2 तिमोथी 4:7 - राना थारु नयाँ नियम

⁷ जैसे एक अच्छो सिपाही युद्धमे कभी फिर हार नाए मानत हए उइसीयए मए फिर ख्रीष्टके ताहीं कर्रो मेहेनत करनके कभु नाए छोडो, मए सब काम पुरा करडारो हओं जौन काम करनके ताहीं येशू ख्रीष्ट मोके दइ रहए। ख्रीष्ट उपरको मिर बिश्वास कभु फिर नाए बदलैगो।

परमेस्वर को सच्चो वचन

⁷ मैं अपनी दौड़ अच्छी दौड़ो हौं, मैं जित्ती दूरी है उत्ति दौड़ लगाओ हौं, और मैं बिस्वास कै बनाए रखाओ हौं।

2 तिमोथी 4:7 Referans Kwoze

1 तिमोथी 6:12

युद्धमे एक अच्छे सैनिक हानी, जो लडाइमे कभी हार नाए मानत हए, तोके फिर परमेश्वरमे भरोसा करनके और बाकी आज्ञाके पालन करन नाए छोडनके हए। और कभी फिर नाश नाए होन बारो जीबनके मजबुतसे पकणले, जौनके ताहीं तए बुलाओ गओ हए, और बहुत आदमीके अग्गु, तए स्पष्ट रुपसे कहो रहए, कि तए ख्रीष्टमे भरोसा करत हए।

प्रेरित 20:24

पर मए अपनो जीबन कोइ मोलके और अपनो ताहीं प्यारो नाए मानो इतकए इकल्लो मए जानत हओं, कि परमेश्वरको अनुग्रहको अच्छो समाचारको गवाही देनके मिर दौड और प्रभु येशू ख्रीष्टसे मिलो मिर सेवाकाइ मए पुरा कर पामओं।

यूहन्ना 4:34

येशू बिनसे कही, “मिर भोजन कहोक परमेश्वरकी इच्छाके पालन करनो हए, जौन मोके पठाइ हए, और मोए बाको कामके पुरा करनके हए, जौन काम बा मोके सौँपी हए।

लूका 11:28

तओ येशू कही, “बरु बे धन्य हएं, जौन परमेश्वरको बचन सुनत हएं और पालन करत हएं।”

प्रकाश 3:8

मोके पता हए तए कैसो कडा मेहेनत करत हए। मोए पता हए, कि तेरे सँग थोरीए शक्ति हए, तहुँफिर मए तोसे कहीभइ बात तए पालन करो हए। तए मोएमे लगातार बिश्वास करेपणे हए, जहेमारे मए तेरे ताहीं एक ढोका खोलंगो जोके कोइ फिर बन्द नाए कर्पएहए।

प्रकाश 3:10

तए मेरे सन्देशके पालन करो ताकी जब तए दुख उठाबए तओ बोके धैर्य साथ सहिपाबए। जहेमारे, मए तोके बडी परीक्षाके समयमे रक्षा करंगो। परीक्षाको जा समय संसारके सब आदमीनमे आबैगो।

लूका 8:15

पर अच्छी जमिनमे पणन बारे बेही हएं, जौन बचन सुनके अच्छो मन और भलो ह्रदयमे बाके बचाए रहतहएं, और धैर्यसाथ फरा फरातहएं।

1 तिमोथी 6:20

हे तिमोथी, पक्का कर, कि तए बहे कामके करत हए, जौन काम करन जिम्मा परमेश्वर तोके दइ हए। अधर्म और बिना कामके बात चित और परमेश्वरको शिक्षनके बिरोध करन बारो बो सब शिक्षाके बे गलत तरिकासे “ज्ञान हए” कहिके कहात हएं।

2 तिमोथी 1:14

येशू ख्रीष्टके बारेमे अच्छो समाचारकी रक्षा कर जो परमेश्वर पबित्र आत्माको मदतसे तोके दइ रहए, जो हममे रहात हए।

1 तिमोथी 1:18

हे मिर लौंणा तिमोथी, जे बेहीं आदेश हएं जो मए तोके दएरहो हओं; मए तोके बे बातनके याद करनके ताहीं कहात हओं जो बितो भओ समयमे अगमबक्ता कही रहएं, कि जे बात तेरे सँग होमंगे। तोके झुठे गुरुके बिरुद्धमे लडनके ताहीं जे शब्दके एक हथियार हानी प्रयोग करन चाहो।

यूहन्ना 17:6

येशू कही, “मए तुमर नाउँमे बे आदमीनके जा बताओ हओं, कि तुम कौन हओ, जौनके संसारमे मोके दएहओ। बे तुमर रहएं और तुम बिनके मोके दए और बे तुमर शिक्षाके पालन करी हएं।

प्रेरित 13:25

और जब बप्तिस्मा देन बारो यूहन्ना अपनी सेवा पुरा करनमे रहए, तओ बो कही, ‘तुम मोके का सम्झत हओं? मए ख्रीष्ट नाए हओं! पर देखओ, मेरे पिच्छु एक आन बारो हए, बो मोसे बहुत जद्धा महान हए जो कि मए बाको पाउँको जुताको तनी खोलनको लायक फिर नाए हओं।’

गलातियों 2:2

और मए हुवाँ गओ, काहेकी परमेश्वर मोके जानके कही रहए। और जब मए हुवाँ रहओं, तओ मए अगुवनसे व्यक्तिगत रुपसे मिलो, और गैर-यहूदीनके अच्छो समाचारके बारेमे बताओ, ताकी अइसो नाए होए, कि जो मए करत रहओं या जो मए करतए आएरहो हओं, बोको कुछ परिमाण नाए निकरए।

फिलिप्पी 1:30

और तुमके उइसीयए कष्ट करनके हए, जैसे तुम मोके कष्ट करत देखे हओ। जब मए तुमर सँग फिलिप्पी सहरमे रहओं। और जौन कष्ट तुम अभए सुनरहे हओ, बो मए हबए फिर जेलमे सहिरहो हओं।

2 तिमोथी 3:10

पर हे तिमोथी, तए नेहात्तओ जानत हए, कि मए का सिखात हओं, और कैसे जीइत हओं, जीबनमे मिर योजना का हए और मए काहे बिश्वास करत हओं। तए जानत हएं, कि मए धिरज करत हओं, और सब आदमीमे प्रेम करत हओं, मए कठिनाइके सहो,

प्रकाश 6:11

उन मैसे सबएके सेतो लत्ता दओगओ। और परमेश्वर उनसे कही, “अभएके ताहीं अराम करओ, काहेकी अभौफिर तुमर कुछ सहकर्मी और बिश्वासी ददाभइया हएं जौननके तुमही कता मारडारे जएहएं। जब मारेजान बारेनकी संख्या पुरी हुइजएहए, तब्ही इकल्लो मए बदला लेमंगो।”