2 तिमोथी 2:16 - राना थारु नयाँ नियम

¹⁶ पर अधर्मी और फाल्तु बात करनसे बचो रहो; काहेकी व्यर्थ बातके मत् सुन, जो परमेश्वरसे कोइ सम्मान नाए देतहए। अइसे मेलके बात आदमीनके परमेश्वरसे और जद्धा दुर जानको कारण बानत हए।

परमेस्वर को सच्चो वचन

¹⁶ अपवित्र और अभक्ति की बेकार की बातन से परे रहाबौ, जो सिरफ आदमिन कै परमेस्वर से दूर लै जाथैं।

2 तिमोथी 2:16 Referans Kwoze

तीतुस 3:9

पर मुरखसे बाद-बिबाद, और पुर्खनको लम्बी सुची, बिरोध और लडाइ जो मोशाको नियम कानुनके बारेमे होएं बिनसे दुर रहो; काहेकी बे बेकार और फाइदा देन बारे नाए हएं।

1 तिमोथी 6:20

हे तिमोथी, पक्का कर, कि तए बहे कामके करत हए, जौन काम करन जिम्मा परमेश्वर तोके दइ हए। अधर्म और बिना कामके बात चित और परमेश्वरको शिक्षनके बिरोध करन बारो बो सब शिक्षाके बे गलत तरिकासे “ज्ञान हए” कहिके कहात हएं।

तीतुस 1:14

और बे यहूदीनको झुठी कहानीमे और पुर्खन्को लम्मो सूचीमे ध्यान देनके बन्द करएं। और तए बे आदमीनको शिक्षासे दुर रहीए, जौन सच्चो शिक्षासे दुर हुइगए हएं।

2 तिमोथी 2:14

जे बातके अपने बिश्वासीनके घरी-घरी सिखा, जो मए तोके बताओ हओं। और परमेश्वरके एक साक्षीके रुपमे धरतए तोके उनके चेतावनी देन चाहो, कि बे शब्दके अर्थके बारेमे बिबाद नाए करएं। जे प्रकारके बिबाद कोइके मदत नाए करत हए। बल्कि जा बेहीं आदमीनको बिश्वासके नुक्सान पुगात हए, जो जाके सुन्तहएं।

प्रकाश 13:3

बो राक्षसके मुणन मैसे एक मुणमे गम्भीर दुखौनोको निसान रहए, जौनके कारण बोके मृत्यु लान सकत रहए। पर जा दुखौनो ठिक हुइगओ रहए। जहेमारे, पृथ्वीके सब आदमी अचम्मो मानिगए और राक्षसको अनुसरण करन लग्गए।

2 पतरस 2:18

जब बे आदमीनके सिखात हएं तओ बे बिना कामके और गर्बके सब्द इस्तमाल करत हएं। बे आदमीनके, अपन शरीरके चाहो भओ लाज लगन बारो काम करन सिखात हएं और बे आदमीनके फिरसे पाप करनके ताहीं धोखा देत हएं, जौन आदमी भर्खर दुष्ट जीबन शैलीके त्यागी हएं।

2 पतरस 2:2

परमेश्वरके बहुतसे आदमी जे शिक्षनको दुष्ट कामको अनुसरण करत हएं, और बिनको करोगओ कामके कारण आदमी परमेश्वरके तरफ लैजान बारो सत्य डगरके बारेमे बदनाम करंगे।

हिब्रू 12:15

साबधान रहाओ, कि कोइ फिर आदमी परमेश्वरको अनुग्रह पानसे नाए छुटए ताकी तुमर बीचमे समस्या नाए आए। काहेकी अइसे आदमी तुमके बहुत जनैनके भ्रष्ट बनाए देत हए।

तीतुस 1:11

जे अइसे आदमीनके शिक्षा देनके अनुमति मतदिए। काहेकी जब जे बे बातनके सिखात हएं, जो बात नाए सिखानके हए। तओ बे बहुत परिवारनको बिश्वासके नाश करदेत हएं। जे अइसे जाकेमारे करत हएं, ताकी बे धनसम्पति पाए सकएं।

2 तिमोथी 3:13

पर दुष्ट आदमी और बे धोखेबाज आदमी औ जद्धा दुष्ट काम करंगे। बे आदमी प्रभुके धोखा देमंगे और बे अपनए दुस्रेके द्वारा धोखा खामंगे।

1 तिमोथी 4:7

झुठे कहानीमे समय बर्बाद मत् करीए, जो कहानी परमेश्वरके सम्मान नाए देत हएं। और तए परमेश्वरको दओ भओ जीबन जीइनके ताहीं अपनएके लगातार तालिम दिए।

1 कोरिन्थी 15:33

“जौन आदमी अइसे बात करत हएं, उनके कारण मुरख मतबनओ।”

1 कोरिन्थी 5:6

घमण्ड करन बन्द करओ; का तुम नाए जानत हओ, कि थोडी खमिर पुरो मणो भओ चुनके फुलाए देतहए। उइसीयए, अगर एक आदमीके पाप करनके अनुमति दओ जातहए, तओ जल्दीए सब बहे काम करनके ताहीं लोभ करत हएं।

प्रकाश 13:14

पहिलो राक्षसको शक्तिसे अचम्मोके काम करेके कारणसे बहुत आदमी दुस्रो राक्षससे प्रभाबित भए और धोखा पाइं। दुस्रो राक्षसके द्वारा आदमीनसे कहोगओ, कि बे पहिलो राक्षसको पुजा करनके ताहीं एक मूर्ति बनामएं, जो हथियारसे अध्मरा हुइगओ रहए, पर फिरसे अच्छो हुइगओ रहए।

1 तिमोथी 1:9

हम जा फिर जानत हएं, कि मोशाको नियम कानुन धर्मी आदमीनके ताहीं नाए बल्कि बे आदमी जो परमेश्वरको नियम कानुनके अनदेखी करत हएं, और जाको आज्ञापालन नाए करत हएं। और बे आदमी, जो परमेश्वरके आराधना नाए करत हएं, और जो पापी हएं। और बे आदमी, जो अशुद्ध हएं और अपबित्र हएं बे परमेश्वरको आदर नाए करत हएं। और बे आदमी, जो अपने अइयादौवाको और आदमीनको हत्या करत हएं,

2 तिमोथी 2:21

अइसियए, जो बिश्वासी अपनएके बे सब खराब कामके अलग करैगो, तओ बाको जीबन पबित्र रहबैगो और बो मूल्यवान भाणा-बर्तन कता होबैगो जो खास अबसरके ताहीं इस्तमाल करोजात हए, और जहेमारे बो अपनो मालिकके ताहीं उपयोगी होबैगो।