2 थेसलोनिकी 3:4 - राना थारु नयाँ नियम

⁴ और हमके प्रभुमे तुमर भरोसा हए, कि हम तुमके जो कुछ करनके कहे हएं, तुम उइसी कर रहेहओ और करतए रहाबैगे।

परमेस्वर को सच्चो वचन

⁴ और प्रभु हमकै तुमरे ऊपर भरोसो दिलाथैं, और हमकै यकीन है कि तुम कर्‌रै हौ और हम तुमकै जो बताथैं बौ करत रहागे।

2 थेसलोनिकी 3:4 Referans Kwoze

1 थेसलोनिकी 4:10

और तुम पहिलीयएसे अपने सँगी बिश्वासीके उपर अपनो प्रेम दिखाए हओ, जो माकेडोनिया परदेशमे हर ठिहा रहात हएं, पर हे मेरे बिश्वासी ददाभइयओ, हम तुमसे बिन्ती करत हएं, कि प्रेममे औ बढतए जाओ।

फिलिप्पी 1:6

मोके जा बातको भरोसा हए, कि परमेश्वर तुममे कुछ अच्छो काम करन सुरु करीहए, और परमेश्वर बो दिनमे पुरा करैगो, जब येशू ख्रीष्ट लौटके आबैगो।

फिलेमोन 1:21

मए तोके जा चिट्ठी जहेमारे लिखो हओं, काहेकी मोके बिश्वास हए, कि तए बहे करैगो, जो मए तोसे करनके बिन्ती कररहो हओं। पर मोके पता हए, कि तए बोसे फिर जद्धा करैगो, जो मए तोसे करनके बिन्ती कररहो हओं।

फिलिप्पी 2:12

जहेमारे हे मेरे प्रिय सँगीउ, जब मए तुमर सँग रहओं, तओ तुम सब परमेश्वरको आज्ञा मानतए रहे। अब मए तुमसे दुर भओ हओं, तहुँफिर तुमके जे बातके मानन पणैगो। और तुम सब जनै डरातए, और लग्लागात बे सब काम करओ जो तुमर ताहीं ठिक हए, जौन तुमके परमेश्वर मुक्ति दइ हए।

2 कोरिन्थी 2:3

और मए जो बात लिखो बो जाकेमारे लिखो, कि मए आत पेती जौन आदमीनसे मोके आनन्द मिलनके रहए बिनके द्वारा मए दुखी नाए होमओं। काहेकी, मोके आनन्द हुइहए तओ तुमके फिर आनन्द हुइहए कहिके मिर पक्को बिश्वास हए।

2 थेसलोनिकी 3:12

अइसे आदमीनके प्रभु येशू ख्रीष्टमे हम अधिकार दइके कहात हएं, कि बे धिरजसे अपनए काम करएं और अपने जीबन चलानके ताहीं रुपैया कमामएं।

2 थेसलोनिकी 3:6

हे मेरे बिश्वासी ददाभइया, हम तुमके बहे अधिकारसे आज्ञा देत हएं जो येशू ख्रीष्ट हमके दइ, कि अइसे कोइ फिर भइया या बहिनियासे मेलमिलाप मत् करओ, जो अल्छी हएं, और जो हम तुमके सिखाए बे आदेशको पालन नाए करत हएं।

मत्ती 28:20

और बिनके सब आज्ञा जो मए तुमके दओ हओं, माननके सिखाओ और देखओ, मए संसारको अन्त तक सब दिन तुमर सँगमे हओं।”

गलातियों 5:10

मए परमेश्वरमे भरोसा करत हओं, कि बा तुमके झुठो शिक्षनमे बिश्वास करनसे बचाए रहाबए; पर जो तुमके परेसान करत हए, बो चहुँ कोइ फिर होबए बो परमेश्वरसे दण्ड पाबैगो।

2 कोरिन्थी 8:22

और तीतसके सँग हम दुस्रो बिश्वासी भइयाके पठाए रहे हएं, जौनके हम बहुत चोटी जाँचके बहुत बातमे जोसिलो पाए हएं। तुमर घेन भओ बोको बडो भरोसाके कारण बो औ जद्धा जोसिलो भओ हए।

2 कोरिन्थी 2:9

जहेमारे तुमके जाँचनके और मिर आदेश माननमे तुम आज्ञाकारी हओ कि नाए हओ, कहिके पता पानके ताहीं मए तुमके लिखो रहओं।

1 कोरिन्थी 14:37

अगर कोइ आदमी अपनएके अगमबक्ता या पबित्र आत्मकी योग्यता दओगओ आदमी सम्झत हए कहेसे बो जानलेबए, कि जो बात मए तुमके लिखत हओं, बे परमेश्वरको आज्ञा हए।

1 कोरिन्थी 7:19

कोइको खतना भओ हए या नाए भओ हए, जासे कोइ फरक नाए पणत हए, पर परमेश्वरको आज्ञानके मानन बहुत जरुरी हए।

रोमियों 15:18

ख्रीष्ट मेरे द्वारा जो करीहए मए जा कहानके ताहीं सहासी हओं, कि मए गैर-यहूदीनके परमेश्वरको अनुसरण करनमे सक्षम हुइपामओं। जब बे मेरे सब्दके सुनीं और मेरे कामके देखीं तओ बे परमेश्वरमे भरोसा करीं।

रोमियों 15:14

हे मेरे बिश्वासी ददाभइया, मए अपनए फिर तुमर बारेमे नेहात्तओ जानत हओं, कि तुम अपनए भलाइसे भरे और तुम पुरा रुपसे जानत हओ, कि तुमके का करन चाहो और एकदुस्रेनके सिखाए सकत हओ।

रोमियों 2:7

जौन असल काममे स्थिर रहिके महिमा, आदर और अमरकी खोजिमे हए, उनके परमेश्वर कभी फिर नाश नाए होन बारो जीबन देबैगो;