2 थेसलोनिकी 1:9 - राना थारु नयाँ नियम

⁹ बे हमेसाके ताहीं प्रभुको महिमासे अलग हुइ जामंगे और प्रभुको महान शक्तिमे भागीदार नाए होमंगे। और परमेश्वर उनके कभी फिर अन्त नाए होन बारो दण्ड देबैगो।

परमेस्वर को सच्चो वचन

⁹ जो प्रभु की मौजूदगी से और उनकी महिमा से अलग हुई जागो, बे अनंत बिनास की सजा भुगतंगे,

2 थेसलोनिकी 1:9 Referans Kwoze

मत्ती 25:41

तओ मए दिब्रा घेनके आदमीनसे कएहओं, ‘हे सरापित आदमी, मिर अग्गुसे बो कभी फिर अन्त नाए होन बारो आगीमे चलेजाओ, जो शैतान और शैतानको दूतनके ताहीं परमेश्वर तयार करीहए।

2 थेसलोनिकी 2:8

तओ दुष्ट आदमी दिखाइ पणैगो, पर पिच्छु प्रभु येशू जब आबैगो, तओ बा एक हुकुमके द्वारा जो बाको मुँहुँसे निकरत हए और अपना आनको महिमासे दुष्ट आदमीके नाश करैगो।

मत्ती 25:46

और जौन दिब्रा घेन हएं जे कभी फिर अन्त नाए होन बारो दण्ड भोगंगे पर धर्मी आदमी कभी फिर नाश नाए होन बारो जीबनमे प्रबेश करंगे।”

प्रकाश 21:8

पर जोकोइ मिर उपर बिश्वास नाए करत हए, उनके पज्रत आगीमे और गन्धकमे फेँकदओ जाबैगो, जोकी दुस्री मृत्यु हए। और जहे हालत उनको फिर होबैगो, जौन आदमीनके अग्गु मोके स्वीकार करनसे डरात हएं, खराब काम करत हएं, जो हत्या करत हएं, व्यभिचार करत हएं, जादु करत हएं, और मूर्तिनको पुजा करत हएं या ठगत हएं।”

फिलिप्पी 3:19

बिनको अन्त बिनाश हए, और बे शरीरको इच्छाके पुरा करनके ताहीं इकल्लो जीइत हएं। बे सरम लागन बारो काम करनके बारेमे घमण्ड करत हएं और बे हमेसा पृथ्वीके चीजके बारेमे सोँचत रहात हएं।

मत्ती 16:27

काहेकी आदमीको लौंणा अपन दौवाके महिमामे अपन स्वर्गदूत सँग अएहए, और बो बेरा बा हरएक आदमीनके बोको काम अनुसार प्रतिफल देहए।

मत्ती 7:23

और मए बिनसे सफासे कहिदेहओं, ‘मए तुमके कभु नाए चिनो हओं। ए अधर्म काम करन बारे, मिर ठिनसे चलेजाओ।’”

प्रकाश 20:14

बे सबए आदमी, जोको नाउँ जीबनको किताबमे लिखो नाए रहए, बिनके आगी और गन्धकमे फेँको गओ। जाके पिच्छु अब मृत्यु नैयाँ, अब मृतकनको कोइ ठाउँ फिर नैयाँ, काहेकी बे सब आदमी जौनको नाउँ जीबनको किताबमे लिखो नाए रहए, उनके आगी और गन्धकमे फेँको गओ, जहेके दुस्री मृत्यु कहोजात हए, जोकी आगीको कुण्डामे मिलन बारो दण्ड हए।

2 पतरस 3:7

पर परमेश्वर बहे बचनसे बादर और पृथ्वी अभौफिर अस्तित्वमे धरे हए, ताकी बिनके आगीमे नष्ट करपाबए। बाको आज्ञा नाए मानन बारे आदमीनके बा न्याय और नष्ट करन बारो दिनके ताहीं बचाए पणे हए।

लूका 13:27

पर बो कहाबैगो, ‘मए तुमसे कहात हओं, मए नाए जानत हओं तुम कहाँसे हओ। हे खराब काम करन बारे, तुम सब मोसे दुर होबओ।’

मत्ती 22:13

तओ राजा नोकरनसे कही, “बोके हात-टाँग बाँधके बोके बाहिर अन्धकारमे डारदेओ, जहाँ आदमी रुइहएं और दाँत किटकिटए हएं।”

प्रकाश 20:11

फिर मए एक सेतो सिंहासन देखो जोमे परमेश्वर बैठो रहए। पर जहाँ परमेश्वर बैठो रहए हुवाँपर बादर और पृथ्वी सब हराइगए, और कोइ फिर उनके फिरसे दुस्राएके नाए देखीं।

यहूदा 1:13

समुन्दरको कोइ मजबुत लणुरा, फोहर फिज निकारे कता, जे आदमी फिर सरम लागन बारो काम करत हएं। जैसी कोइ-कोइ तारा, बिना दिशाके रहात हएं, और उनकेमे भर नाए पणो जाए सकत हए। अइसीयए तुमके फिर जे आदमीनके पिच्छु नाए लागन पणत हए। तभीमारे सदादीनके ताहीं अंधियारोमे परमेश्वर उनके ताहीं एक ठाउँ धरेपणे हए, जहाँ एकौ उजियारो नाए होत हए।

हिब्रू 10:29

अगर मोशाको नियम कानुन अनुसार सजाय उइसीयए रहए कहेसे, जौन परमेश्वरको लौंणाके स्वीकार नाएकरैगो बोके औ जद्धा सजाय होबैगो। बो परमेश्वरको लौंणाको पाउँसे कुल्चदइ हए, जौनके बो आदर नाए करत हए। बो ख्रीष्टको खुनके अशुद्ध मानत हए, जौन परमेश्वर बोके पबित्र बनानके ताहीं नयाँ करार सुरु करी। बो पबित्र आत्माके अपमान करी, जोसे बो अनुग्रह पाइ रहए।

तीतुस 2:13

हम अइसे ब्यबहार करत हएं, जब हम बेहीं अदभुत दिनको प्रतीक्षा कर रहे हएं, जोको हमके आसरा हए; बहे दिन जब प्रभु येशू ख्रीष्ट, जो हमर महान परमेश्वर और मुक्तिदाता हए, अपनो सारे महिमाके सँग पृथ्वीमे लौटके आबैगो।

प्रकाश 22:15

पर गलत काम करन बारे, मन्तुर करन बारे, व्यभिचार करन बारे, हत्या करन बारे, मूर्ति पुजन बारे और ठगन बारे कभी फिर बो सहरमे नाए घुसपामंगे।

2 पतरस 2:17

जे झुठे गुरु सुखेगए पनीको कुँइँयाँ कता हएं। बे बादर कता बिना कामके हएं, जौनके पानी बर्षनसे अग्गु शक्तिशाली हबा उणाएके लैजात हए। परमेश्वर बिनके ताहीं एक ठाउँ तयार करीहए, बो पुरा अंधियारो हए।

1 थेसलोनिकी 5:3

जब आदमी कहात होमंगे, “शान्ति हए, और हम सुरक्षामे हएं,” तओ बो समय अचानक बे आदमी बणे दुखको महसुस करंगे, जा अइसियए इक्बरी हुइहए जैसी कोइ एक गरबबती स्त्रीके इक्बरी व्यथा लागजात हए। और बे बो बडो दुःखसे बचनाए पामंगे।

यूहन्ना 5:14

जाके पिच्छु रोगसे अच्छो भओ आदमी, येशूके यरूशलेमको मन्दिरके आँगनमे मिलो, तओ येशू बोसे कही, “देख, तए रोगसे अच्छो भओ हए; फिरसे पाप मत् करीए, और अगर फिरसे पाप करो कहेसे कहुँ अइसो नाए होबए, कि तिर उपर औ जद्धा भारी बिपत्ति आए पणए।”

मत्ती 26:24

आदमीको लौंणाके त बोके बारेमे पबित्र धर्मशास्त्रमे लिखेबमोजिम हुइहए। पर बो आदमी डर लागन बारो सजाय पबैगो, जौन आदमीको लौंणाके धोखा देबैगो। बो आदमीके नाएजन्मनो बोके ताहीं असल रहए।”

मत्ती 24:30

तओ आदमीको लौंणाको चिन्हा बादरमे दिखाबैगो, और पृथ्वीके सब चीज बिलाप करंगे, और बे आदमीको लौंणाके बादरमे भओ महान शक्ति और बडो महिमाके सँग आत देखंगे।