प्रेरित 1:8 - राना थारु नयाँ नियम

⁸ पर जब पबित्र आत्मा तुमरमे आबैगो तओ तुम शक्ति पाबैगे, और तुम यरूशलेम सहरमे और पुरो यहूदिया परदेशमे और सामरिया परदेशमे और बाँकी पुरो संसार तक आदमीनके मिर बारेमे बताबैगे।”

परमेस्वर को सच्चो वचन

⁸ लेकिन जब पवित्र आत्मा तुमरे ऊपर आगो तौ तुम सामर्थ्य से भर जागे, और तुम यरूसलेम मैं, यहूदिया, सामरिया और पृथ्वी के छोर तक मेरे ताहीं गभा बनैगे।”

प्रेरित 1:8 Referans Kwoze

मत्ती 28:19

जहेमारे तुम जाएके सब जाति-जातिके आदमीके चेला बनाओ; और बिनके पिता, पुत्र, और पबित्र आत्माके नाउँमे बप्तिस्मा देओ,

मर्कूस 16:15

तओ येशू उनसे कही, “संसारमे हर ठिहामे जाओ और सब आदमीनके बीच अच्छो समाचार परचार करओ।

रोमियों 15:19

पबित्र आत्मासे मोके दओगओ शक्तिसे मए अचम्मोके काम और चमत्कार करत हओं। जहेमारे जहाँ फिर मए यरूशलेम सहरसे लैके इल्लुरिकन परदेश तक गओ हओं, मए हुवाँ सब आदमीनके येशू ख्रीष्टके बारेमे अच्छो समाचार सुनाओ हओं।

प्रेरित 5:32

जा सब बातके हम साँक्षी हएं, काहेकी परमेश्वर अपनो आज्ञापालन करन बारेनके दओ भओ पबित्र आत्मा फिर साँक्षी दइ रहो हए।”

प्रेरित 4:33

बे चुनेभए चेला बडो शक्तिसे ‘प्रभु येशू मरके जिन्दा भओ’ कहिके गवाही देतरहे, और बिनके सबके उपर बडो अनुग्रह रहए।

प्रेरित 6:8

स्तिफनस अनुग्रह और शक्तिसे भरके आदमीनके बीचमे बणे-बणे चमत्कारको काम और चिन्हा दिखाओ करत रहए।

रोमियों 10:18

पर मए जा पुँछत हओं, “का इस्राएल देशके आदमी ख्रीष्टके बारेमे सन्देश नाए सुनीं?” नेहात्तओ बे सुनीं हएं काहेकी पबित्र-शास्त्रमे लिखो हए, “बाको बचन पुरा पृथ्वीमे और पृथ्वीमे हर ठिहतक पुगीगए हएं।”

यूहन्ना 15:27

और तुम संसारके आदमीनके मेरे बारेमे गवाही देबैगे काहेकी तुम सुरुवातसे मिर सँगए-सँग रहेहओ।”

लूका 10:19

मए तुमके साँप और बिछिनके कुचलनके और दुस्मनको सारा शक्तिके उपर अधिकार दओ हओं; और कोइ चीज तुमके हानिनाए करैगो।

प्रेरित 1:5

काहेकी बप्तिस्मा देन बारो यूहन्ना त पानीमे बप्तिस्मा दइ हए, पर थोरी दिन पिच्छु परमेश्वर तुमर सँग रहनके ताहीं पबित्र आत्मा पठाबैगो।

मत्ती 24:14

और राजाको जा अच्छो समाचार सारा संसारमे सब जाति-जातिके आदमीनके ताहीं गवाहीके ताहीं परचार करो जएहए, ताकी सबए देशके जा स्वीकार करनके मौका मिलए।”

प्रेरित 2:32

जहे येशूके, परमेश्वर मरो भओ मैसे जिन्दा करी। जा बातके हम सब साक्षी हएं।

प्रेरित 22:15

काहेकी सब आदमीनके अग्गु बाके ताहीं, जो देखो और सुनो हए, तए बोको साक्षी हुइहए।

प्रेरित 13:31

और बहुत दिनतक येशू गालील परदेश मैसे यरूशलेम सहरमे आन बारे अपन चेलनके ठिन दिखाइ देतए रहो। और अब आदमीनके ठिन जेहीँ इकल्ले साक्षी रहएं। काहेकी जे येशूके देखी रहएं।

लूका 1:35

स्वर्गदूत बोके जबाफ दइके कही, “पबित्र आत्मा तिरमे आबैगो, और परमप्रधानको शक्तिको छाहीं, तिर उपर पणैगो; जहेमारे तिरसे जनम लेन बारो लौंणा पबित्र होबैगो, बा परमेश्वरको लौंणा कहोजाबैगो।

प्रेरित 3:15

और जीबनको स्रोतके तुम मारे, जौनके परमेश्वर बाके मरे मैसे जिन्दा बनाइ, और हम जा बातके साक्षी हएं।

कलस्सी 1:23

तुमर बिश्वास ख्रीष्टमे मजबुत होन पणैगो, जैसेकी एक घर बलियो जगमे बनो होतहए। जो हमरे सँग आसरा हए, और जो अच्छो समाचारमे हम बिश्वास करत हएं, बो आसराके मत् छोडओ, जौनके बारेमे बादरके तरे भए सबके परचार करोगओ हए, और मए पावल, जहे अच्छो समाचार सुनान बारो सेवक भओ हओं।

प्रेरित 8:1

शाऊल स्तिफनसको हत्यामे पुरो रुपसे सहमत रहए। बहे दिनसे यरूशलेम सहरमे भए मण्डलीके बिरुद्धमे बहुत भारी सतावट सुरु भओ, और येशूसे चुनेभए चेला बाहेक बे सब यहूदिया परदेश और सामरियाके परदेश घेन छिदर-बिदर हुइगए।

लूका 24:29

पर बे बाके अइसे कहिके रोकीं, “हमर सँग बैठओ, काहेकी संझा होन लागो हए, और दिन फिर डुबिगओ हए।” तओ येशू बिनके सँग बैठनके ताहीं घर भितर घुसो।