2 पतरस 1:6 - राना थारु नयाँ नियम

⁶ तुमके जहे इकल्लो जाननके नाए कि, समझदारीसे कैसे ब्यबहार करनके हए, बल्कि तुम बे बुरे कामनके फिर नाए करनके हए जो तुम करन चाँहत हओ। तुमके अच्छे कामनमे इकल्लो नाए, बल्कि तुमके कठिनाइमे फिर स्थिर होन पणो। तुमके स्थिर इकल्लो नाए होन हए, बल्कि तुमके अइसे जीइनके हए जोके द्वारा परमेश्वरको प्रसंसा होबए।

परमेस्वर को सच्चो वचन

⁶ अपने ग्यान मैं संयम; संयम मैं धीरज जोड़ौ; अपनेई सहनसक्ति से ईस्वर भक्ति जोड़ौ;

2 पतरस 1:6 Referans Kwoze

2 पतरस 1:3

परमेश्वर अपनो ईश्वरीय शक्ति द्वारा बाके खुसी बनान बारो जीबन जिनके ताहीं हमके चाहो भओ सब चीज दइ हए। जा सम्भब हए, काहेकी हम परमेश्वरके चीन्हत हएं और बहे हए जो हमके अपनो महिमा और नैतिक भलाइ द्वारा हमके अपनो आदमी होनके बुलाइ हए।

हिब्रू 10:36

तुमके बिश्वासमे स्थिर रहिके आसरा देखन जरुरी हए। तओ तुम परमेश्वरको इच्छा पुरा करपाबैगे और परमेश्वरसे प्रतिज्ञा करेभए सबए चीज पाबैगे।

लूका 21:19

तुम परमेश्वरमे बिश्वासयोग्य रहाबैगे कहेसे परमेश्वर तुमर जीबनके बचाबैगो।”

हिब्रू 12:1

हमर आसपिस अइसे बहुत आदमी हएं, जौनको जीबन हमके बिश्वासको अर्थ बतात हए। बहेमारे हमर डगरमे आन बारे बाधा और हमके फसान बारो पापके हम हटामएं और हमर दौडके धैर्यसाथ दौरएं।

1 कोरिन्थी 9:25

जो आदमी दौडमे हिस्सा लेन चाँहत हए, बे पहिले अभ्यास करत हएं और अपने इच्छाके अपने नियन्त्रणमे करत हएं। बे अइसो जाकेमारे करत हएं, ताकी जीत सकएं और आदर पाए सकएं। उनके आदर करनके ताहीं पत्तनसे बने माला देत हएं, जो लम्बो समय तक नाए रहात हए। पर हम जो बिश्वास येशू ख्रीष्टमे करत हएं बोसे आदर पामंगे, और जो आशिष बा हमके देबैगो हमेसाके ताहीं रहाबैगो। जहेमारे हमके अपने चहानामे भुलन नाए पणत हए।

तीतुस 2:2

बुढे मनै अपनए-अपनएके नियन्त्रण करपान बारे होन पणतहए, अइसो ब्यबहार करनके चाहो ताकी आदमी बोके सम्मान करएं, और दुस्रे जनैनसे समझदारसे ब्यबहार करन बारो होन पणतहए। परमेश्वरमे उनको बिश्वास मजबुत होन पणतहए, दुस्रे आदमीनसे सच्चाईसे प्रेम करन बारो होन पणतहए और सहनको क्षमता होन पणतहए।

गलातियों 5:23

नम्रतामे रहानके और अपनएके अधिनमे करनके लायक बनात हए; अइसो कोइ नियम कानुन नाए हए, जो अइसियए चरित्रके बिरोध करत होए।

प्रकाश 14:12

तभीमारे जा जरुरी हए, कि परमेश्वरके पबित्र आदमीके जीबनमे आन बारे सबएके दुख सहान पणतए हए। बे परमेश्वरको आज्ञापालन करत हएं। और बिनके येशूमे बिश्वास करन नाए छोडन हए।

प्रकाश 2:2

मए जान्त हओं, कि तए का करत हए, तए कैसे कडा मेहेनत करत हए और कभी हार नाए मानत हए। और मए जा फिर जान्त हओं, कि तए बुरे आदमीनको झुठी शिक्षनके नाए सहिपात हए। तए बे आदमीनके जाँचो हए जो कहात हएं, कि बे चुनेभए चेला हएं। पर बास्ताबमे बे नाए हएं, और तए जानो, कि बे झुठे हएं।

तीतुस 1:8

पर पाहुननके सत्कार करन बारे, दुस्रेके ताहीं भलाइसे प्रेम करन बारे, शान्तसे ब्यबहार करन बारे, सही रितिसे ब्यबहार करन बारे, पबित्र जीबन जीइन बारे और बे अपनए-अपनामे अधिन करपान बारे होन पणत हए।

1 थेसलोनिकी 1:3

जब हम अपनो दौवा परमेश्वरसे प्राथना करत हएं, तओ हम बे कामके याद करत हएं जो तुम बिश्वासके कारण करत हओ। और दुस्रेनके उपर प्रेम दिखानके ताहीं जो कडी मेहेनत तुम करत हओ, और तुम सतावट सहे करत हओ काहेकी तुम प्रभु येशू ख्रीष्टको लौटनको आसरा कर रहेहओ।

कलस्सी 1:11

परमेश्वरको बडो शक्तिको भण्डारसे आओ भओ, शक्ति पाएके तुम मजबुत होबओ, कहिके मए प्राथना करत हओं। ताकी तुम धैर्य और आनन्दसे अपन दुख सहिपाबओ।

2 कोरिन्थी 6:4

पर जे सबए बातमे हम परमेश्वरके सच्चे सेवक हएं कहिके दिखात हएं; धर्यतासे कष्ट, कठिनाइ, और आफत बिपत सहिके,

रोमियों 8:25

पर हमके कुछ अइसो पानको आसरा हए जो हमर ठिन अभए तक नैयाँ, जहेमारे हम धर्यसे तबतक आसरा करत हएं जब तक हम बोके प्राप्त नाए करलेमएं।

रोमियों 2:7

जौन असल काममे स्थिर रहिके महिमा, आदर और अमरकी खोजिमे हए, उनके परमेश्वर कभी फिर नाश नाए होन बारो जीबन देबैगो;

प्रेरित 24:25

पर पावल “परमेश्वरके अग्गु धार्मिक आज्ञा मानके काम करन पणत हए, अपनो इच्छा उपर नियन्त्रण करन पणत हए और परमेश्वरको न्याय करन बारो दिन आएरहो हए” कहान बारी बात सुनात पेती फेलिक्स घबणियातए अइसे कही, “हुइगओ, आजके ताहीं इतकए, अब तए जाए सकत हए। मौका मिलैगो तओ मए फिरसे तोके बुलामंगो।”

लूका 8:15

पर अच्छी जमिनमे पणन बारे बेही हएं, जौन बचन सुनके अच्छो मन और भलो ह्रदयमे बाके बचाए रहतहएं, और धैर्यसाथ फरा फरातहएं।

रोमियों 15:4

जित्नो बात पबित्र-शास्त्रमे पहिलीयएसे लिखेहएं, बे हम्रीए शिक्षाके ताहीं लिखेगए हएं, ताकी हम पबित्र-शास्त्रसे पान बारो धिरज और हौसलासे हमरमे आसरा होबए।

प्रकाश 13:10

जौन आदमीनके जेलमे डारो जानके ताहीं फैसला हए, बे पक्कए फिर जेलमे डारे जामंगे, और अन्य आदमीनके ताहीं तरबारसे मारो जानके ताहीं फैसला हए, बे पक्कए फिर मारे जामंगे। जहेमारे नेहात्तओ, कि परमेश्वरके आदमी बे कठिनाइके सहाएं जौननको बे अनुभव करत हएं और बे बिश्वास करनमे पक्के हएं।

प्रकाश 1:9

मए यूहन्ना, तुमर सँगी बिश्वासी हओं, और येशूसे मिर एकता भओके कारण मए तुमर सँग परमेश्वरको राज्यमे, सरे दुखमे और उनके सहानकी शक्तिमे सहभागी हओं, मोके पत्मोस टापूमे पठाओ गओ रहए, काहेकी मए परमेश्वरके बचनके और येशू द्वारा प्रकट करोगओ सच्चाईके परचार करत रहओं।

2 पतरस 3:11

जबकी परमेश्वर नेहात्तओ जे सब चिजनके नाश करदेबैगो, जैसेकी मए अभौफिर कहो हओं, जहेमारे तुमके नेहात्तओ ईश्वरीय तरिकासे ब्यबहार करन चाहो।

हिब्रू 6:15

अब्राहाम धैर्यसे लम्बो समय तक आसरा लगो। और बो, परमेश्वर प्रतिज्ञा करो भओ आशिष पाइ।

तीतुस 1:1

मए पावल, जा चिट्ठी तीतसके ताहीं लिखरहो हओं, जो परमेश्वरको दास और येशू ख्रीष्टसे चुनो भओ चेला हओं, मए परमेश्वरके चुनेभए आदमीको बिश्वासके मजबुत करनके ताहीं, और येशूको सत्य शिक्षा बुझानमे मदत करनके ताहीं चुनो गओ हओं। ताकी बे अइसे जीबन जीइमएं, जो परमेश्वरके खुसी करत हए।

2 तिमोथी 3:5

बे अइसे ब्यबहार करंगे जैसे बे नेहात्तओ परमेश्वरके सम्मान करत हएं, पर बे परमेश्वरकी शक्तिके उनको खराब जीबनके बदलनसे इन्कार करंगे; बे आदमीनसे बच।

1 तिमोथी 6:11

पर हे तिमोथी, तए परमेश्वरको सेवा करन बारो आदमी हए, तोके जे सब चिजनके करनसे बचनके हए; पर तए परमेश्वरके अग्गु ठिक ठहिरन बाली बातमे, भक्तिमे, बिश्वासमे, प्रेममे, धिरजमे, नम्र होन बारो बातमे अपनो मन लगा।

1 तिमोथी 6:6

पर हमरे ताहीं जा अच्छो हए, कि हम बहे करएं, जो परमेश्वरके खुसी करत हए। और बामे सन्तुष्ट रहामएं जो बा हमके देतहए।

1 तिमोथी 6:3

अगर कोइ झुठी शिक्षाको उपदेश देतहए, और बहे साच्ची शिक्षामे सहमत नाए होत हएं, जो शिक्षा हमरे प्रभु येशू ख्रीष्ट दइ रहए। और बहे आदेश नाए मानत हएं जो आदेशसे प्रभु येशूको आदर होत कहेसे,

1 तिमोथी 3:16

बिना कोइ शंखाके हम जा बातके कहे सकत हएं कि, परमेश्वरसे प्रकट करेभए सन्देश पुरा रुपसे सच्चे हएं, अर्थात् ख्रीष्ट एक आदमीके रुपमे प्रकट भओ, बाके पबित्र आत्माके द्वारा परमेश्वरको लौंणाके रुपमे साबित करोगओ, स्वर्गदूत बाके देखीं, येशूसे चुनेभए चेला हर ठिहा बाके बारेमे जति-जातिनके अच्छो समाचार सुनाइं, संसार भरके आदमी बाके उपर बिश्वास करीं, और परमेश्वर बाके स्वर्ग उपर उठाए लैगओ।

1 तिमोथी 2:10

पर जाके अलाबा, उनके दुस्रे आदमीनके ताहीं अच्छे काम करके अपनएके सुथ्री बनानके घेन लगन पणत हए। काहेकी परमेश्वरको भक्ति करन बारी बैयरके ताहीं जहे अच्छो हए।

1 तिमोथी 2:2

राजनके ताहीं और बे सब आदमीनके ताहीं प्राथना करओ जो सरकारी अधिकारमे हएं, ताकी बे हमके शान्ति और सुरक्षासे रहानमे मदत करएं, ताकी हम परमेश्वरके आराधना करपामएं और दुस्रेनसे हमेसा ठिक ब्यबहार करएं।

2 थेसलोनिकी 3:5

हम प्राथना करत हएं, कि प्रभु येशू ख्रीष्ट तुमके जा सम्झनको लायक बनाबए, कि परमेश्वर तुमके कित्नो प्रेम करत हए। और तुम अइसे सहाओ, जैसे येशू ख्रीष्ट सही।

2 थेसलोनिकी 1:4

जहेमारे हम परमेश्वरको मण्डलीमे तुमर बारेमे घमण्ड करत हएं। अइसियए, तुम परीक्षासे हुइके जातहओ, तहुँफिर तुम धिरजसे सहात रहात हओ और तुम अभौफिर येशू ख्रीष्टमे बिश्वास करत हओ।