2 तिमोथी 4:2 - राना थारु नयाँ नियम

² कि तए परमेश्वरको बचनको परचार कर; चहुँ परिस्थिति अच्छो होए या खराब होए, सब परिस्थितिमे परमेश्वरको परचार करन मत् छोड। तोके बे आदमीको करोभओ गलत कामके दिखान पणैगो और डाँटन पणैगो। बिनके शिक्षा देत पेती शान्तिसे सम्झैए और हौसला दिए।

परमेस्वर को सच्चो वचन

² तैं संदेसो को प्रचार कर; बेरा अबेरा समरो रहा, बड़े धीरज के संग सिक्छा कै देत रहा और लोगन कै सुधार, झुकाए और प्रोत्साहित कर।

2 तिमोथी 4:2 Referans Kwoze

1 थेसलोनिकी 5:14

और हे मेरे बिश्वासी ददाभइयओ, हम तुमसे बिन्ती करत हएं, कि जो आदमी अल्छी हएं, उनके चेतावनी देओ। बे आदमीनके उत्सहा देओ, जो डरपोक हएं, जो बिश्वासमे कमजोर हएं उनके मदत करओ, सबके सँग सहनशीलता देखाओ।

तीतुस 2:15

जहेमारे, तीतस मए चाँहत हओं, कि तए क्रेट टापूके बिश्वासीनके जा बात सिखा, जो मए तोके बताओ हओं। अपने आदमीनके बे सब चीज करनके ताहीं हौसला दे। जहाँ जरुरी होबए, हुवाँ उनके सुधार। तोके अइसो करनके अधिकार हए। पक्का कर, कि जो कुछ फिर तए सिखात हए, कोइ फिर लापरबाही नाए करए।

1 तिमोथी 4:13

जब तक मए हुवाँ नाए पुगंगो तबतक तए बिश्वासीनके ताहीं पबित्र-शास्त्रके बडो अबाजसे पढनके ताहीं, उत्सहा देनके ताहीं और पबित्र शास्त्रको मतलब बुझनके ताहीं समय निकार।

प्रकाश 3:19

जौनके मए प्रेम करत हओं, उनके मए सिखात हओं, और दण्ड देत हओं। ताकी बे अच्छे बनपामएं। जहेमारे सही काम करनके ताहीं उत्साहित हो, और पाप करन छोडके परमेश्वर घेन घुम।

तीतुस 1:13

क्रेट टापूके आदमीनके बारेमे जे बात अभौफिर जा गवाही सच्चो हए, जहेमारे बिनके कर्रेसे चेतावनी दे, ताकी बे येशू ख्रीष्टके बारेमे सच्चो शिक्षामे बिश्वास करएं।

2 तिमोथी 2:21

अइसियए, जो बिश्वासी अपनएके बे सब खराब कामके अलग करैगो, तओ बाको जीबन पबित्र रहबैगो और बो मूल्यवान भाणा-बर्तन कता होबैगो जो खास अबसरके ताहीं इस्तमाल करोजात हए, और जहेमारे बो अपनो मालिकके ताहीं उपयोगी होबैगो।

गलातियों 6:6

बचनको शिक्षा पान बारे सबए, अपन सब असल चीज, बचन सिखान बारोसे बाँटचुट करन पणत हए।

रोमियों 12:12

तुमर ठिन जो आसरा हए बोमे तुमके खुसी होन चाहो, दुखमे धैर्य करओ, और लगातार प्राथना करतए रहाओ।

2 तिमोथी 3:10

पर हे तिमोथी, तए नेहात्तओ जानत हए, कि मए का सिखात हओं, और कैसे जीइत हओं, जीबनमे मिर योजना का हए और मए काहे बिश्वास करत हओं। तए जानत हएं, कि मए धिरज करत हओं, और सब आदमीमे प्रेम करत हओं, मए कठिनाइके सहो,

1 तिमोथी 5:20

जो आदमी पाप करत हएं, तोके बे आदमीनके सब बिश्वासीनके अग्गु डाँटनके चाहो, ताकी औ बिश्वासी फिर डरामएं।

कलस्सी 1:25

परमेश्वर मोके नियुक्त करी, ताकी तुमके बाको सन्देश पुरा रुपमे सम्झाए पामओं। तभीमारे मए मण्डलीको सेवक बनिगओ।

रोमियों 10:15

और कोइ आदमी परमेश्वरके बारेमे बतानसे पहिले बो आदमीके पठान चाहो। जहेमारे पबित्र-शास्त्र कहात हए, “अच्छो समाचार परचार करन बारेनको पाउँ कित्नो सुथ्रो हए!”

प्रेरित 20:7

हप्ताको पहिलो दिनमे जब हम प्रभुभोज खानके जम्मा भए रहए। तओ पावल दुस्रे दिन जानके इच्छा करनके कारणसे बिनके सँग आधि रात तक बात चित करि रहए।

प्रेरित 16:13

नदिया किनारे, यहूदीनको प्राथना करन बारो ठाउँ हुइहए करके हम पबित्र दिनमे हुवाँ गए। और हुवाँ जमा भइ बैयरनसे बात करनलागे।

लूका 9:60

येशू बोसे कहीं, “जौन आदमी मरो आदमी कता हए, उनके अपन आदमीके मरनको आसरा देखनदेओ। पर तुम जाएके परमेश्वरको राज्यको अच्छो समाचार परचार करओ।”

लूका 7:4

बे येशूके ठिन आएके बिन्ती करके कहीं, “रोमी कप्तान नेहत्तओ तुमसे मदत पान लायकको हए,

1 थेसलोनिकी 5:20

परमेश्वरके द्वारा आदमीनके उपर करोगओ भबिष्यबाणीके अस्वीकार मत् करओ।

लूका 7:23

धन्यको हए बो मनै, जौन मिर उपर शंखा नाए करत हएं।”

2 तिमोथी 2:25

बोके नम्रतासे बे आदमीके सही करन पणो, जो बोको बिरुद्धमे हएं, शैतान जे आदमीनके फसाएलै हए और उनसे अपनी आज्ञापालन कर्बात हए। पर साइत परमेश्वर उनके पश्‍चात्ताप करनके और ख्रीष्टके बारेमे सच्चाईके जाननमे मदत करैगो, ताकी बे होसमे आमएं और बोसे दुर हुइजामएं।

हिब्रू 13:22

हे मेरे बिश्वासी ददाभइयओ, मए तुमसे बिन्ती करत हओं, कि हौसलाको जा बचनके धिरजसे सुनओ, काहेकी मए तुमर ताहीं छोटकरीमे लिखो हओं।

प्रेरित 28:16

जब रोम सहरमे आएपुगे तओ पावलके सिपाहीको रेखदेखमे अपनो डेरा लैके बैठन दइं।

प्रेरित 13:5

सलामिस सहरमे जाएके यहूदी सभाघरमे घुसके बे परमेश्वरको बचन सुनान लागे। बो काममे मदत करनके ताहीं बे मर्कूस कहान बारो यूहन्नाके फिर सँगमे लैगए रहएं।

कलस्सी 4:3

और जाके सँगएसँग हमरे ताहीं फिर प्राथना करत रहाओ, कि परमेश्वर हमएं बचन सुनानको मौका देबए, और हम ख्रीष्टको बो रहस्यके बारेमे व्याख्या करपामएं, जौनके कारण मए पावल अभए जेलमे हओं, काहेकी मए जा सन्देशके परचार करो।

1 थेसलोनिकी 1:6

जैसे तुम ब्यबहार करत हओ बोमे तुम हमरे हानी और परमेश्वर हानी नमुना बने। आफतमे फिर तुम पबित्र आत्माको दओ भओ अच्छो समाचार आनन्दके सँग लए।