबके भलाइ होबए। कहान बारी बात इत्कए हए।”

प्रकाश 2:20

पर तिर बिरुद्धमे मिर जा गुनासो हए: तए बो बैयर ईजेबेलके झुठो शिक्षा फैलान देतहए। बो कहात हए, “मए एक अगमबक्ता हओं” पर बक शिक्षा मेरे आदमीनके यौन पापमे भाग लेन और मूर्तिके बलि चढाओ भओ खानु खान लगात हए।

प्रकाश 2:14

पर तिर बिरुद्धमे मिर जा गुनासो हए: काहेकी तए बे आदमीनको बिरोध नाए करत हए, जो तेरे मण्डलीमे झुठे शिक्षा देत हएं, जैसे अगमबक्ता बालाम बितो भओ समयमे शिक्षा दइ रहए। बालाम अगमबक्ता, राजा बालाकके सिखाइ, कि इस्राएल देशके आदमीनके पाप करनके ताहीं उक्सानके का करनके पणैगो। बो उनके मूर्तिनको बलि चढाओ भओ खानु खान और अनैतिक रुपसे जीइनके सिखाइ।

प्रेरित 21:25

पर गैर-यहूदी और बिश्वास करिहएं, बे मूर्तिके बलि चढाओ भओ चीज नाए खामएं, जानबरको खुन नाए खामएं, घेँट अमेठके मारो भओ जानबरको बुट्टी नाए खामएं और व्यभिचारसे अलग रहामएं कहिके हम चिट्ठीमे लिखेहएं।”

1 कोरिन्थी 6:18

व्यभिचारसे पुरा रितिसे दुर रहाओ। कोइ अन्य पाप स्पष्ट रुपसे शरीरके प्रभावित नाए करत हए जैसे जा पाप करत हए। पर व्यभिचार करन बारो आदमी अपनुवए शरीरके बिरुद्ध पाप करत हए।

1 कोरिन्थी 6:9

तुम जरुर जानत हओ, कि अन्याय करन बारे आदमी परमेश्वरको राज्यमे घुसन हक नाए पामंगे। अपनएके धोखा मतदेओ, नए व्यभिचार, नए मूर्तिपूजक, नए परस्त्रिगमन, नए छाडा काम करन बारे,

प्रकाश 9:20

और बाँकीके आदमी, जो बे हानिकारक घोडनके द्वारा नाए मारे गए, बे अपनी सोनो, चाँदी, पितर, पत्थर और लकणीकी मूर्तिके पुजा करनके नाए छोडीं, जो बे बनाइ रहएं। जे मूर्ति नए देख पातहएं, नए सुनपात हएं और नए नेँगपात हएं। बे भुतनके फिरसे आराधना करनके नाए छोडीं।

1 पतरस 4:3

गएभए समयमे तुम गैर-बिश्वासीनके मन पणन बारो काम करके बहुत समय बर्बाद करे। तुमर जीबन अन्यजाति कता व्यभिचार, कुबासना, दारुके नसामे, मोजमजा, पियक्कडपन और घृणित मूर्तिपुजामे बितो, जोके परमेश्वर घृणा करत हए।

हिब्रू 13:4

सबनको बेहा आदरणीय होबए, और बेहामे एकदुस्रेके प्रति बिश्वासयोग्य रहाबओ। काहेकी व्यभिचार और सब मेलके अनैतिक काम करनके और दुस्रेन्को लोगा या बैयर सँग बिगडन बारेनके परमेश्वर सजाय देबैगो।

1 थेसलोनिकी 4:3

परमेश्वरको इच्छा जा हए, कि तुम पबित्र बनओ अर्थात् तुम व्यभिचार मत् करओ।

कलस्सी 3:5

जहेमारे बो खराब काम करनके छोडदेबओ, जो तुमर पापी स्वभाबसे जुडे हएं और जो पृथ्वीमे हएं, जैसेकी व्यभिचार, अशुद्धता, कामुकता, खराब इच्छा। और लालची मतबनओ, जो मूर्तिपुजा करो कता हए।

इफिसियों 5:3

ख्रीष्टके पबित्र आदमी भओके कारणसे तुमर अग्गु व्यभिचार, लोभ, लालच और सब मेलके अशुद्ध बातको नाउँ फिर नाए लेनके हए।

गलातियों 5:19

तुम सब जानत हओ, कि जो आदमी अपनी इच्छनके पिच्छु चलत हएं, बे जेहिं काम करत हएं, बे व्यभिचार करत हएं, अशुद्ध सोच-बिचार करत हएं, छाडा होत हएं।

1 कोरिन्थी 8:1

अब बो प्रश्नके बारेमे, जौन बात तुम अपन चिट्ठीमे लिखे रहओ: का मूर्तिनके अग्गु बलि चढाओ भओ खानु बारी चीजके खान सही हए? हम जान्त हएं, कि हम सबके ठिन ज्ञान हए: ज्ञानसे घमण्ड आत हए, पर प्रेमसे उन्नति होत हए।

1 कोरिन्थी 7:2

पर व्यभिचारके परीक्षामे पणके अनैतिक कामनके करन बहुत सजिलो बात हए। मए जा सल्लाहा देत हओं, कि हर लोग बेहा करलेमएं और अपनी बैयरके साथ इमान्दार रहाएं।

1 कोरिन्थी 5:11

मिर कहाइको मतलब जा हए; कि अगर कोइ अपनएके एक बिश्वासी बताएके, व्यभिचार करन बारे, लोभ करन बारे, मूर्ति पूजन बारे, बुराइ करन बारे, दारु पिन बारे, या चुरान बारे होएं, तओ बोको सँगत मत् करीयओ; और अइसे आदमीनके सँग खानु फिर मतखैओ।

प्रकाश 10:8

तओ मए फिरसे बो अबाज सुनो, जौन स्वर्गसे मोसे बात करी रहए। अबाज मोसे कही, “जा, बो खलरीको चिट्ठीके लैले जो स्वर्गदूतके हातमे खुली हए, जो समुन्दर और जमिनमे ठाणो हए।”

प्रकाश 10:2

बोको दहिना पाउँ समुन्दरमे धरो गओ, और बोको दिब्रा पाउँ समुन्दर किनारे जमीनमे धरोगओ। बोके हातमे छोटोसो खलरीको चिट्ठी रहए जो खुलो रहए।

हिब्रू 12:16

कोइ फिर व्यभिचारी या अब्राहामको नतिया एसाव कता अधर्मी नाए होबए, काहेकी बो बडो लौंणा रहए, और बोके खास हकदार होनको अधिकार रहए। पर बो जन्मसिध्द अधिकारको सम्मान नाए करी, तब्ही बो अपनो छोटो भइया, याकूबके एक पहार खानके ताहीं अपनो जन्मसिध्द अधिकार बेँचदइ।

2 कोरिन्थी 12:21

कहुँ अइसो नाए होए, कि जब मए घुमके आमंगो, मिर परमेश्वर मोके अपमान करए। और मोके बहुत आदमीनके ताहीं शोक करन पडए जौन पहिले पाप करी रहएं, और अपना करोभओ अशुद्धता, व्यभिचार और छाडापनसे पाप करन छोडके परमेश्वर घेन नाए घुमी हुइहएं।

1 कोरिन्थी 6:13

तुम मैसे कोइ कहे सकत हए, “खानु शरीरके ताहीं, और शरीर खानुके ताहीं हए,” बो ठिक हए, पर परमेश्वर हमरे शरीर और हमरे खानु दुनौ नष्ट करदेबैगो। शरीर व्यभिचारके ताहीं नाए, बल्कि हमर शरीर प्रभुके हएं और बाके सेवा करनके ताहीं बने हएं।