2 तिमोथी 3:3 - राना थारु नयाँ नियम

³ कोइके प्रेम नाए करन बारे, दुस्रेके माफी नाए देन बारे, दोष लगान बारे, अपन इच्छाके नियत्रण नाए करन बारे, हिंसा करन बारे, जो अच्छे हएं उनके हेल्हा करन बारे,

परमेस्वर को सच्चो वचन

³ बे निरदई, माफ ना करन बारे, निंदक, हिंसा करन बारे और उग्र होमंगे; बे अच्छाई से नफरत करंगे;

2 तिमोथी 3:3 Referans Kwoze

यहूदा 1:18

बे कहीं रहएं, “अन्तिम समयमे, हुवाँ बे आदमी रहामंगे, जौन प्रभु और बाके आदमीनको गिल्ला करंगे। जे बेही आदमी हएं, जौनको जीबन अपनो अभिलाषाके अधिनमे हएं, जौननके परमेश्वर स्वीकार नाए करत हए।”

रोमियों 1:31

मुरख, बिश्वासघाती, निर्दयी, और झन्नी होत हएं।

मत्ती 10:21

भइया अप्नो भइयाके मारनके ताहीं पकणए देहएं, और अइयादौवा लौंणालौंणीयाके, और लौंणालौंणीया अइयादौवाके बिरुद्धमे उठंगे, और बिनके मारन लगए हएं।

2 पतरस 2:14

बे अपना देखेभए सब बैयरसँग व्यभिचार करन चाँहत हएं। बे पाप करन मौका ढुँणन कभु नाए छोडत हएं। बे आदमीनके धोखा देत हएं जौन ख्रीष्टके पुरा रुपमे बिश्वास नाए करत हए और बिनके पापमे डोर्यात हएं। बिनको बहुत बातनको जद्धा इच्छाके कारण, परमेश्वर बिनके सजाय देबैगो।

1 तिमोथी 3:11

अइसियए मण्डलीको सेवा करन बारेनकी बैयर सम्मानको लायक होन पणत हए; और दुस्रेनके बारेमे खराब बात बत्कान बारी नाए होबए, पर शान्त तरिकासे ब्यबहार करन बारी होबए, ताकी उनके उपर हर चीजमे भरोसा करपामएं।

मत्ती 4:1

तओ पिच्छु शैतानसे येशूको परीक्षा होन लागो तओ पबित्र आत्मा येशूके तुरन्त जंगली इलाकामे लैगओ।

प्रकाश 17:6

और मए देखो, कि बो बैयर परमेश्वरके पबित्र आदमीनको खुन पिइके दर्हुया कता नसा हुइगइ रहए। काहेकी बे येशूमे बिश्वासयोग्यतासे येशूको अनुशरण करे रहएं। जा देखके मोके बहुत अचम्मो लागो।

प्रकाश 16:6

काहेकी बे तुमर आदमीनके और अगमबक्तनके मारी रहएं और बिनको खुन बहाइ रहएं, जहेमारे अब तुम बिनके खुन पिनके दए, जा बिनके ताहीं इनामके रुपमे ठिक हए।”

प्रकाश 13:17

सिरफ बेहीं जौनमे जा छाप रहए बेहीं कुछ किन या बेँचपात रहएं। बो छाप पहिलो राक्षसको नाउँ रहए या बोको नाउँके दर्सान बारो एक संख्या रहए।

प्रकाश 13:15

दुस्रो राक्षसके परमेश्वरके द्वारा पहिलो राक्षसको मूर्तिके बनाएके बोके जिन्दा करनको अनुमति दओगओ रहए, ताकी राक्षसको मूर्ति बोल पाबए। और बे आदमीनके मरबाए डारए, जो बो राक्षसको मूर्तिके आराधना नाए करत हएं।

यहूदा 1:16

जे आदमी बिनके सँग भओ सबए बातके ताहीं परमेश्वरके दोष लगात हएं और गुनासो करत हएं और बे अपनो इच्छा अनुसार करनके खोजो भओ दुष्ट काम करत हएं। बे अपने बारेमे घमण्ड करत हएं और बे अपनो चाहो भओ बात पानके ताहीं, औरे आदमीनको प्रसंसा करो दिखावा करत हएं।

2 पतरस 3:3

सबसे जरुरी बात, तुमके जानन हए कि अन्तिम दिनमे ख्रीष्ट दुबारा लौटके आनसे पहिले कुछ आदमी तुमके गिल्ला करंगे, काहेकी तुम बिश्वास करत हओ, कि ख्रीष्ट लौटके आबैगो। बे अपनो बानीके कारणसे गलत काम करंगे, जौन बिनके खुसी बनातहए।

याकूब 2:6

पर तुम बो गरीबके हेल्हा करत हओ। तुम जानतहओ, कि बेहीं धनी आदमी हएं, जो तुमर उपर अत्याचार करत हएं। बेहीं हएं, जो तुमके जबरजत्ती कचेहेरीमे लैजात हएं।

तीतुस 2:3

अइसियए करके बुढी बैयर अइसो ब्यबहार करएं, जो हर बातमे परमेश्वरके सम्मान देमएं; दुस्रेनके बारेमे खराब बात बत्कान बारी और दारु पिइन बारी नाए होमएं, पर उनके एक अच्छो जीबन जीइनको तरिका सिखन पणो।

तीतुस 1:8

पर पाहुननके सत्कार करन बारे, दुस्रेके ताहीं भलाइसे प्रेम करन बारे, शान्तसे ब्यबहार करन बारे, सही रितिसे ब्यबहार करन बारे, पबित्र जीबन जीइन बारे और बे अपनए-अपनामे अधिन करपान बारे होन पणत हए।

1 थेसलोनिकी 4:8

जहेमारे जो जे नियमके अनुसार जीइनसे इन्कार करत हए, बो आदमीनके नाए पर परमेश्वरके नियमके इन्कार करत हए, जो अपनो पबित्र आत्मा तुमके देतहए।

1 कोरिन्थी 7:9

पर अगर बे अपनएके अधिनमे नाए कर्पएहएं, तओ बेहा करएं; काहेकी बेहा करनो असन्तुष्ट इच्छा करनेसे अच्छो हए।

1 कोरिन्थी 7:5

तुम एकदुस्रेसे अलग मत् रहाओ, पर कुछ समय तक सल्लाहा करके प्राथना करन अलग बैठेसे फिर लोगा और बैयर कता तुम दुबारा एक साथ रहाओ; ताकी शैतान अनैतिक जीबन जीइनके ताहीं तुमरी परीक्षा नाए करए। काहेकी नत तुम अपनी इच्छन्के अधिनमे नाए करपाबैगे।

यूहन्ना 6:70

येशू बिनके जबाफ दइके कही, “का मए अपनए तुमके बाहृऔ जनैके नाए छानो? तहुँफिर तुम मैसे एक जनै शैतानके अधिकारमे हए।”

लूका 16:14

फरिसीनको समुह जो धनके लोभी रहएं, जे सब बात सुनके येशूके मजाक उणाइं।

लूका 10:16

जौन तुमर बात सुनत हए, बो मिर बात सुनत हए। जौन तुमके अस्वीकार करत हए, बो मोके अस्वीकार करत हए, और जौन मोके अस्वीकार करत हए, बो मोके पठान बारोके अस्वीकार करत हए।”

2 पतरस 2:19

झुठे गुरु आदमीनसे कहात हएं, कि बे अपना चाहन बारो जो कोइ फिर काम करन स्वतन्त्र हएं। एक हिसाबसे बे अपनए फिर नोकर कता हएं, काहेकी बे अपनुवए पापी स्वभाबसे बिनके पापको काम करन मजबुर करत हएं। काहेकी जौन बात कोइ आदमीके जितत हए बहे बात बोके नोकर बनातहए।

रोमियों 1:29

बे सब किसिमके पाप, दुष्टता, स्वार्थ, हिर्ससे भरे हएं। बे दिक्क, हत्या, लणाइ झगडा, छल, और बिजरोसे भरिगए। और बे चुग्ली खान बारे,