2 थेसलोनिकी 1:8 - राना थारु नयाँ नियम

⁸ और जो परमेश्वरके नाए चिनत हएं, और जो हमर प्रभु येशू ख्रीष्टके बारेमे अच्छो समाचारके स्वीकार नाए करत हएं, परमेश्वर उनके दण्ड देबैगो।

परमेस्वर को सच्चो वचन

⁸ धधकत भइ आगी की लपटन के संग, बे लोगन कै सजा देन ताहीं जो परमेस्वर कै अपनात नाय हैं और जो हमरे प्रभु ईसु के बारे मैं सुसमाचार नाय मानथैं।

2 थेसलोनिकी 1:8 Referans Kwoze

1 पतरस 4:17

काहेकी परमेश्वरको अपनुवए परिवारसे न्याय सुरु होनको समय आएचीको हए। काहेकी बा पहिले हम बिश्वास करन बारेनको न्याय करैगो और परमेश्वरसे आओ भओ अच्छो समाचारके नाए मानन बारेनके झन् कैसो होबैगो, बोके बारेमे सोँचओ।

2 पतरस 3:7

पर परमेश्वर बहे बचनसे बादर और पृथ्वी अभौफिर अस्तित्वमे धरे हए, ताकी बिनके आगीमे नष्ट करपाबए। बाको आज्ञा नाए मानन बारे आदमीनके बा न्याय और नष्ट करन बारो दिनके ताहीं बचाए पणे हए।

हिब्रू 10:27

पर बे, परमेश्वरको न्यायके ताहीं डरातए आसरा करन पणत हए, और बे बाको दुश्मन होनके कारणसे पज्रत आगिमे भसम हुइ जामंगे।

हिब्रू 10:30

बिनके बहुत कडा दण्ड दओ जाबैगो, काहेकी जे बात परमेश्वर कही हए। बा कही, “बदला लेनको काम मिर हए, दण्ड मए देमंगो।” अइसो फिर कहोगओ हए, “परमेश्वर अपने आदमीनको न्याय करैगो।”

हिब्रू 2:3

जहेमारे अगर जा बडो मुक्तिके हम वास्ता नए करे कहेसे नेहात्तओ हम फिर सजाय पामंगे। अग्गु प्रभु येशू अपनए मुक्तिके बारेमे कही, और प्रभुको कहो भओ मुक्तिको सन्देश सुनान बारे चेला हमके जा सच्चो हए कहिके प्रमाण दइ हएं।

गलातियों 4:8

बिते समयमे जब तुम परमेश्वरके नाए जानत रहओ, तुम बे चिजनके कमैया रहओ, जो ईश्वर नाए हएं।

रोमियों 6:16

तुम जानत हओ, कि जब तुम कोइके कमैया हओ कहेसे बो आदमी तुमर मालिक हुइजात हए और तुमके बहे करन चाहो जो बो कहात हए। तुम पापके दास हुइ सकत हओ, जो मृत्यु घेन लैजात हए, याफिर तुम परमेश्वरको आज्ञापालन करसकत हओ, जो धार्मिक जीबन घेन लैजात हए।

मत्ती 25:41

तओ मए दिब्रा घेनके आदमीनसे कएहओं, ‘हे सरापित आदमी, मिर अग्गुसे बो कभी फिर अन्त नाए होन बारो आगीमे चलेजाओ, जो शैतान और शैतानको दूतनके ताहीं परमेश्वर तयार करीहए।

प्रकाश 20:10

तओ बे शैतानके, जौन जे सब आदमीनके धोखा दइ रहए, बोके बो ठिहा फेँकदइं जहाँ गन्धक और आगी पज्रत हए। बो बहे ठिहामे होबैगो, जहाँ बे पहिलीएसे राक्षस और झुठो अगमबक्तनके फेँकी रहएं। आगी बे सबके रातदिन रोज तड्पाबैगो।

हिब्रू 12:29

काहेकी हमर परमेश्वर भसम करन बारो आगी कता हए।

प्रकाश 21:8

पर जोकोइ मिर उपर बिश्वास नाए करत हए, उनके पज्रत आगीमे और गन्धकमे फेँकदओ जाबैगो, जोकी दुस्री मृत्यु हए। और जहे हालत उनको फिर होबैगो, जौन आदमीनके अग्गु मोके स्वीकार करनसे डरात हएं, खराब काम करत हएं, जो हत्या करत हएं, व्यभिचार करत हएं, जादु करत हएं, और मूर्तिनको पुजा करत हएं या ठगत हएं।”

प्रकाश 6:10

और बे अइसे कहिके जोडसे चिल्लात परमेश्वरसे कहीं, “हे सर्बशक्तिमान पबित्र और सत्य प्रभु; तुम पृथ्वीमे रहान बारे बे बुरे आदमीनके दण्ड देनमे इत्ना लम्बो आसरा काहे करत हओ? हम बिन्ती करत हएं कि तुम बे आदमीनको खुनको बदला लेए जौन हमएं मारडारीं।”

रोमियों 1:28

और बे परमेश्वरको सच्चो ज्ञानके स्वीकार करनके ठिक नाए मानीं, जहेमारे परमेश्वर फिर बिनके बे सब गलत काम करनके ताहीं बिनको गलत बिचारमे छोड दइ।

प्रेरित 6:7

और परमेश्वरको बचन फैलतए गओ और यरूशलेम सहरमे चेलनको संख्या बहुत बढतए गओ। और बहुत यहूदी पुजारी फिर येशू ख्रीष्टमे बिश्वास करन बारो शिक्षाके स्वीकार करीं।

यूहन्ना 3:19

और दण्डको आज्ञाको कारण जा हए, कि उजियारो संसारमे आइगओ रहए, तहुँफिर आदमी उजियारोसे जद्धा अन्धकारके अच्छो मानीं। काहेकी बिनके काम खराब रहए।

मत्ती 25:46

और जौन दिब्रा घेन हएं जे कभी फिर अन्त नाए होन बारो दण्ड भोगंगे पर धर्मी आदमी कभी फिर नाश नाए होन बारो जीबनमे प्रबेश करंगे।”

1 पतरस 3:6

सारा कता, जौन अब्राहामके स्वामी कहिके बोको आज्ञापालन करत रहए, बो कहोक जा हए, कि अगर तुम औ आदमीनके ताहीं ठिक काम करे और चिन्ता और डर नाएहए कहेसे, तओ तुम साराके लौंणीया कता होबैगे।

1 पतरस 1:2

दौवा परमेश्वर पहिलीए तुमके अपनो आदमी होनके और पबित्र आत्माको कामसे बिनके पबित्र बनानके ताहीं छाननके फैसला करी रहए। बा अइसो करी ताकी तुम येशू ख्रीष्टको आज्ञापालन करओ और बाको खुनसे शुद्ध हुइ पाबओ। ताकी चुनेभए बारेनके अनुग्रह और शान्ति प्रशस्त होत जाबए।

हिब्रू 11:8

बिश्वासएसे अब्राहाम नाउँको आदमी परमेश्वरको कहो भओ बात मानी। परमेश्वर बोके बुलाएके अपनो प्रतिज्ञा करोभओ देशमे जा कहिके अढाइ। कहाँ जानके हए कहिके पतए नाए पाएके बो अपनो देश छोडके गओ।

हिब्रू 5:9

मल्‍कीसेदेक यहूदी पुजारी भओ कता परमेश्वर येशूके प्रधान यहूदी पुजारी बनाएके सम्मान दइ। और जब येशूके परमेश्वर पुरा रुपमे सिद्ध बनाएडारी तओ बामे बिश्वास करन बारे आदमीनके ताहीं बा सदाकालको मुक्तिको मुल हुइगओ

गलातियों 3:1

हे गलातिया परदेसके बिश्वासीउ, कोइ जरुर तुमके भणकाए दइ हए। मए तुमके अच्छेसे सम्झाओ हओं कि येशू ख्रीष्टके क्रूसमे टाँगनको कारण का रहए।

2 कोरिन्थी 10:5

परमेश्वरको ज्ञानको बिरुद्धमे आन बारे बहस और हर अहंकारपूर्ण बाधाके हम नाश करदेत हएं, और हर एक बिचारके अधिनमे लाएके ख्रीष्टको आज्ञाकारी बनाए देत हएं।

1 कोरिन्थी 15:34

जो ठिक हए बोके बारेमे ध्यानसे बिचार करओ, अबसे पाप मत् करओ; काहेकी तुम मैसे कुछ आदमी परमेश्वरके स्पष्ट रुपसे नाए जानत हएं।

रोमियों 16:26

पर अब अनन्तको परमेश्वरको आज्ञाके अनुसार अगमबक्ताके लिखेभए पबित्र-शास्त्र द्वारा प्रकट करोगओ हए और परचार करोगओ हए जा हेतुसे, कि सबए जाति बिश्वास करएं और आज्ञापालन करएं।

रोमियों 15:18

ख्रीष्ट मेरे द्वारा जो करीहए मए जा कहानके ताहीं सहासी हओं, कि मए गैर-यहूदीनके परमेश्वरको अनुसरण करनमे सक्षम हुइपामओं। जब बे मेरे सब्दके सुनीं और मेरे कामके देखीं तओ बे परमेश्वरमे भरोसा करीं।

रोमियों 10:16

पर बिन मैसे कोइ फिर अच्छो समाचारमे बिश्वास नाए करीं। यशैया अगमबक्ता कहात हए, “हे प्रभु, कोइ फिर हमर सन्देशमे बिश्वास नाए करीं।”

रोमियों 1:5

ख्रीष्टके द्वारा मोके अनुग्रह और चुनेभए चेलाको काम परमेश्वर दइ, ताकी बाको नाउँको कारण सबए जातिके आदमी ख्रीष्टको अच्छो समाचारमे बिश्वास करएं और बाको आज्ञापालन करएं।

यूहन्ना 8:19

फरिसीनको समुह येशूसे कहीं, “तुमर दौवा कहाँ हए?” येशू जबाफ दइके कही, “तुम नए मोके चिन्हत हओ नए त मिर दौवाके चिन्हत हओ। अगर तुम मोके चिन्ते कहेसे मिर दौवाके फिर चिनजैते।”

यहूदा 1:7

जे इस्राएली और शैतानके दूतनकता सदोम और गमोरा सहरनमे और जिनको ढिँगैको सहरनमे बैठन बारे आदमीनमे भओ बात सम्खओ। आदमी अनैतिक भए रहएं, और सबए मेलके व्यभिचारसे भरे रहएं। जहेमारे परमेश्वर बिनके कभी फिर अन्त नाए होन बारो आगीसे भसम करदइ। बिनके सँग भओ बात, झुठे गुरुनके ताहीं चेतावनी भओ हए, कि बिनके फिर अनन्त आगीसे सजाय दओ जाबैगो।