2 पतरस 2:14 - राना थारु नयाँ नियम

¹⁴ बे अपना देखेभए सब बैयरसँग व्यभिचार करन चाँहत हएं। बे पाप करन मौका ढुँणन कभु नाए छोडत हएं। बे आदमीनके धोखा देत हएं जौन ख्रीष्टके पुरा रुपमे बिश्वास नाए करत हए और बिनके पापमे डोर्यात हएं। बिनको बहुत बातनको जद्धा इच्छाके कारण, परमेश्वर बिनके सजाय देबैगो।

परमेस्वर को सच्चो वचन

¹⁴ उनकी आँखी हमेसा व्यभिचार से भरी रहथैं; पाप के ताहीं उनकी भूंक कहुए नाय रुकथै। बे चंचल मन बारेन कै फुसलाए लेथैं। उनके मन लालची होन के ताहीं सीखे भै हैं। बे परमेस्वर के अभिस्राप के तहत हैं!

2 पतरस 2:14 Referans Kwoze

2 पतरस 2:18

जब बे आदमीनके सिखात हएं तओ बे बिना कामके और गर्बके सब्द इस्तमाल करत हएं। बे आदमीनके, अपन शरीरके चाहो भओ लाज लगन बारो काम करन सिखात हएं और बे आदमीनके फिरसे पाप करनके ताहीं धोखा देत हएं, जौन आदमी भर्खर दुष्ट जीबन शैलीके त्यागी हएं।

2 पतरस 2:3

जे गुरु लोभी होमंगे, और तुमसे रुपैया पानके ताहीं तुमके, बनाओ भओ कहानी सुनाएके बे तुमके धोखा देहएं। परमेश्वर बिनके सजाय देबैगो कहिके बहुत पहिले निर्णय करडारी हए, और बा जा करनके तयार हए। बा नेहात्तओ बिनके नष्ट करैगो।

इफिसियों 2:3

हम फिर पापी स्वभाबके इच्छन्के पुरा करके जीइत रहएं, जो फिर हमर खराब इच्छा और बिचार हमसे कर्बान चाँहत रहए हम बहे करत रहएं। और बाँकी औ सबए कता, हम फिर स्वाभाबिक रुपसे बुरे रहएं और परमेश्वरको दण्डके अधिनमे रहएं।

2 पतरस 3:16

बा बिश्वासीनके ताहीं लिखो भओ अपनो सबए चिट्ठीनमे, बो बहे बात लिखी जौन बात मए तुमके लिखो रहओं। पर बो अपनो चिट्ठीनमे लिखेभए कोइ-कोइ बात बुझन अग्ठे हएं। जो आदमी अच्छेसे नाए सिखे हएं, और जो बिश्वासमे पक्को नाए हएं, बे पबित्र-शास्त्रमे भए दुस्रे खण्डके गलत तरिकासे ब्याख्या करे कता, बे जे अग्ठे बातनके ब्याख्या गलत तरिकासे करत हएं। अइसो करके बे अपनए परमेश्वरसे नष्ट हुइहएं।

इफिसियों 4:14

जहेमारे, अबसे हमके बच्चा कता नाए होन हए, और हम बे नैयाँके कता नाए होमएं जौनन्के लणुरा अग्गु-पच्छु ढकेलत हए और हबा इतएउतए घुमात हए। जाको अर्थ जा हए, कि चलाँख और ठगिया आदमी अब अपनी झुठी शिक्षासे हमके धोखा नाए दइपए हएं।

रोमियों 16:18

काहेकी अइसे आदमी हमर प्रभु येशू ख्रीष्टके नाए हएं पर अपने सरीरिक इच्छाके ताहीं सेवा करत हएं। और मिठी-मिठो शब्द और अच्छी बात करके निर्दोष आदमीनके धोखा देत हएं। अइसियए बे निर्दोष आदमीनके धोखा देत हएं।

1 कोरिन्थी 11:19

का तुमके लगत हए, कि बिभाजनके माध्यमसे दुस्रेनके पता चल जाबैगो, कि तुम मैसे कोइके ठिन परमेश्वरको उपस्थिति हए? नाए, बिरकुल नाए हए।

यूहन्ना 5:44

पर तुम मिर उपर बिश्वास नाए करपए हओ, काहेकी तुम एकदुस्रेसे प्रसंसा चाँहत हओ, और तुम परमेश्वरसे प्रसंसा पानके कोसिस नाए करत हओ।”

मत्ती 12:34

तुम जहेरिले साँपके बच्चा कता हओ! तुम गलत हुइके कैसे अच्छी बात कहेसकत हओ? काहेकी जो ह्रदयमे भरोहए, बहे मुँहुँमे आत हए।

1 यूहन्ना 2:16

संसारमे भए चीज शरीरको खराब इच्छा, आँखीसे देखन बारी चीज चाहनो और जो करत हए बोमे घमण्ड करनो, बो दौवा परमेश्वरसे नाए आओ हए। जे त संसारके चीज हएं।

मर्कूस 13:22

काहेकी झुठे ख्रीष्ट और झुठे अगमबक्ता अएहएं, चिन्हा और चमत्कारको काम दिखए हएं और हुइ सकत हए, कि जौनके परमेश्वर चुनी हए बेहीं आदमीनके धोखा देनके ताहीं अएहएं।

याकूब 1:8

बे आदमी दुई मन बारे हएं, और बिनके सब चालचलनमे स्थिर नाए रहेपात हएं।

कलस्सी 2:18

ख्रीष्ट शरीरको मुण हए, ख्रीष्टके माध्यमसे शरीरके सब अंग जुडे होत हएं और अंगके रेखदेख करत होतहए। जहेमारे जा परमेश्वर इच्छा अनुसार बणत हए, अपनएके अपमान करके और स्वर्गदूतनके आराधना करके कोइके अयोग्य बनान मतदेओ। अइसे आदमी दर्शनमे प्रबेश करत हएं, जौन उनको मानब सोँचके कारण मुरख घमण्डसे भरजात हएं। बे ख्रीष्टमे नाए रहिपात हएं।

यहूदा 1:11

परमेश्वर बिनके दण्ड देहए! काहेकी बे कयिनके कता अपनो जीबन खराब तरिकासे जीइत हएं, जौन गुस्साके कारण अपनो भइयाको हत्या करी रहए। काहेकी परमेश्वर बक ददाको भेँटी ग्रहण करी रहए। बे बालाम कता हएं, जौन रुपैया पानके ताहीं परमेश्वरके आदमीनके पाप करबानके कोसिस करी। बे कोरह कता नाश होमंगे, जौन परमेश्वर मोशाके दओ भओ अधिकारके बिरुद्ध बिद्रोह करी रहएं।

मत्ती 25:41

तओ मए दिब्रा घेनके आदमीनसे कएहओं, ‘हे सरापित आदमी, मिर अग्गुसे बो कभी फिर अन्त नाए होन बारो आगीमे चलेजाओ, जो शैतान और शैतानको दूतनके ताहीं परमेश्वर तयार करीहए।

मत्ती 5:28

पर मए तुमसे कहात हओं, कि जौन कोइ बैयरके गलत नजरसे देखत हए, तओ बो अग्गुसे अपन ह्रदयमे बोकेसँग व्यभिचार करडारतहए।

प्रकाश 12:9

जहेमारे अजिंगर और बक अधिनमे आन बारेनके पृथ्वीमे फेँको गओ। जा बडो अजिंगर बहे हए, जो बहुत समय पहिले साँपके रुपमे दिखाइ दइ रहए, जोसे शैतानको दूत या दोष लगान बारो फिर कहोजात हए। जा बहे हए जो जा संसारके आदमीनके धोखा देत आओ हए।

मत्ती 23:14

हे मोशाको नियम कानुन सिखान बारे और फरिसीनको समुह, कपटीयओ, परमेश्वर तुमके दण्ड देहए! काहेकी तुम बिधुवनको घर लुटत हओ, और तुम अपनएके धर्मी दिखानके ताहीं लम्बो-लम्बो प्राथना करत हओ जहेमारे दुस्रे आदमीनसे जद्धा तुमके दण्ड मिलैगो।