प्रेरित 10:36 - राना थारु नयाँ नियम

³⁶ तुम बो सन्देशके जान्त हओ, जो परमेश्वर हमके, अर्थात् इस्राएल देश बारे आदमीनके पठाइ रहए। बा शान्तिके बारेमे अच्छो समाचार परचार करी, जो आदमीनके येशू ख्रीष्टमे बिश्वासके द्वारा मिलसकत हए। बा सब आदमीनको परमेश्वर हए।

परमेस्वर को सच्चो वचन

³⁶ तुम ईसु मसीह के जरिये सांति के सुसमाचार को ऐलान करत भइ इस्राएल के लोगन कै भेजे गै संदेस कै जानथौ, जो सबन को प्रभु है।

प्रेरित 10:36 Referans Kwoze

मत्ती 28:18

तओ येशू बिनके ठिन आएके कही, “स्वर्ग और पृथ्वीको सब अधिकार मोके दओगओ हए।

प्रेरित 2:36

जहेमारे, इस्राएल देशको सारा आदमी जा बातके पक्का करके जानएं: कि परमेश्वर बहे येशूके, प्रभु और मुक्ति देन बारो ख्रीष्ट दुनौ ठहिराइ, जोके तुम क्रूसमे टाँगे।”

प्रकाश 17:14

बे थुमाके बिरुद्धमे युद्ध करंगे, पर थुमा उनके हराए देबैगो, काहेकी बा प्रभुनको प्रभु और राजनको फिर राजा हए। बा अपनो बुलाएभए, चुनेभए और विश्वासयोग्य आदमीनके सँग बिनके हराए देबैगो।”

प्रकाश 1:18

मए जीबनको स्रोत हओं। मए एकचोटी मरिगओ रहओं, पर अब जिन्दा हुइगओ हओं और मए सदादिनके ताहीं जिन्दा रहामंगो। और मेरे सँग बेहीं पातालके कुन्जी हएं, जो मोके बो ठाँउके खोलनको शक्ति देत हएं जहाँ मरे भए आदमी हएं। और उनके फिरसे जिन्दा करनकी शक्ति देतहए।

1 पतरस 3:22

और अब बा स्वर्गमे जाएके परमेश्वरको दाहिना हात घेन सबसे उच्च ठाउँमे बैठो हए, और बा सबए स्वर्गदूत और सबए अधिकारी और शक्तिनके उपर शासन करत हए।

1 कोरिन्थी 15:27

काहेकी पबित्र-शास्त्र कहात हए, “परमेश्वर सब कुछ ख्रीष्टको अधिकारके अधिनमे करदेबैगो।” तओ, जा स्पष्ट हए, कि जामे परमेश्वर सामिल नाए हए काहेकी बहे हए जौन ख्रीष्टके अधिकार दइ रहए।

प्रकाश 19:16

बाको लत्ता और दहिना जाँघमे “राजनको फिर राजा और प्रभुनको फिर प्रभु” लिखो हए।

प्रकाश 1:5

और येशू ख्रीष्टके घेनसे जौनको बचनमे भरोसा करोजाए सकत हए। बहे हए जो मरनके बाद फिरसे जिन्दा हुइगओ हए और बो जा संसारके सब राजनको सासक हए। बा हमसे प्रेम करत हए और बा हमके बचात हए, बाको खुन हमके हमर पापसे बचात हए।

हिब्रू 13:20

और अब, शान्तिको परमेश्वरको अनुग्रह, जो प्रभु येशूके मरो मैसे जिन्दा करी। बाको इच्छा पुरा करनके ताहीं तुमके चाहन बारो सब चीजसे सजाबैगो। बाके मन पणन बारो सब चीज येशू ख्रीष्टको शक्तिसे तुममे उत्पन्न करबाबैगो। येशूए भेंणनको बहुत अच्छो बकरेहेरा हए कहान बारी बात सदाकालको प्रतिज्ञाको चिन्हा बाको खुनसे दिखात हए। बाके सदासर्वदा महिमा मिलए। आमेन।

फिलिप्पी 2:11

और दौवा परमेश्वरको महिमाके ताहीं सब आदमी खुल्लम-खुल्ला घोषणा करंगे, कि येशू ख्रीष्टए प्रभु हए।

1 कोरिन्थी 15:47

पहिलो आदमी धर्तीसे अर्थात् मट्टीसे बनो भओ रहए; ख्रीष्ट, जो कि दुस्रो आदम हए, स्वर्गसे आओ हए।

रोमियों 14:9

चहुँ हम बचएं, चहुँ मरएं, हम प्रभुएके हएं। काहेकी ख्रीष्ट जहेमारे मरो और फिरसे जिन्दा हुइगओ ताकी बा मरे भए और जिन्दा रहे भए दुनौ आदमीनको प्रभु हुइपाबए।

प्रेरित 13:46

तओ पावल और बारनाबास नाए डराएके कहीं, “परमेश्वरको बचन सबसे पहिले तुमके सुनान जरुरी रहए, पर तुम सुनन नाए मानत हओ। तुम अपनएके कभी फिर नाश नाए होन बारो जीबनको अयोग्य ठहिरे हओ। जहेमारे अब हम गैर-यहूदीनके ठिन जामंगे।

प्रेरित 13:32

अब हम तुमके जा अच्छो समाचार परचार करत हएं, जो प्रतिज्ञा परमेश्वर पुर्खानसे करी रहए,

प्रेरित 11:19

स्तिफनसके मार डारनके बाद प्रभु येशूमे बिश्वास करन बारेनके सतावट भओके कारणसे बहुत जनै भागे और कित्नो आदमी फोनिके परदेशमे पुगे, कित्नो आदमी, साइप्रस टापू और कित्नो आदमी सिरिया परदेशको एन्टिओखिया सहरमे पुगे। सुरुमे बे परमेश्वरको बचन यहूदीनके इकल्लो सुनाइं।

प्रेरित 5:31

बहेके परमेश्वर अपन दहिना घेन सृष्टिकर्ता और मुक्तिदाता बनाइ हए। ताकी इस्राएल देशके आदमी अपनो खराब बिचार और खराब डगरसे परमेश्वर घेन घुमएं। और बाके द्वारा अपनो पापको क्षमा पाए सकएं।

लूका 24:47

और यरूशलेम सहरसे लैके सब जाति-जातिके आदमीनके पाप करन छोडके परमेश्वर घेन घुमानके ताहीं और पापनको क्षमाको परचार येशूको नाउँमे होबैगो।

मत्ती 11:27

मिर दौवा मोके सब कुछको जिम्मा दइ हए। केबल बहे इकल्लो हए जो लौंणाके चिन्हत हए, और बे आदमी चिन्हत हएं, जो लौंणा दौवाके देखन चाँहत हए।

मत्ती 10:6

पर इस्राएल देशके हरानेभए भेंणाके ठिन जाओ।

हिब्रू 1:2

पर जा आखिरी दिनमे बा अपन लौंणाके द्वारा हमसे बोली हए। परमेश्वर अपन लौंणा द्वारा संसारको सृष्टि करीहए और परमेश्वर अपन लौंणाके सब बातको जिम्मा देनके ताहीं बाके छानी।

कलस्सी 1:20

और परमेश्वर अपनो लौंणाके पठानके फैसला करी, जौन अपनो खुन बहाएके क्रूसमे मरो। परमेश्वर अपनएमे और सब चीजके बीचमे मेलमिलाप करन अइसो करी। अइसियए, परमेश्वर अपने सँग और बादरमे भए, सब बात और पृथ्वीमे भए सबके बीच शान्ति बनाइ।

लूका 1:79

और अन्धकारमे और मौतकी छाहीँमे बैठन बारेके प्रकाश देबैगो। जहे प्रकाश हमके जीबनमे मार्गदर्शन करैगो, जौन हमके परमेश्वरके सँग शान्ति देतहए।”

प्रेरित 10:37

बो बचन तुम जान्तए हओं, जो यूहन्नाको बप्तिस्माको परचारके पच्छु गालील परदेशसे सुरु हुइके सारा यहूदिया परदेशमे फैलीगओ।

रोमियों 5:1

जहेमारे हम बिश्वाससे परमेश्वरके अग्गु धर्मी ठहिरे हएं और प्रभु येशू ख्रीष्ट हमर ताहीं करोभओ काम द्वारा परमेश्वरके सँग हमर मेलमिलाप भओ हए।