2 पतरस 1:1 - राना थारु नयाँ नियम

¹ मए सिमोन पत्रुस, तुमर ताहीं जा चिट्ठी लिखनडटो हओं, मए येशू ख्रीष्टको सेवक और चुनो भओ चेला हओं। मए तुम सबके लिखनडटो हओं, जौन हम सबके समान अनमोल बिश्वास प्राप्त करीहए। जा बिश्वास हमर परमेश्वर और मुक्तिदाता येशू ख्रीष्टद्वारा हमके दओगओ हए, जौन हमके परमेश्वर द्वारा धर्मी बनातहए।

परमेस्वर को सच्चो वचन

¹ सिमौन पतरस के घाँईं से, जो ईसु मसीह के सेवक और प्रेरित है, बे लोगन के ताहीं जिनकै हमरे परमेस्वर और उद्धारकर्ता ईसु मसीह के न्याय के जरिया हमरे हानी एक कीमती बिस्वास दौ गौ है।

2 पतरस 1:1 Referans Kwoze

तीतुस 2:13

हम अइसे ब्यबहार करत हएं, जब हम बेहीं अदभुत दिनको प्रतीक्षा कर रहे हएं, जोको हमके आसरा हए; बहे दिन जब प्रभु येशू ख्रीष्ट, जो हमर महान परमेश्वर और मुक्तिदाता हए, अपनो सारे महिमाके सँग पृथ्वीमे लौटके आबैगो।

तीतुस 1:4

मए जा चिट्ठी तीतसके लिखरहो हओं, जो मिर अपनो लौंणा कता हए, काहेकी बो येशू ख्रीष्टमे बिश्वास करत हए। दौवा परमेश्वर और हमर मुक्तिदाता येशू ख्रीष्टके घेनसे तोके अनुग्रह और शान्ति मिलतए रहाबए।

2 कोरिन्थी 4:13

पर हम परचार करन निरन्तरता देमंगे, काहेकी हम फिर पबित्र-शास्त्रको लेखक कता बिश्वास करे हएं, धर्मशास्त्रको लेखक कही रहए, “मए परमेश्वरमे बिश्वास करत हओं, जहेमारे मए बोलो।”

यूहन्ना 12:26

कोइ मिर सेवा करहए कहेसे बो मिर चेला बननके ताहीं मिर पिच्छु लागए, तओ जहाँ मए हओं हुवाँ मिर चेला फिर हुइहए। अगर कोइ मिर सेवा करहए कहेसे दौवा परमेश्वर बोके आदर करैगो।

रोमियों 1:12

मिर कहानको अर्थ जा हए, कि मए तुमके प्रोत्साहित करनमे मदत करपामओं और तुम मोके प्रोत्साहित करनमे मदत करपाबओ। तुम पक्को हुइ जाबैगे काहेकी तुम जनत हओ, कि मए कैसे बिश्वास करत हओं, और मए पक्को हुइ जांगो काहेकी मए जानत हओं, कि तुम कैसे बिश्वास करत हओ।

2 पतरस 1:4

और बाको महिमा और भलाइके कारण बा हमके बहुत बडो और अनमोल प्रतिज्ञा दइ हए। जे बरदान इस्तमाल करके हम जा संसारको खराब इच्छनसे बचपामंगे, जौन आदमीनके नष्ट करत हए और ईश्वरीय स्वभाबमे हम सहभागी होन सिकत हएं।

1 पतरस 1:1

मए पत्रुस येशू ख्रीष्टको चुनो भओ चेला हओं। मए जा चिट्ठी परमेश्वरके चुनेभए आदमीनके लिखनडटो हओं, जो परदेशी कता हुइके पोन्टस, गलातिया परदेश, कापाडोकिया परदेश, एशिया परदेश और एशिया परदेशको बिथिनिया गाउँके फरक-फरक सहरमे बैठत हएं।

इफिसियों 4:11

येशू मण्डलीनके जे जिम्मेबारी दइ: कोइके चुनेभए चेला होनके ताहीं चुनके, कोइके अगमबक्ता चुनके, कोइके अच्छो समाचार सुनान बारेनके चुनके और कोइके पास्टर और गुरु चुनके दइदइ।

रोमियों 1:1

मए पावल, येशू ख्रीष्टको सेवक हओं, और चुनो भओ चेला होनके ताहीं परमेश्वर द्वारा चुनो गओ हओं, और परमेश्वरको तरफसे अच्छो समाचारके परचार करनके ताहीं अलग करोगओ हओं।

लूका 1:47

और मए मिर उद्धार करन बारो परमेश्वरमे आनन्दित हओं,

1 पतरस 5:1

मए हुवाँके मण्डलीके अगुवनके फिर कुछु कहान चाँहत हओं। काहेकी मए फिर तुमर कता एक अगुवा हओं। मए अपनए ख्रीष्टके मिलो भओ दुखके बहुत समय अग्गु देखो हओं। जब बा फिरसे लौटके आबैगो, मए फिर बाके महिमामे साझेदार होमंगो। अब मए तुमके आग्रह करत हओं,

2 तिमोथी 1:5

मोके, तिर सच्चो येशू ख्रीष्टमे बिश्वासको सम्झना आत हए, जो पहिले तेरी दादी लोइस, और तेरी अइया युनिसमे रहए। और मोके बिश्वास हए, कि तोएमे फिर ख्रीष्टको बिश्वास हए।

फिलिप्पी 3:9

और मए परमेश्वरके सँग एकएमे रहिपामओं, नाएकी बो धार्मिकतासे जो मोशाको नियम कानुनसे हए। पर बहे धार्मिकतासे, जो ख्रीष्टमे बिश्वास करनको कारण हए, और परमेश्वरके घेनसे बिश्वास करनमे मिलत हए।

प्रेरित 15:14

परमेश्वर अपनए दया करके गैर-यहूदी आदमीनके मनमे काम करके बिनके अपनो आदमी होनके ताहीं चुनी। सिमोन पत्रुस जा बात हबए सम्झाइ हए।

मत्ती 10:2

बे बाह्र चुनेभए चेलन्को नाउँ जेही हएं, पहिलो पत्रुस कहान बारो सिमोन और बिनको भइया अन्द्रियास, जब्दियाके लौंणा याकूब और बिनको भइया यूहन्ना,

1 पतरस 2:7

तुम येशू ख्रीष्टमे बिश्वास करन बारेनके ताहीं जा पत्थर बहुत मुल्यवान हए, पर बामे बिश्वास नाए करन बारे आदमीनके बारेमे पबित्र-शास्त्र कहात हए कि, “जौन पत्थरके घर निर्माण करन बारे प्रयोग करनके इन्कार करीं बहे पत्थर घर बनात पेती बहुमुल्य पत्थर बनो हए।”

1 पतरस 1:7

जे समस्यान्को उदेश्य जा दिखानके ताहीं हए, कि तुम नेहात्तओ परमेश्वरमे भरोसा करत हओ। तुमर येशू ख्रीष्टमे बिश्वास सोनोसे जद्धा महिंगो हए। जैसे नाश होन बारो सोनो आगीसे जाँचो जातहए और शुद्ध बनाओ जातहए। अगर तुमर बिश्वास आगी कता परीक्षासे जँचके फिर मजबुत रहाबैगो कहेसे येशू ख्रीष्ट लौटके आन बारो दिनमे तुमके बहुत प्रसंसा, महिमा और सम्मान लाबैगो।

तीतुस 1:1

मए पावल, जा चिट्ठी तीतसके ताहीं लिखरहो हओं, जो परमेश्वरको दास और येशू ख्रीष्टसे चुनो भओ चेला हओं, मए परमेश्वरके चुनेभए आदमीको बिश्वासके मजबुत करनके ताहीं, और येशूको सत्य शिक्षा बुझानमे मदत करनके ताहीं चुनो गओ हओं। ताकी बे अइसे जीबन जीइमएं, जो परमेश्वरके खुसी करत हए।

फिलिप्पी 1:29

काहेकी परमेश्वर तुमके सिरफ ख्रीष्टमे बिश्वास करनके इकल्लो नाए, बल्कि दु:ख सहनके फिर अनुग्रह दइ हए, काहेकी तुम बामे बिश्वास करत हओ।

इफिसियों 4:5

हम सबएन्को एकए प्रभु हए, हम सब एकए शिक्षामे बिश्वास करत हएं और हम सबके एकए बप्तिस्मा मिलो हए।

इफिसियों 3:5

जा गुप्त योजना, बितोगओ पुस्तनके आदमीनके नाए बताओ गओ रहए, पर अब बा पबित्र आत्माके माध्यमसे अपने पबित्र चुनेभए चेला और अगमबक्तनके जा योजनाको खुलासा करी हए।

गलातियों 2:8

काहेकी परमेश्वर, जौन पत्रुसके खतना करेभए यहूदी समुहके आदमीनके बीचमे एक चुनो भओ चेला होनके ताहीं छानी। बो हमके फिर गैर-यहूदी आदमीनके बीचमे चुनेभए चेला होनके ताहीं छानी।

2 कोरिन्थी 5:21

ख्रीष्टमे पाप नाए रहए, परमेश्वरके नजरमे हम धर्मी बनन सिकएं कहिके ख्रीष्ट हमर पापको दण्ड लइ।

1 कोरिन्थी 15:9

काहेकी मए चुनेभए चेला मैसे सबसे कम महत्त्वपूर्ण हओं, और चुनो भओ चेला कहानको फिर लायक नाए हओं, काहेकी मए परमेश्वरको मण्डलीमे बिश्वासीनके सतात रहओं।

1 कोरिन्थी 9:1

जो कुछ मए करन चाँहत हओं, बोके करनके ताहीं मए स्वतन्त्र हओं। मए चुनो भओ चेला हओं, मए हमर प्रभु येशूके देखो हओं। तुम प्रभुके ताहीं बनाए गए मिर सेवाको परिणाम हओ।

1 कोरिन्थी 1:30

पर परमेश्वर तुमके येशू ख्रीष्टमे एकजुट बनाइ हए, और ख्रीष्टद्वारा परमेश्वर हमके अपनो बुद्धि दइ हए। परमेश्वर हमके अपनो नजरमे धर्मी फिर ठहिरात हए। ख्रीष्टके द्वारा हम सब पबित्र बनाए गए हएं, और बा हमके पापसे छुटकारा करत हए।

रोमियों 1:17

काहेकी अच्छो समाचारमे परमेश्वर हमके अपनी दृष्टिमे सही बनातहए। और जा पुरा रुपसे बिश्वास द्वारए आतहए। जैसे पबित्र-शास्त्रमे लिखो हए, “बो आदमी जो बिश्वासके द्वारा परमेश्वरमे धर्मी ठहिरो हए, बो जिन्दा रहाबैगो।”

यूहन्ना 20:21

येशू फिर बिनसे कही, “तुमके शान्ति मिलए! जैसी दौवा मोके संसारमे पठाइ हए, उइसीयए मए फिर तुमके पठाएरहो हओं।”

यूहन्ना 1:42

अन्द्रियास, सिमोन पत्रुसके येशूके ठिन ल्याइ। येशू बोके देखी और कही, “तुम यूहन्नाको लौंणा सिमोन हओ, देखओ तुम केफास (जौनक अर्थ हए, चट्टान) कहेजाबैगे।”

लूका 11:49

जहेमारे परमेश्वरको बुद्धि फिर कहात हए, कि मए बिनके ठिन परमेश्वरके अगमबक्तनके और चुनेभए चेलाके पठामंगो। उन मैसे कोइके मारङगे और कोइके सतामंगे।

मत्ती 4:18

एक दिन जब येशू गालील समुन्दरके ढाहोढाहो जात रहए। येशू, पत्रुस कहान बारो सिमोन और बोको भइया अन्द्रियासके समुन्दरमे जार डारत देखी, काहेकी बे मछरेहा रहएं।

फिलिप्पी 1:1

मए पावल, तिमोथीके सँगमे, ख्रीष्ट येशूके दासके रुपमे जा चिट्ठी फिलिप्पी सहरके मण्डलीके रेखदेख करन बारे अगुवा और मण्डलीके सेवक सहित सब परमेश्वरके आदमीनके ताहीं लिखनडटो हओं, जो ख्रीष्ट येशूसे सम्बन्धित हएं।

याकूब 1:1

मए याकूब, जा चिट्ठीके लिखरहो हओं। मए परमेश्वर और प्रभु येशू ख्रीष्टको सेवकके तरफसे बे इस्राएल देशके बाह्र कुल जो संसार भर बिग्दे हएं, बिनके नमस्कार।

यहूदा 1:1

मए यहूदा जा चिट्ठी तुमके लिखनडटो हओं। मए येशू ख्रीष्टको दास और याकूबको भइया हओं। मए जा चिट्ठी परमेश्वरमे बिश्वास करनके बाके द्वारा बुलाएभए आदमीनके लिखनडटो हओं। तुमके परमेश्वर हमर दौवा प्रेम करत हए और येशू ख्रीष्टमे सुरक्षित रक्खी हए।