प्रेरित 11:18 - राना थारु नयाँ नियम

¹⁸ जा बात सुनके प्रभुमे बिश्वास करन बारे यहूदी ददाभइया पत्रुसके दोष लगान छोडीं और परमेश्वरके प्रसंसा करके कहान लग्गए, “तओ त परमेश्वर गैर-यहूदीनके फिर कभु नाश नाए होन बारो जीबनके ताहीं अपने पाप छोडके परमेश्वर घेन घुमके और येशू ख्रीष्टमे बिश्वास करनको दान दइ हए।”

परमेस्वर को सच्चो वचन

¹⁸ जब बे ऐसो सुनी, तौ बे बुराई करनो बंद कर दईं और परमेस्वर की बड़ाँईं करत भै कहीं, “तभई तौ परमेस्वर गैर यहूदिन कै मन फिरान और जिंदगी जीन को मौका दई है!”

प्रेरित 11:18 Referans Kwoze

2 कोरिन्थी 7:10

काहेकी अगर एक आदमी परमेश्वरको इच्छा अनुसार दुख करत हए कहेसे, बो पाप करन छोडके परमेश्वर घेन घुमजाबैगो कहेसे बो बचाओ जाबैगो। जा एक दुख लगन बारो बात नाए हए। पर संसारिक आदमीनको दुख, सदाकालको मृत्यु घेन लैजात हए।

प्रेरित 20:21

यहूदीनके और ग्रीक देश बारेनके, पाप छोडके परमेश्वर घेन घुमओ और हम प्रभु येशू ख्रीष्ट उपर बिश्वास करएं, करके बातको गवाही मए दओ।

प्रेरित 5:31

बहेके परमेश्वर अपन दहिना घेन सृष्टिकर्ता और मुक्तिदाता बनाइ हए। ताकी इस्राएल देशके आदमी अपनो खराब बिचार और खराब डगरसे परमेश्वर घेन घुमएं। और बाके द्वारा अपनो पापको क्षमा पाए सकएं।

2 कोरिन्थी 3:18

हम सब दर्पन जेसो घुँघट नाए भओ अनुहारमे प्रभुको महिमा दिखात हएं। परमेश्वर हमके बहुतए-बहुत बडो महिमामे अपनुवए कता बनाए रहो हए। जा प्रभुको काम हए, जौन पबित्र आत्मा हए।

प्रेरित 21:20

जा सुनके पिच्छु बे परमेश्वरको महिमा करीं। तओ बे कहीं, “हे भइया, तुम जानत हओं, यहूदी समुहके बीचमे बिश्वास करन बारे हजारौँ हएं, और बे मोशाको नियम कानुन ध्यानसे पालन करत हएं।

प्रेरित 3:26

परमेश्वर अपने सेवकके मरो भओ मैसे उठाएके सबसे पहिले तुम्हएं आशिष दइ। ताकी बा तुम्रे मैसे सब जनैके तुमर पापी जीबनके छोडके परमेश्वरके घेन घुमानमे तुमर मदत कर पाबए।”

गलातियों 1:24

और जहेमारे परमेश्वर मेरे सँग जो करी, बोके ताहीं ख्रीष्टके बिश्वासी परमेश्वरके लगातार महिमा करतए रहएं।

रोमियों 9:30

तओ हम का कहाएं? बे गैर-यहूदी अपनएके परमेश्वरसे सही बनन्के कोसीस नाए करत रहएं, लेकिन येशू ख्रीष्टमे उनको बिश्वासके कारण उनके परमेश्वरमे धर्मी बनाओ गओ रहए।

प्रेरित 15:3

मण्डलीके बिश्वासी ददाभइया और दिदिबहिनिया बिनके यात्रामे जानके ताहीं रुपैया और भोजन उपलब्ध करीं। और बे फोनिके और सामरिया परदेश होतए गैर-यहूदीनके अच्छो समाचार सुनात, कैसे ख्रीष्टमे बिश्वासी बनरहेहएं कहिके सुनातए गए, और सब बिश्वासी बहुत आनन्दित भए।

प्रेरित 14:27

एन्टिओखिया सहरमे पुगके, बे मण्डलीके बिश्वासीन्के बुलाएके इकट्ठा करीं। परमेश्वर हमर सँग रहिके कैसे बणे-बणे काम करी! और कैसे परमेश्वर गैर-यहूदीनके येशू ख्रीष्टमे बिश्वास करनमे सक्षम बनाइ, बो बात सबके सुनाइं।

प्रेरित 11:1

गैर-यहूदी आदमी फिर परमेश्वरको बचनमे बिश्वास करी हएं कहान बारी बात औ चुनेभए चेला और यहूदिया परदेशमे प्रभुमे बिश्वास करन बारे बिश्वासी ददाभइया फिर सुनीं।

प्रेरित 3:19

जहेमारे पाप करन छोडके परमेश्वर घेन घुमओ, ताकी तुमर पाप क्षमा करे जाएं, तओ परमेश्वरके तरफसे आत्मिक समर्थको समय आबैगो।

मत्ती 9:8

जब भिड जा देखी, तओ बे डराइगए, और आदमीनके अइसो शक्ति देन बारो परमेश्वरको महिमा करीं, जौन आदमीनके अइसो अधिकार दइ हए।