Biblia Todo Logo
Bib sou entènèt

- Piblisite -




प्रेरित 13:39 - राना थारु नयाँ नियम

39 येशू ख्रीष्टमे बिश्वास करन बारे सब पापसे छुटकारा पाएके परमेश्वरके अग्गु ठिक ठहिरत हएं। जा छुटकारा मोशाको नियम कानुनसे तुमर ताहीं सम्भब नाए रहए।

Gade chapit la Kopi

परमेस्वर को सच्चो वचन

39 और जो कोई बाके ऊपर बिस्वास करथै बौ बे उन सब पापन से मुक्त हुई जाथै।

Gade chapit la Kopi




प्रेरित 13:39
40 Referans Kwoze  

तओ फिर हम यहूदी बिश्वासीनके जानत हएं, कि मोशाको नियम कानुनको पालन करके कोइ फिर आदमी परमेश्वरके नजरमे धर्मी घोषित नाए करोजात हए। जहेमारे येशू ख्रीष्टमे इकल्लो बिश्वास करनके द्वारा धर्मी ठहिरत हए। काहेकी हम मोशाको नियम कानुन पालन करके नाए पर येशू ख्रीष्टमे बिश्वास करनसे धर्मी घोषित करेगए हएं।


काहेकी ख्रीष्ट पहिलीएसे बो उदेश्यके पुरा करी, जोके ताहीं नियम कानुन दओगओ रहए। जाकेमारे, जो कोइ फिर बामे बिश्वास करत हए बे परमेश्वरके सँग धर्मी ठहिरत हएं।


काहेकी जो काम मोशाको नियम कानुन हमर पापमय शरीरके कारण दुर्बल हुइके नाए करपाइ, बोके परमेश्वर करी, अर्थात् बा अपनो लौंणाके मनैकी शरीरमे पठाइ, और बा हमर पापके ताहीं बलिदान होनके ताहीं ख्रीष्टके शरीरमे पापको दण्ड दइ।


काहेकी मोशाको नियम कानुन त कुछु फिर सिद्ध नाए करपाइ। और हम्रे सँग एक अच्छो आसरा हए, बो आसरा येशू ख्रीष्ट हए, जौन हमके परमेश्वरके ढिँगै पुगात हए।


काहेकी हम अपने हृदयमे बिश्वास करत हएं जहेमारे हम परमेश्वर द्वारा धर्मी घोषित करेजात हएं। और हम अपने मुँहुँके इस्तमाल करत हएं जा कहानके ताहीं, कि हम बिश्वास करत हए, और जहेमारे हम उद्धार पातहएं।


जहे कारणसे अब जो ख्रीष्ट येशूमे हएं, उनके उपर दण्डको आज्ञा नैयाँ।


नियम कानुन पुरा रुपमे नाए मानन बारेनके उपर परमेश्वरको क्रोध आतहए और जहाँ नियम कानुन नैयाँ हुवाँ नियम कानुनको कोइ उलंघन फिर नाए होत हए।


हम जानत हएं, कि नियम कानुन जो कुछ कहात हए, बो उन्हीनसे कहात हए जो नियम कानुनके अधिनमे हएं जहेमारे, ताकी आदमीनके बहाना बनानसे रोक पाबए और संसारके सब आदमी परमेश्वरके न्यायके अधिनमे होमएं।


मोशाको नियम कानुन जाकेमारे दओगओ ताकी सब आदमी देख पामएं, कि बे कितने पापी रहएं। पर जब आदमीनको पाप बढो, तओ परमेश्वरको अनुग्रह औ जद्धा बढिगओ।


काहेकी ख्रीष्ट हमर ताहीं बलिदान भओ और हमर पापके ताहीं अपनो खुन बहाइ और हम परमेश्वरके साथ धर्मी घोसित करेगए हएं। बा नेहात्तओ परमेश्वरको क्रोधसे बचाबैगो।


काहेकी मोशाको नियम कानुन मोशासे दओगओ, पर परमेश्वर येशू ख्रीष्टके माध्यमसे अनुग्रह और सत्यता दिखाइ।


और पुजारी रोजए दिन बेदीके अग्गु ठाणके आदमीनको दोष मिटानके ताहीं अइसो रितीरिबाज करत हएं। बे लगातार एकए मेलको बलिदान चढाए करत हएं, जौन कभी फिर पाप मिटाए नाए पातहए।


जहेमारे हम बिश्वाससे परमेश्वरके अग्गु धर्मी ठहिरे हएं और प्रभु येशू ख्रीष्ट हमर ताहीं करोभओ काम द्वारा परमेश्वरके सँग हमर मेलमिलाप भओ हए।


बल्कि हमर ताहीं फिर लिखोगओ हए, जौन हमर प्रभु येशूके मरे मैसे फिरसे जीबन देन बारो परमेश्वरमे बिश्वास करी हएं। जहे बिश्वासके कारणसे हम फिर परमेश्वरके अग्गु धर्मी घोषित करेजामंगे।


सबए अगमबक्ता बाको गवाही दइं रहएं। बामे बिश्वास करन बारे बाको नाउँको शक्तिके कारण अपने पापसे क्षमा पामंगे।”


मए एक चोटी फिरसे तुमके कडासे कही रहो हओं, कि हर आदमी जो अपनो खतना करबात हए, बोके पुरा यहूदी समुहको नियम कानुनके पालन करनके चाहो।


और परमेश्वर पबित्र-शास्त्रमे बहुत पहिले कही हए, कि परमेश्वर गैर-यहूदीनके बिश्वासके द्वारा अच्छो समाचारसे धर्मी ठहिराबैगो, जा होनसे पहिलीए परमेश्वर अब्राहामके जा अच्छो बचनके पबित्र-शास्त्रमे बताए दइ रहए, कि “तेरे द्वारा, सब जातिके आदमी आशिष पामंगे।”


मए सम्झत हओं, कि मोशाको नियम कानुनको पालन करनसे मोके धर्मी घोषित नाए करोजाए सकत हए। जहेमारे मए अइसो मानत हओं, कि मए पबित्र-शास्त्रके ताहीं मरीगओ, ताकी मए परमेश्वरके ताहीं जिन्दा रहेपामओं।


पहिले तुम मैसे कुछ उइसीयए ब्यबहार करत रहओ, पर तुम प्रभु येशू ख्रीष्टके नाउँसे और हमरे परमेश्वरको आत्मा तुमर पापनके धोए दइ, और तुमके पबित्र बनाइ और तुमके धर्मी बनाइ।


पर इस्राएल देशके आदमी मोशाको नियम कानुनके पालन करके परमेश्वरमे धर्मी होनको कोसिस करत हएं, पर बे परमेश्वरमे धर्मी नाए हुइपाइं।


“मए तुमसे नेहात्तओ कहात हओं, जौन मिर बचनके सुनके मोके पठान बारोके उपर बिश्वास करत हए, बो कभी फिर नाश नाए होन बारो जीबन पबैगो, और बो दण्डमे नाए पणैगो, और बो अनन्तकालको मृत्युसे बचाओ जाबैगो, और बो पहिलीयएसे नयाँ जीबनमे प्रबेश करडारी हए।


मए तुमसे कहात हओं, अइसे कहान बारो फरिसी नाए रहए। पर कर उठान बारो रहए, जो परमेश्वरके अग्गु धर्मी ठहेरो गओ। काहेकी हरएक जो कोइ अपनएके बडो बनात हए, बो निचो करो जएहए, और जो अपनएके निचो बनाबैगो बो बडो होबैगो।”


येशू बोसे कही, “तए ठिक जबाफ दओ, उइसीयए कर, तओ तए कभी फिर अन्त नाए होन बारो जीबन पाबैगो।”


एक दिन जब येशू आदमीके शिक्षा देत रहए, एक नियम कानुन सिखान बारो उठो; और जा कहिके, येशूको परीक्षा करन लागो, “हे महान गुरु, कभी फिर नाश नाए होन बारो जीबन पानके मोके का करन पणैगो?”


जहेमारे नियम कानुनके पालन करन बारे कोइ फिर परमेश्वरके अग्गु धर्मी नाए ठहिरैगो काहेकी नियम कानुन त आदमीनको करोभओ पापके चिन्हाए देतहए।


Swiv nou:

Piblisite


Piblisite