2 कोरिन्थी 6:1 - राना थारु नयाँ नियम

¹ हम परमेश्वरए सँग काम करत हएं और जहे हैसियतसे तुमके बिन्ती करत हएं, तुम परमेश्वरको अनुग्रह पाएके अब बो व्यर्थ होन मतदेओ।

परमेस्वर को सच्चो वचन

¹ परमेस्वर के सहकर्मी होन की बजह से हम तुमकै जौ समझाथैं, कि परमेस्वर की दया जो तुमरे ऊपर है, बाकै बेकार मत जान दियौ।

2 कोरिन्थी 6:1 Referans Kwoze

हिब्रू 12:15

साबधान रहाओ, कि कोइ फिर आदमी परमेश्वरको अनुग्रह पानसे नाए छुटए ताकी तुमर बीचमे समस्या नाए आए। काहेकी अइसे आदमी तुमके बहुत जनैनके भ्रष्ट बनाए देत हए।

1 कोरिन्थी 3:9

काहेकी हम परमेश्वरको सेवामे मदत करन बारे आदमी हएं; और तुम कोरिन्थीके बिश्वासी एक खेत कता हओ, जो परमेश्वरको हए। और मए तुमर तुलना एक घरसे कर सकत हओं, जोके परमेश्वर बनाए रहो हए।

1 पतरस 4:10

हर आदमी परमेश्वरसे बरदान पाइहए और बे बो बरदान औरेनके मदत करन प्रयोग करन पणत हए। बे अपनो बरदानके परमेश्वरके दास कता अच्छेसे प्रयोग करन पणत हए।

गलातियों 2:21

मए जा बातके इन्कार नाए करपामंगो, कि परमेश्वर हमके अपनो अनुग्रहके कारण हमके बचाइ, काहेकी अगर आदमी पबित्र-शास्त्रको पालन करके धार्मिकताके पैते तओ ख्रीष्टके मरन नाए पणतो।

हिब्रू 12:25

होसियार रहाबओ, और परमेश्वरको बात मानओ जौन तुमसे बोलत हए। काहेकी अगर पृथ्वीमे चेतावनी देन बारो मोशाके इन्कार करन बारे इस्राएल देशके आदमी परमेश्वरको दण्डसे नाए बचे कहेसे, स्वर्गसे चेतावनी देन बारो परमेश्वरके सुननसे इन्कार करे कहेसे हम नेहात्तओ बो दण्डसे नाए बचपामंगे।

रोमियों 12:1

तभीमारे ए मेरे ददाभइयओ, हमर ताहीं परमेश्वरको बडो कृपाके कारण मए तुमसे बिन्ती करत हओं, कि तुमर आत्मिक उपासनाके रुममे अपने जीबनके पबित्र और परमेश्वरको मनको बलिदान चढाओ; जहे तुमर परमेश्वरको सेवा करनके सच्चो तरिका हए।

गलातियों 3:4

का तुमर सब दु:ख बेकार हुइगए? मए नेहात्तओ आसरा करत हओं, कि जा बेकार नाए होए।

प्रेरित 14:3

तहुँफिर पावल और बारनाबास बो सहरमे बहुत दिनतक बैठे। और प्रभुके भरोसामे सहासके साथ बात करत रहएं: और बा उनके हातसे करेभए चिन्हा और चमत्कारको काम कर्बाएके बे साबित करीं, कि जा अनुग्रहके बारेमे उनको सन्देश सच्चो रहए।

तीतुस 2:11

बिश्वासीनके अइसे करके सिखा, काहेकी परमेश्वर सब आदमीनके पापसे उद्धार पानको डगर दिखाएके अपनो अनुग्रह दिखाइ हए।

मत्ती 23:37

“यरूशलेम सहरके आदमी, हे यरूशलेम सहर! तए जौन अगमबक्तनके मारडारो हए, और तेरे ठिन पठाए भएनके तए पत्थरसे मारत हए, बहुत चोटी मए चाँहत रहओं, जैसी मुर्गी अपन बच्चानके डख्माके तरे सुरक्षा करत हए, उइसी मए फिर तिर बालकनके बटोरनके इच्छा करो, पर तए नाए चाहो।

2 कोरिन्थी 10:1

मए पावल, तुमर अग्गु नम्र हओं, पर जब दुर होत हओं तओ तुमर ताहीं सहासी होत हओं! ख्रीष्टको नम्रता और दयामे मए तुमसे बिन्ती करत हओं।

प्रेरित 11:23

बारनाबास एन्टिओखिया सहरमे पुगके और परमेश्वरको अनुग्रह देखके बहुत खुसी भओ। बारनाबास बे आदमीनसे प्रभुप्रती पुरा मनसे बिश्वासी भए रहियओ कहिके उत्सहा दइ।

1 थेसलोनिकी 3:5

तभीमारे जब मए जा जाने बिना रहो, कि तुम कैसे हओ, तओ परीक्षा करन बारो शैतान तुमर परीक्षा त नाए करी होए, और अइसो हुइहए कहेसे हमर मेहेनत बेकार हुइ जाबैगो कहिके मिर मनमे डर रहए। और अइसे नाए होए कहिके मए तिमोथीके तुमर बिश्वासको हाल जाननके ताहीं तुमर ठिन पठाओ हओं।

हिब्रू 4:1

परमेश्वर हमके प्रतिज्ञा करीहए, कि हम विश्रामको ठाउँमे जामंगे। जहेमारे होशियार रहाबओ, तुमर मैसे कोइ फिर प्रतिज्ञा करोभओ विश्रामके ठाउँमे जानके नाए छुटए।