2 तिमोथी 1:14 - राना थारु नयाँ नियम

¹⁴ येशू ख्रीष्टके बारेमे अच्छो समाचारकी रक्षा कर जो परमेश्वर पबित्र आत्माको मदतसे तोके दइ रहए, जो हममे रहात हए।

परमेस्वर को सच्चो वचन

¹⁴ पवित्र आत्मा की सक्ति, जो हमरे मैं रहथै, बे अच्छी चीजन कै अपने झोने रख जो तुमकै सौंपीं गई हैं।

2 तिमोथी 1:14 Referans Kwoze

यूहन्ना 14:17

बा बो आत्मा हए जो परमेश्वरके बारेमे सच्चाईके प्रकट करत हए। पर संसार बाके नाए पाबैगो काहेकी संसार बाके नए देखत हए नए चिन्त हए। पर तुम बाके चिन्त हओ काहेकी बा तुमरी सँग रहात हए और बा तुमरी भितर बास करैगो।

रोमियों 8:13

काहेकी अगर तुम अपने पापमय स्वभाबके अनुसार जिबैगे तओ आत्मिक रुपसे मरैगे, अगर पबित्र आत्माकी शक्तिसे पापमय स्वभाबके काम बन्द करदेत हओ जो तुमर पापमय स्वभाब चाँहत हए, तओ तुम जिन्दा रहाबैगे।

1 तिमोथी 6:20

हे तिमोथी, पक्का कर, कि तए बहे कामके करत हए, जौन काम करन जिम्मा परमेश्वर तोके दइ हए। अधर्म और बिना कामके बात चित और परमेश्वरको शिक्षनके बिरोध करन बारो बो सब शिक्षाके बे गलत तरिकासे “ज्ञान हए” कहिके कहात हएं।

2 तिमोथी 1:12

जहेमारेसे हए, कि मए आदमीनके ख्रीष्टके बारेमे जा सन्देशको परचार करत हओं, कि मए हियाँ जेलमे फिर दु:ख उठाए रहो हओं, पर सर्मात नाए हओं। काहेकी मए ख्रीष्टके जानत हओं, जोके उपर मए भरोसा करो हओं। और मोके पक्का बिश्वास हए, कि जब तक ख्रीष्ट दुबारा लौटके नाए आबैगो, तबतक परमेश्वर बो चीजके रक्षा करैगो, जो चीज बा आदमीनके दइ हए।

1 कोरिन्थी 3:16

निश्चित रुपसे तुम जानत हओ, कि तुम अपनए परमेश्वरके मन्दिर हओ, और परमेश्वरको पबित्र आत्मा तुममे बास करत हए।

रोमियों 8:9

पर जबकी परमेश्वरको आत्मा तुममे बास करत हए, तओ तुम पापमय स्वभाबके अधिनमे नाए होबैगे, पर पबित्र आत्माके अधिनमे होबैगे। अगर कोइमे ख्रीष्टको आत्मा नाए हए तओ बो ख्रीष्टको होए नाए सकत हए।

1 पतरस 1:22

काहेकी तुम सत्य पालन करके शुद्ध भए हओ, अब तुमके निष्कपट रुपसे अपनो बिश्वासी ददाभइयनके प्रेम करन पणत हए। एकदुस्रेके निष्कपटता साथ और पुरा हृदयसे प्रेम करतए रहाओ।

1 थेसलोनिकी 5:19

पबित्र आत्माको कामके मत् रोकओ।

2 तिमोथी 2:2

तए मोके बहुत आदमीनके अग्गु ख्रीष्टके बारेमे सन्देशके सिखात सुनो हए। जहेमारे मए चाँहत हओं, कि तए फिर अन्य बिश्वासीनके सन्देश सिखाए, जोके उपर तए भरोसा करत हए, और बे दुस्रेनके फिर जा सन्देश सिखानके योग्यके होमंगे।

1 तिमोथी 1:11

जा सही शिक्षा हमर अदभुत परमेश्वरको महिमाके बारेमे अच्छो समाचारसे सहमत होत हए, जौन मोके परचार करनके जिम्मा दइ हए।

इफिसियों 5:18

और दारु पिइके दरोहा बने मत् रहाओ काहेकी जा आदमीनके असभ्य, अनियंत्रित तरिकासे ब्यबहार करनको कारण बन्त हए बल्कि, पबित्र आत्माके तुम्हएं नियंत्रित करनके देओ।

इफिसियों 2:22

हे गैर-यहूदीके बिश्वासी, काहेकी तुम ख्रीष्टके सँग एकजुट हओ, जहेमारे तुमके फिर परमेश्वरके औरे आदमीनके सँग जोडो जाएरहो हए। ताकी तुम एक अइसो घर बन्जाबओ जहाँ पबित्र आत्माको शक्ति द्वारा परमेश्वर रहात हए।

1 कोरिन्थी 9:17

मए जा अच्छो समाचार परचार करंगो कहेसे मोके इनाम मिलैगो। पर अगर जामे मिर कोइ इच्छा नाए हए, लेकिन अगर परमेश्वर मोके जा जिम्मेदारी दइ हए, तओ मए इनामको का आसरा कर सकत हओं? मए कोइ फिर इनामको आसरा नाए कर सकत हओं।

कलस्सी 4:11

और येशू फिर, जोके युस्तस कहात रहएं, तुमके नमस्कार पठाइ हए। खतना करेभए यहूदी बिश्वासी मैसे केबल जे तीन आदमी परमेश्वरको राज्यके ताहीं मेरे सँग काम करन बारे हएं और मोके उत्सहा देत हएं।

गलातियों 2:7

पर बे सब अगुवा बुझीगए, कि परमेश्वर जैसे पत्रुसके यहूदी आदमीनके अच्छो समाचार परचार करनके ताहीं छानी रहए, उइसी करके बो हमरे खतना करेभए गैर-यहूदी आदमीनके फिर अच्छो समाचार परचार करनके छानी हए।

2 कोरिन्थी 5:16

जहेमारे अबसे हम कोइके, आदमीको दृष्टिकोणसे नाए देखंगे। हम ख्रीष्टके एक समयमे आदमीके दृष्टिकोणसे देखे रहएं, पर अबसे बाके उइसे नाए देखंगे।

1 कोरिन्थी 6:19

तुम जरुर जानत हओ, कि तुमर शरीर मन्दिर हए जोमे पबित्र आत्मा रहात हए; जो तुममे बास भओ हए और तुमके परमेश्वरके घेनसे मिलो हए, और तुम परमेश्वरके हओ।

रोमियों 8:11

अगर तुममे परमेश्वरको आत्मा बास करत हए, जौन ख्रीष्ट येशूके मरो भओ मैसे जिन्दा करी कहेसे, बा जौन ख्रीष्ट येशूके मरो भओ मैसे जिन्दा करी, बा तुमर नाशवान शरीरके फिर जिन्दा करैगो जो आत्मा तुमरमे बास करत हए।

रोमियों 3:2

हाँ, एक यहूदी होनको बहुत फाइदा हए। सबसे महत्त्वपूर्ण जा हए, कि परमेश्वरको सन्देश उनके सौँपो गओ।

लूका 16:11

जहेमारे जब तुम दुनियाकी धनमे इमान्दार नाए हुइहओ कहेसे, तओ तुमके स्वर्गीय धन कौन देहए?