2 कोरिन्थी 8:1 - राना थारु नयाँ नियम

¹ हे मेरे बिश्वासी ददाभइयओ, परमेश्वर माकेडोनिया परदेशके मण्डलीके बिश्वासीनके करोभओ अनुग्रहके बारेमे हम तुमके कहान चाँहत हएं।

परमेस्वर को सच्चो वचन

¹ मेरे भईय्यौ और बहेनियौ हम तुमकै परमेस्वर के बौ अनुग्रह की खबर देथैं जो मकिदुनिया की कलीसियन मैं भौ।

2 कोरिन्थी 8:1 Referans Kwoze

कलस्सी 1:29

जाके पुरा करनके ताहीं मए बहुत मेहेनत और संघर्ष करत हओं। बो शक्तिको प्रयोग करतए, जो शक्ति मोके ख्रीष्ट देतहए, और जौन शक्ति मोएमे काम करत हए।

1 थेसलोनिकी 4:10

और तुम पहिलीयएसे अपने सँगी बिश्वासीके उपर अपनो प्रेम दिखाए हओ, जो माकेडोनिया परदेशमे हर ठिहा रहात हएं, पर हे मेरे बिश्वासी ददाभइयओ, हम तुमसे बिन्ती करत हएं, कि प्रेममे औ बढतए जाओ।

1 कोरिन्थी 15:10

मए एक परमेश्वरसे चुनो भओ चेला बनोगओ काहेकी परमेश्वर मिर ताहीं दयालु रहए। और बाको अनुग्रह मेरे जीबनमे प्रभावशाली हए। पर मए अन्य चुनेभए चेलनसे जद्धा मेहेनत फिर करो तहुँफिर जा मेरे घेनसे नाए भओ पर परमेश्वरको अनुग्रहमे मोके बाको काम करनमे मदत करी।

प्रेरित 16:9

बहे रात पावल सपनामे प्रभुसे दर्शन पाइ। बो माकेडोनिया इलाकामे रहान बारो एक आदमी ठाणके अइसे बिन्ती करत देखी, “दया करके समुन्दर पार माकेडोनिया परदेशके इलाकामे आएदेओ और हमके मदत करओ।”

इफिसियों 3:8

तहुँफिर मए परमेश्वरके सब पबित्र आदमीनके ताहीं सबसे कम महत्वपूर्ण हओं। परमेश्वर, अनुग्रहके द्वारा मोके जा मौका दइ, कि मए गैर-यहूदीनके अच्छो समाचार परचार करपामओं कि ख्रीष्ट असिम आशिर्बादको स्रोत हए।

2 कोरिन्थी 9:2

काहेकी तुममे, देन बारी चीजमे कित्नो उत्सुकता हए कहिके मए जानत हओं। जाके बारेमे माकेडोनिया परदेशके बिश्वासीनके अग्गु तुमर गर्व करतए मए कहो रहओं, कि पोर सालसे तुम अखैया परदेशके आदमी तयारी कर रहेहओ। तुमर जोससे बिन मैसे बहुतसेनके जोसिलो बनाइ हए।

रोमियों 15:26

काहेकी माकेडोनिया परदेश और अखैया परदेशके आदमी अइसे करन एक अच्छी बात सम्झीं, कि जो यरूशलेम सहरमे पबित्र आदमी हएं और जो गरीब हएं उनके भेँटी देमएं।

प्रेरित 11:23

बारनाबास एन्टिओखिया सहरमे पुगके और परमेश्वरको अनुग्रह देखके बहुत खुसी भओ। बारनाबास बे आदमीनसे प्रभुप्रती पुरा मनसे बिश्वासी भए रहियओ कहिके उत्सहा दइ।

2 कोरिन्थी 11:9

तुमर सँग रहत पेती जब मोके रुपैयाको अभाव पणो रहए मए कोइको बोझ नाए भओ, काहेकी माकेडोनिया परदेशसे आएभए बिश्वासी ददाभइया मिर अभाव पुरा करदइं। तभीमारे कोइ किसिमसे तुमर उपर बोझ पणहए कि कहिके मए अपनएके रोको, और पिच्छु आन बारो दिनमे फिर रोकंगो।

2 कोरिन्थी 9:12

काहेकी तुमर दानसे ख्रीष्टको पबित्र जनको खाँचो पुरा होबैगो। इत्कए इकल्लो नाए बल्कि जासे परमेश्वरके लगातार धन्यबाद चढाओ जाबैगो।

2 कोरिन्थी 9:4

अगर माकेडोनिया परदेशके कुछ बिश्वासी मिर सँग आए और तुम उपहारके रुपमे रुपैया नाए दइपाए कहेसे तुमर बिश्वास लायकता द्वारा हम सरममे पणजामंगे, पर तुमके फिर बहुत सरम लगैगो। काहेकी हम तुमर उपर बहुत भरोसा करे रहएं।

प्रेरित 24:17

बहुत बर्ष पिच्छु अपन गरीब आदमीनके ताहीं दान और परमेश्वरके ताहीं बलिदान चढानके यरूशलेम सहरमे आओ रहओं।

मत्ती 25:22

दुई सिक्का पान बारो फिर आएके कही, ‘हे मालिक तुम मोके दुई सिक्का दएरहओ। देखओ, मए और दुई सिक्का कमाओ हओं।’