प्रेरित 14:22 - राना थारु नयाँ नियम

²² और बे हरेक गाउँमे भए प्रभुके चेलनके मजबुत बनात बिश्वासमे रहिरहानके हौसला दइं। “परमेश्वरको राज्यमे पुगनसे पहिले हम दुख और कष्ट सहान पणैगो,” कहान बारी बात सिखाइ।

परमेस्वर को सच्चो वचन

²² बे चेलन कै मजबूत करत रहैं और उनकै जौ सुसमाचार देत रहैं कि बिस्वास के ताहीं सच्चे मन से रहाबौ; और जौ कहत रहैं, हमकै बड़ा कलेस सह कै परमेस्वर के राज्य मैं घुसन होगो

प्रेरित 14:22 Referans Kwoze

1 पतरस 5:10

परमेश्वर, जो पुरा रुपमे अनुग्रहकारी हए, बा हमर येशू ख्रीष्ट सँगको सम्बन्धके कारण अपनो अनन्त महिमामे हमके साझेदार होनके बुलाइ हए। तुम कुछ देरतक दुख उठाएके पिच्छु, परमेश्वर तुमके असल बनाबैगो, ताकी तुममे कोइ गल्ती नाए होबए, और बा तुमर मनके मजबुत बनाबैगो और मजबुत होनके ताहीं बामे बिश्वास करन बारे बनाबैगो।

2 तिमोथी 3:12

तए अच्छेसे जान्त हए, कि आदमी बे सब जनैके सतामंगे जो ख्रीष्ट येशूके अनुयायीके रुपमे जीबन जीइन चाँहत हएं।

यूहन्ना 16:33

मए जा बात तुमसे जहेमारे कहो, कि तुमके मेरे कारणसे शान्ति मिलए। संसारमे तुमके समस्या आबैगो, पर सहास करओ, काहेकी मए जा संसारके सासक या शैतानके जितो हओं।”

रोमियों 8:17

हम बाके लौंणालौंणीया हएं कहेसे हक बारे फिर हएं, परमेश्वरके हक बारे और ख्रीष्टके साझा हक बारे। अगर हम अभए येशूके कता दुख सहामंगे तओ बाकी महिमामे फिर सहभागी होमंगे।

प्रकाश 2:10

बे दुखसे मत् डराए जो तोके मिलंगी। शैतान तुम मैसे कुछ आदमीनके पकणबाबैगो और तुमके जेलमे डार देबैगो, ताकी बे तुमर जाँच कर्पामएं। तुम दश दिनतक बहुत कष्टको महसुस करैगे। पर मोएमे बिश्वास करन कभु मत् छुणियओ, चहुँ तुमके मरनके पणए। काहेकी तुमके तुमर जितको पुरुस्कारके रुपमे कभी नाश नाए होन बारो जीबन देमंगो।

कलस्सी 1:23

तुमर बिश्वास ख्रीष्टमे मजबुत होन पणैगो, जैसेकी एक घर बलियो जगमे बनो होतहए। जो हमरे सँग आसरा हए, और जो अच्छो समाचारमे हम बिश्वास करत हएं, बो आसराके मत् छोडओ, जौनके बारेमे बादरके तरे भए सबके परचार करोगओ हए, और मए पावल, जहे अच्छो समाचार सुनान बारो सेवक भओ हओं।

2 तिमोथी 1:8

जहेमारे दुस्रे आदमीनके हमर प्रभु येशू ख्रीष्टके बारेमे बतानमे मत् सर्माबए, और तोके जा बातसे फिर सर्मानके नाए चाहो, कि मए ख्रीष्टको सेवा करनके कारण जेलमे हओं। बल्कि तोके बहे शक्तिके प्रयोग करनके चाहो जो परमेश्वर तोके देतहए, और अच्छो समाचारके ताहीं जो दुख मए सहत हओं बोमे तए मोके साथ देए।

प्रेरित 18:23

बो एन्टिओखिया सहरमे कुछ दिन बैठो। तओ फिर बो एन्टिओखिया सहरसे गलातिया परदेश और फ्रिगिया परदेशको ठाउँ होतए गओ और ठाउँ-ठाउँमे भए प्रभुके सब चेलनके बिश्वासमे बलियो बनाइ।

मत्ती 10:38

और जौन मिर अनुसरण नाएकरैगो और मिर ताहीं क्रूस नाए उठाबैगो, और मरनके ताहीं तयार नाए होबैगो; बो मिर चेला बननके ताहीं मिर पिच्छु नाए लगपए हए।

प्रकाश 7:14

और मए बोसे कहो, “हे स्वामी, मए नाए जानत हओं पर तए जानत हए।” बो मोसे कही, “जे सेते लत्ता पैँधेभए आदमी बेहिं हएं, जौनको मृत्यु कष्टको भयानक समयमे भओ रहए। जे बे आदमी हएं, जौन थुमाके खुनसे अपनएके सफा बनाए लइ हएं।”

2 पतरस 1:11

और जाके सँगएसँग परमेश्वर तुमके येशू ख्रीष्ट भओ राज्यमे भव्य स्वागत करैगो, जो हमर प्रभु और मुक्तिदाता हए, बा हुवाँ सदादीनके ताहीं राजा हुइके राज्य करैगो।

प्रेरित 9:16

और मए बोके बतामंगो, कि आदमीनके मेरे बारेमे बात बतानके कारण बोके कैसे-कैसे दुख उठान पणैगो।”

1 कोरिन्थी 1:8

हमर प्रभु येशू ख्रीष्ट पृथ्वीमे लौटके आन बारो दिनमे, तुम निर्दोष होबओ कहिके परमेश्वर तुमके अन्तक बिश्वासमे मजबुत बनाबैगो।

प्रेरित 15:41

फिर बे पुरे सरिया और किलिकिया परदेशमे गए और मण्डलीके बिश्वासीनके मजबुत करतए गए।

प्रेरित 15:32

यहूदा और सिलास अपनए फिर अगमबक्ता रहएं। बे प्रभुमे बिश्वासी ददाभइयनके बहुत सहास देतए उनको बिश्वास मजबुत बनाइं।

लूका 24:26

जा जरुरी रहए, कि ख्रीष्ट जे सब दु:ख उठाबैगो और फिर अपनो महिमामे प्रबेश करैगो।”

मत्ती 16:24

तओ येशू अपन चेलनसे कही, “कोइ मिर पिच्छु आनके इच्छा करैगो कहेसे बो अपनी इच्छन्के त्यागए और अपन क्रूस उठाएके मिर चेला बननके ताहीं आबए।

प्रेरित 11:23

बारनाबास एन्टिओखिया सहरमे पुगके और परमेश्वरको अनुग्रह देखके बहुत खुसी भओ। बारनाबास बे आदमीनसे प्रभुप्रती पुरा मनसे बिश्वासी भए रहियओ कहिके उत्सहा दइ।

यूहन्ना 15:20

मए जा तुमके बताओ हओं, ‘कमैया मालिकसे बडो नाए होत हए,’ बोके याद करओ, अगर बे मोके हेल्हा करीं, कहेसे तुमके फिर हेल्हा करंगे। अगर बे मिर शिक्षा पालन करीं तओ तुमर शिक्षाके फिर पालन करंगे।

प्रकाश 1:9

मए यूहन्ना, तुमर सँगी बिश्वासी हओं, और येशूसे मिर एकता भओके कारण मए तुमर सँग परमेश्वरको राज्यमे, सरे दुखमे और उनके सहानकी शक्तिमे सहभागी हओं, मोके पत्मोस टापूमे पठाओ गओ रहए, काहेकी मए परमेश्वरके बचनके और येशू द्वारा प्रकट करोगओ सच्चाईके परचार करत रहओं।

यहूदा 1:3

मेरे प्यारे सँगीउ, हम सब सामिल भए, येशू ख्रीष्टसे आन बारो हमर मुक्ति और नयाँ जीबनके बारेमे लिखनके चाँहत हओं। पर अब मए जा चिट्ठीके माध्यमसे तुमके उत्साहित होन आग्रह करत हओं, ताकी तुम ख्रीष्ट येशुमे भए बिश्वासीके स्थिर करनके औ कडा परिश्रम करपाबओ। परमेश्वर अपने आदमीनके जा बिश्वास एकए चोटीमे दएडारी हए, और जाके नाए बदलाओ जाए सकत हए।

1 थेसलोनिकी 3:13

हम प्राथना करत हएं, कि हामरो प्रभु येशू तुमर मनके मजबुत करए, कि जब हमर प्रभु येशू अपने सब पबित्र आदमीनके सँग लौटके आए तओ बे हमर दौवा परमेश्वरके अग्गु पबित्रतामे निर्दोष होमएं।

प्रेरित 13:43

जब यहूदी सभाघर निभटके बिदा भए, तओ बहुत आदमी यहूदी दलके नेता और यहूदी धर्म मानन बारे भक्त मनै, पावल और बारनाबासके पिच्छु लग्गए। पावल और बारनाबास उनसे बात करके, रोज परमेश्वरके अनुग्रहमे रहे रहियओ कहिके बिन्ती करीं।

प्रेरित 6:7

और परमेश्वरको बचन फैलतए गओ और यरूशलेम सहरमे चेलनको संख्या बहुत बढतए गओ। और बहुत यहूदी पुजारी फिर येशू ख्रीष्टमे बिश्वास करन बारो शिक्षाके स्वीकार करीं।

मर्कूस 9:47

अइसियए, अगर तुमरी आँखी तुमके पाप करनके लगात हए कहेसे बोके निकारके फेकदेओ। दुई आँखी हुइके नरकमे जानेसे त काना हुइके परमेश्वरको राज्यमे घुसन तुमर ताहीं ठिक हए।

यूहन्ना 3:5

येशू कही, “नेहात्तओ मए तोसे कहात हओं, जब तक कोइ आदमी पानी और आत्मासे नाए जन्मैगो, तबतक बो परमेश्वरको राज्यमे नाए घुस पबैगो।

मत्ती 19:24

फिर मए तुमसे कहात हओं, धनी आदमीके परमेश्वरको राज्य भितर घुसनसे बरु ऊँटके सुइके भारमे छिरन सजिलो हुइहए।”

यूहन्ना 15:18

“अगर संसारके आदमी तुमके हेल्हा करत हएं कहेसे तुमसे पहिले मोके हेल्हा करत हएं, कहिके जानओ।

प्रेरित 11:26

जब बारनाबास शाऊलके भेँटी. तओ बोके सिरिया परदेशको एन्टिओखिया सहरमे ल्याइ। तओ पुरा एक वर्षतक दुनौ जनै मण्डलीके आदमीनके सँग संगती करत बहुत आदमीनके प्रभु येशूके बारेमे सिखाइं। एन्टिओखिया सहरमे सबसे पहिले, ख्रीष्टके चेलनके ख्रीष्टियन कहोगओ रहए।

प्रेरित 11:29

अगाबसको भबिष्यबाणी सुनके प्रभुके चेला यहूदिया परदेशमे भए बिश्वासी ददाभइयनके ताहीं अपनो क्षेमता अनुसार दान देनके निर्णय करीं।

प्रेरित 14:20

पर जब चेला पावलके चारौ घेन ठाणीगए, तओ बो उठके गाउँमे गओ और दुस्रे दिन बारनाबासके सँग डर्बी सहरमे चलोगओ।

प्रेरित 14:28

तओ फिर पावल और बारनाबास बहुत दिनतक एन्टिओखियाके मण्डलीनके चेलन सँग बैठे।

फिलिप्पी 1:29

काहेकी परमेश्वर तुमके सिरफ ख्रीष्टमे बिश्वास करनके इकल्लो नाए, बल्कि दु:ख सहनके फिर अनुग्रह दइ हए, काहेकी तुम बामे बिश्वास करत हओ।

1 पतरस 2:21

परमेश्वर तुमके बुलानको एक कारण जा हए, कि तुम बाके ताहीं कष्ट उठाबओ। ख्रीष्ट, जौन तुमर ताहीं कष्ट उठाइ, बा तुमर उदाहरण हए। बहेमारे तुमके बाको दिखाओ भओ डगरमे नेँगन पणैगो।

1 पतरस 5:9

तुमर मजबुत बिश्वाससे तुमके शैतानके बिरोध करन पणत हए। याद करओ, कि संसार भर रहान बारे आदमी फिर अइसियए कष्टको अनुभव करन पडरहो हए।