प्रेरित 10:4 - राना थारु नयाँ नियम

⁴ कर्नेलियस स्वर्गदूतके ध्यानसे देखी और डराएके कही, “का आज्ञा हए प्रभु?” बा कर्नेलियससे कही, “तेरे प्राथना और तेरे दान स्मरणके ताहीं परमेश्वरको अग्गु पुग्गए हएं।

परमेस्वर को सच्चो वचन

⁴ तौ बौ स्वर्गदूत कै निहारकै देखी और डरात भौ कही, “गुरु, जौ का है?” स्‍वर्गदूत जबाब दई, “परमेस्वर तेरी प्रार्थना और दान के कामन से खुस है, और तेरो जबाब देन के ताहीं तैयार है।

प्रेरित 10:4 Referans Kwoze

फिलिप्पी 4:6

कोइ बातमे चिन्ता मत् करओ, पर सब परिस्थितिमे तुमर निबेदन, प्राथना और बिन्तीद्वारा परमेश्वरके धन्यबाद देओ।

हिब्रू 6:10

जैसी तुम अच्छो काम करेहओ और अब परमेश्वरको नाउँमे, परमेश्वरके आदमीनके ताहीं प्रेमसे सेवाको काम करत हओ, परमेश्वर तुमके भुलैगो नाए। काहेकी बा धर्मी हए।

प्रेरित 10:31

‘ए कर्नेलियस, परमेश्वर तेरो प्राथना सुनी हए और तए गरीबनके करोभओ दानको कामके याद करीहए।

प्रकाश 8:4

स्वर्गदूतके द्वारा जलाओगओ धुपसे निक्रन बाली धुवाँ परमेश्वरके पबित्र आदमीनके प्राथनाके सँग उपर परमेश्वरके अग्गु पुगो।

फिलिप्पी 4:18

मोके मिलन बारो चीजसे जद्धा पाओ हओं। तुम इपाफ्रोडिटसके हातमे पठाओ भओ रुपैया पाएके मए सन्तुष्ट हुइगओ हओं। मेरे ताहीं तुमर उपहार मिठो महाँकन बारो बलिदान जैसो हए, जो पुजारी परमेश्वरके चढात हए। जा इनाम परमेश्वरके ताहीं ग्रहणयोग्य हए, और परमेश्वरके खुसी करत हए।

हिब्रू 13:16

भलाइ करन और जो कुछ तुमर ठिन हए, आवश्यकतामे पणेभएनसे बाँटचुट करन मतभुलओ, काहेकी अइसियए बलिनमे परमेश्वर खुसी रहात हए।

लूका 1:29

तओ बो जा बचनके सुनके बहुत घबणियाइ गइ, और सोँचन लागी, कि जा अभिबादनको अर्थ का हए।

मत्ती 26:13

नेहात्तओ, मए तुमसे कहात हओं, सारा दुनियामे जहाँ जा अच्छो समाचार परचार हुइहए, जा बैयर जो करीहए, बोको चर्चा बक सम्झनाके ताहीं करोजएहए।”

प्रेरित 22:10

मए कहो, ‘हे प्रभु, अब मए का करओं?’ तओ प्रभु मोसे कही, ‘उठ, दमस्कस सहरमे जा, और मए तोके करन बारो काम बतएहओं।’

लूका 24:5

तओ बे बैयर डराइ गइं और भिमे घेन मुण झुकाएलैं। पर बे दुई लोग आदमी कहीं, “तुम जिन्दा मनैके मरेन्के बीचमे काहे ढुणत हओ?

प्रेरित 3:4

पत्रुस और बप्तिस्मा देन बारो यूहन्ना सुधए बोके घेन देखीं और पत्रुस बोसे कहीं, “हमर घेन देख!”

प्रेरित 14:9

बो पावलके बात करत सुन्तए रहो। पावल फिर बोको अनुहारमे अच्छेसे देखी। बो आदमी “मए फिर अच्छो हुइ जामंगो,” कहिके बिश्वास करत हए कहान बाली बात पावल पता पइ।