2 कोरिन्थी 4:4 - राना थारु नयाँ नियम

⁴ और जा संसारको देवता, शैतान बे गैर-बिश्वासीनको बुद्धिन्के अन्धरा बनाए दइ हए, ताकी बे ख्रीष्टको महिमाके बारेमे अच्छो समाचारसे आओ भओ ज्योति देख पामएं, जौन परमेश्वर कैसो हए कहिके दिखात हए।

परमेस्वर को सच्चो वचन

⁴ और बे अविस्वासिन के ताहीं, जिनकी अकल जौ युग को भगवान अंधरा कर दई है, ताकी मसीह जो कि परमेस्वर को रूप है, बाके उजीते सुसमाचार को उजीतो उनके ऊपर नाय चमकै।

2 कोरिन्थी 4:4 Referans Kwoze

यूहन्ना 12:40

“परमेश्वर उनकी आँखीनके अन्धरा करदइ, ताकी बे नाए देख पामएं, और बिनको मन कठोर करदइ, ताकी बे समझ नाए पामएं। नत बे मिर घेन घुमजैते और मए उनके चंगाइ करदेतो।”

2 कोरिन्थी 3:14

और उनको मन कठोर हुइगओ रहए, काहेकी आजको दिनतक पुरानो करार पढत पेती बो घुँघट रहिरहाबैगो। बो घुँघट ख्रीष्टमे बिश्वास करनके द्वारा इकल्लो हटत हएं।

प्रेरित 26:18

ताकी बिनको आँखी खुलए, और बिनके अन्धयारोसे उजियारोमे और शैतानको शक्तिसे परमेश्वर घेन घुमाए पाबए। तओ बे परमेश्वर घेनसे पाप क्षमा पामंगे और मिर उपर बिश्वास करके बे परमेश्वरके चुने भए जनके सँग संगतीमे बैठन पामंगे।’

1 यूहन्ना 5:19

हम जानत हएं, हम परमेश्वरके सन्तान हएं, और सारा संसार बो शैतानके कब्जामे पणो हए।

2 कोरिन्थी 4:6

जहेमारे कि परमेश्वर कही, “अँध्यारोसे ज्योति चमकए।” और बहे परमेश्वर हमर हृदयमे ज्योति जैसो हमके समझ दइ, ताकी हम परमेश्वरको महिमाके देख पामएं जो येशू ख्रीष्टमे प्रकट होत हए।

इफिसियों 2:2

बो समयमे तुम जा संसारके आदमीनको तरिकाके पालन करत रहओ जो परमेश्वरके नाए जानत हएं और तुम शैतानको आज्ञापालन करत रहओ, अर्थात् बहे प्रधानके जो बादरमे दुष्टआत्मनमे शासन करत हए। जो अभौफिर बे आदमीनके कब्जामे करनके कोसिस कररहो हए जो परमेश्वरको आज्ञापालन नाए करत हएं।

इफिसियों 6:12

काहेकी हमर जा युद्ध आदमीनके बिरुद्ध नाए लडरहे हएं पर अधिकारीन्से और जा संसारके अन्धकारके सासकन्से और खराब आत्मिक शक्तिन्से हए, जो बादरमे हए।

यूहन्ना 12:31

अब येशूके द्वारा जा संसारको सासक शैतानकी शक्तिके न्याय करनको समय आइगओ हए।

यूहन्ना 8:12

येशू फिरसे आदमीनके शिक्षा देतए कही, “मए बहे हओं, जो संसारके उजियारो देत हए। मेरे पिच्छु लगन बारेनके कभु फिर अँध्यारोमे नेगन नाए पणैगो, बल्कि बे बो उज्यारोके पामंगे जौन जीबन देतहए।”

यूहन्ना 12:35

येशू बिनसे कही, “हबए थोरी देरतक उजियारो (येशू) तुमर सँग हए। उजियारो तुमरे सँग रहानतक तुम नेँगघुम करओ, ताकी अंधियारो तुमके नाए तोपए। अगर कोइ अंधियारोमे नेँगघुम करत हए कहेसे, बो नाए जान्त हए, कि बो कहाँ जाएरहो हए।

यूहन्ना 14:30

मेरे ठिन तुमसे बात करनके ताहीं जद्धा समय नाए हए, काहेकी संसारको सासक शैतानको शक्ति आनडटो हए। और बोको शक्ति मोके कुछु नाए कर्पएहए।

2 कोरिन्थी 3:18

हम सब दर्पन जेसो घुँघट नाए भओ अनुहारमे प्रभुको महिमा दिखात हएं। परमेश्वर हमके बहुतए-बहुत बडो महिमामे अपनुवए कता बनाए रहो हए। जा प्रभुको काम हए, जौन पबित्र आत्मा हए।

कलस्सी 1:27

बिनके सब गैर-यहूदीनके ताहीं धरो भओ बडो रहस्यकी बातके खोलदेनो परमेश्वरको योजना हए। रहस्य ख्रीष्ट अपनए हए, जो तुमर भितर हए। ख्रीष्टको महिमाके ताहीं हमर सिरफ एकए आसरा हए।

कलस्सी 1:15

कोइ परमेश्वरके नाए देख पातहए, पर जब परमेश्वरको लौंणा आदमी बनो, बा आदमीनके परमेश्वरके अग्गु प्रकट करी। और परमेश्वरसे सृष्टि भओ सब चीजके उपर बाके ठिन सबसे बडो अधिकार हए।

1 यूहन्ना 2:8

तहुँफिर मए तुमके नयाँ आज्ञा लिखत हओं, काहेकी जाको सच्चाई ख्रीष्टमे और तुममे फिर दिखाइ देतहए, काहेकी दुष्ट मिटरहो हए, और सच्चो उजियारो अच्छो और सिद्ध कता चमक रहोहए।

फिलिप्पी 2:6

बा परमेश्वर हुइके फिर बा परमेश्वरके बराबर होन बारो बातके अपने पकणी रहान बारो चीज जैसो नाए सम्झी।

यूहन्ना 1:14

जोके बचन कहोजात हए, बो एक आदमीके रुपमे आओ, और अनुग्रहसे और सत्यसे भरिपूर्ण हुइके हमर बीचमे बास करी। और हम बाको अइसो महिमा देखे, जौन महिमा दौवाको एक लौंणाके इकल्लो रहात हए।

हिब्रू 1:3

बा परमेश्वरको महिमाको प्रतिबिम्ब और परमेश्वर जैसो स्वभाबको सित्माओंको प्रतिरुप हए, और सब बिश्वके अपन शक्तिशाली बचनसे सम्हारत हए। जब ख्रीष्ट आदमीनको पापके क्षमा करोजाए कहिके अपन काम खतम करी, तओ जाएके बा महिमित परमेश्वरको दहिना हात घेन स्वर्गमे उच्च आदरको ठाउँमे बैठिगओ।

तीतुस 2:13

हम अइसे ब्यबहार करत हएं, जब हम बेहीं अदभुत दिनको प्रतीक्षा कर रहे हएं, जोको हमके आसरा हए; बहे दिन जब प्रभु येशू ख्रीष्ट, जो हमर महान परमेश्वर और मुक्तिदाता हए, अपनो सारे महिमाके सँग पृथ्वीमे लौटके आबैगो।

यूहन्ना 16:11

सल्लाहकार पापके बारेमे याद दिलाबैगो जाकेमारे, कि परमेश्वर पहिलीयएसे संसारको सासक शैतानकी शक्तिके दोषी ठहिराए डारी हए।”

2 पतरस 1:19

जहेमारे हम अगमबक्तनके द्वारा लिखेभए पबित्र-शास्त्रमे औ जद्धा भरोसा करत हएं। अगर तुम जा सन्देशमे ध्यान दए कहेसे तुम अच्छो काम करैगे, काहेकी जा सुबेरे नाए होनतक अन्धकारमे चमकतए रहान बारो दिया कता हए, और सुबेरेको तारा संसारमे ज्योति लाओ कता, ख्रीष्टको ज्योति तुमर हृदयमे चम्कैगो।

2 कोरिन्थी 3:11

काहेकी अगर नियम कानुनमे कुछ समयके ताहीं महिमा रहए कहेसे, सदाके ताहीं रहिरहान बारो नयाँ करारमे झन कित्नो बडो बहिमा होबैगो।

1 कोरिन्थी 10:20

नाए! बिरकुल नाए! बस जा, कि जौन चीजके ताहीं आदमी मूर्तिनके बलि चढात हएं, बे परमेश्वरके ताहीं नाए, बल्कि भुतके ताहीं चढात हएं। और मए नाए चाँहत हओं, कि तुम भुतनके सँग सामिल होओ।

यूहन्ना 12:45

और जौन मोके देखत हए, बो मोके पठान बारो परमेश्वरके देखत हए।

यूहन्ना 15:24

अगर कोइ नाए करपान बारो चमत्कार काम, मए बिनके बीचमे नाए करतो कहेसे बे पापके दोषी नाए हुइते। पर मिर करोभओ अचम्मोको काम देखेके फिर बे मोके और मिर दौवाके समेत हेल्हा करत हए।

यूहन्ना 1:18

परमेश्वरके कोइ कभु नाए देखिहएं। बाको एक लौंणा इकल्लो बाके देखी, हए जो परमेश्वर कता हए। और जो परमेश्वरके ढिँगै हएं, परमेश्वर बहे लौंणाके प्रकट करी हए।

1 तिमोथी 1:11

जा सही शिक्षा हमर अदभुत परमेश्वरको महिमाके बारेमे अच्छो समाचारसे सहमत होत हए, जौन मोके परचार करनके जिम्मा दइ हए।

मत्ती 13:22

काँटोमे बुए भए बिज बेही हएं, जौन बचन सुनत हएं, पर जीबनको आवश्यकताके चिन्ता करत हएं, धनी बननके ताहीं और दुस्रो चीज पानके लालचमे बे मुरख बन्जात हएं तभीमारे परमेश्वरको बचन बे भुल जात हएं और अपन जीबन उइसे नाए जीइत हएं जैसे परमेश्वर चाँहत हए।

प्रेरित 26:23

अगमबक्ता कहिडारी रहएं, कि ख्रीष्टके दुख भोगके मरन पणैगो, बा मरे भए मैसे जिन्दा होनमे सबसे पहिलो होबैगो और बा यहूदी और गैर-यहूदीनके परचार करैगो कि बे मुक्ति पाए सकत हएं।”

2 कोरिन्थी 2:11

ताकी शैतान हमर उपर मौका नाए पाबए, काहेकी हमके पाप करन लगान बारो सबए योजना बोके पता हए।

2 कोरिन्थी 2:12

ख्रीष्टको अच्छो समाचार परचार करन त्रोआस सहरमे आत पेती परमेश्वर मोके अच्छो समाचार परचार करन बडो मौका दइ रहए।

गलातियों 1:4

हमर दौवा परमेश्वरकी इच्छाके अनुसार ख्रीष्ट येशू अपनए हमरे पापके ताहीं बलि हुइगओ, ताकी हम जा बर्तमान संसारके आदमीनके खराब प्रभावसे बचे रहिपामएं।

हिब्रू 6:4

जौन अपनो बिश्वास छोडत हए, बिनके फिरसे पश्‍चताप करनको अवस्थामे नाए लाओजाए सकत हए। बे एकचोटी परमेश्वरको सच्चाईके चिनहीं, और स्वर्ग मैसे बरदान पाइं। और बे दुस्रे जनैनके सँग पबित्र आत्मा पाइगए हएं।

1 यूहन्ना 2:11

पर जौन अपन भइयाके हेल्हा करैगो, बो दुष्ट जीबन जीइ रहो हए, और दुष्टमे चलरहो हए। और बो नाए जानत हए कि बो कहाँ जाएरहो हए, काहेकी दुष्ट बोके अन्धरा करदइ हए।