प्रेरित 15:18 - राना थारु नयाँ नियम

¹⁸ जा बात परमप्रभु कहात हए, जो सृष्टिको सुरुसे जे बात बताइ रहए।’

परमेस्वर को सच्चो वचन

¹⁸ तौ परमेस्वर कहथै, जो सुरुवातै से जान लई रहै।’”

प्रेरित 15:18 Referans Kwoze

इफिसियों 3:9

और मए आदमीके सम्झाए सकत हओं, कि बा बे चिजनके कैसे पुरा करीहए जौननके बा पहिलीएसे करनके फैसला करी रहए। जा बहुत समय पहिले प्रकट नाए भओ रहए। काहेकी परमेश्वर, जो हर चीजको निर्माण करन बारो हए, जाके लुकाएके धरे रहए।

इफिसियों 1:4

संसारको सृष्टिसे पहिलीयए, ख्रीष्टके सँग हमर एकताके कारण परमेश्वर हमके अपने होनके ताहीं पहिलीएसे चुनलै हए। ताकी हम बाके अग्गु पबित्र और बिना दोषके हुइपामएं।

1 पतरस 1:20

जा संसारके सृष्टि होनसे अग्गु, येशू ख्रीष्ट मुक्तिदाता होबैगो कहिके परमेश्वर समयसे पहिलीए अठोट करी रहए। पर बा जे अन्तिम दिनमे जा संसारमे तुमर फाइदाके ताहीं आओ।

इफिसियों 1:11

परमेश्वर हम यहूदीनके फिर ख्रीष्टके सँगए जोडके अपने आदमी होनके ताहीं चुनलै काहेकी सुरुसे बाकी जहे योजना रहए। बा सब अपनी योजनाके अनुसार करत हए।

प्रेरित 17:26

संसार भर आदमी बैठएं कहिके परमेश्वर एकए आदमीसे सब जातिनके सृष्टि करी और बिनके संसार भर बैठन दइ। बिनको जीइन बारो समय और बैठन बारो ठाउँ बा अग्गुवएसे तोक दइ हए।

2 थेसलोनिकी 2:13

हे मेरे बिश्वासी ददाभइयओ, हमके लगातार परमेश्वरके धन्यबाद देन पणो काहेकी परमेश्वर तुमके प्रेम करत हए। काहेकी परमेश्वर संसारको सृष्टिसे पहिले तुमके चुनलै, ताकी तुमके बचाए पाबए। बा पबित्र आत्माके कामके द्वारा जो तुमके पबित्र बनातहए और तुमर द्वारा येशू ख्रीष्टके बारेमे सच्चो सन्देशमे बिश्वास करनके द्वारा उद्धार करैगो।

मत्ती 13:35

कि जौन अगमबक्तासे अइसे कहो बचन पुरा भओ: “मए अपनो मुँहुँ कहानीमे खोलंगो, मए बे बातके जाहेर करंगो जौन दुनियाको उत्पत्तिसे छिपी हए।”

प्रकाश 17:8

बो राक्षस जौनके तए अभए देखो, एक समयमे जिन्दा रहए, पर अब जिन्दा नाए हए; बो गहिरो कुण्डासे बाहिर आन बारो हए और परमेश्वर बोके पुरा रुपसे नष्ट करदेबैगो। पृथ्वीमे रहान बारे आदमी जौनको नाउँ परमेश्वर संसारको सृष्टि करनसे पहिले जीबनको किताबमे लिखो नाए रहए, बे सब अचम्मो मानंगे, जब बे जा राक्षसके देखंगे। एक समयमे बो जिन्दा रहए; अब बो जिन्दा नाए हए पर अब बो फिरसे लौटके आबैगो।

प्रकाश 13:8

पृथ्वीमे रहान बारे सब आदमी बोके आराधना करन लागे। सिरफ बेहीं आदमी बक आराधना नाए करीं जौननको नाउँ संसारके सृष्टि करोजानसे पहिलिएसे जीबनको किताबमे लिखोगओ रहए। जा जीबनको किताब बहे थुमाको पुस्तक हए जोके बलिदानके रुपमे मारोगओ रहए।

मत्ती 25:34

तओ मए राजा, मिर दहिना घेन होन बारेनसे कएहओं, ‘आओ, हे मिर दौवाके धन्यके आदमी, बो राज्यके अधिकारी हुइजाओ, जो दुनियाको उत्पत्तिसे तुमर ताहीं तयार करोगओ हए।