Biblia Todo Logo
Bib sou entènèt

- Piblisite -




2 कोरिन्थी 13:5 - राना थारु नयाँ नियम

5 तुम बिश्वासमे पक्के हओ कि नाए हओ कहिके अपनए-अपनएके जाँचके देखओ। अपनएके जाँचओ, कि तुमर बिश्वास सच्चो हए कि नाए हए। जाँचमे असफल नाएभए कहेसे येशू ख्रीष्ट तुमरमे हए करके तुमके पता होन रहए!

Gade chapit la Kopi

परमेस्वर को सच्चो वचन

5 अपने आपकै परखौ, कि बिस्वास मैं हौ कि नाय हौ। अपने आपकै परखौ। का तुम अपने बारे मैं जौ नाय जानथौ, कि ईसु मसीह तुम मैं है? नाय तौ तुम निकम्मे निकरे हौ।

Gade chapit la Kopi




2 कोरिन्थी 13:5
50 Referans Kwoze  

जहेमारे पहिले आदमी अपनो ब्यवहारके जाँचए और जहे रितिसे जा कटोरा मैसे अंगुरको रसा पिबए


मए अपनो शरीरके काबु करत हओं, ताकी मए दुस्रेनको खराब अभिलाषन्के अनुसार नाए चलओं। कहुँ अइसो नाए होए, कि मए जो दुस्रेनके अच्छो समाचारको परचार करत हओं, और मए अपनए इनाम नाए पामओं।


जहेमारे याद कर, कि तए सुरुवातमे मोसे कैसे प्रेम करत रहए, और अब तए मोसे उइसे प्रेम नाए करत हए। जहे बातमे पाप करन छोडके परमेश्वर घेन घुम, और मोसे अइसीयए प्रेम करन सुरु कर, जैसे तए सुरुवातमे मोके प्रेम करत रहए। अगर तए नाए बदलैगो, तओ मए तिर ठिन आमंगो और जहाँ तिर दिया धरो हए, बोके हुवाँसे हटाएके तोके दण्ड देमंगो।


हर आदमी अपनो कामके जाँच करएं, कि “का हम अच्छे हएं?” अगर बो अच्छो काम करीहए, कहेसे बो अपनो काममे घमण्ड कर सकत हए। पर बोके अपनो कामको तुलना दुस्रे आदमीनसे नाए करन चाहो।


साबधान रहाओ, कि कोइ फिर आदमी परमेश्वरको अनुग्रह पानसे नाए छुटए ताकी तुमर बीचमे समस्या नाए आए। काहेकी अइसे आदमी तुमके बहुत जनैनके भ्रष्ट बनाए देत हए।


जहेमारे, हम पहिले अपनो ब्यवहारको जाँच करत हएं, तओ प्रभु हमके दण्डित नाए करैगो।


बे झुठे गुरु कहात हएं, कि हम परमेश्वरके जानत हएं, पर उनको ब्यबहार स्पष्ट रुपसे दिखात हए, कि बे परमेश्वरके नाए जानत हए, काहेकी बे घिनौने और आज्ञा नाए मानन बारे हएं, और बे कुछ अच्छो करनके लायक नाए हएं।


जा अइसो रहए, जैसे मए ख्रीष्टके सँग क्रूसमे मरीगओ, और अब मए जिन्दा नाए हओं, पर ख्रीष्ट मोएमे जीइत हए; जैसे मए अब जिइरहो हओं। अब मए परमेश्वरको लौंणामे भरोसा करके जीइ रहो हओं, जो मोसे इतनो जद्धा प्रेम करत हए, कि बा मेरे ताहीं अपनी ज्यान दइदइ।


येशू बाके जबाफ दइके कही, “जौन मोके अपनए कता प्रेम करैगो, बो मिर बचनको शिक्षाके पालन करैगो कहेसे मिर दौवा बाके प्रेम करैगो, और हम बोके ठिन आमंगो, और बोके सँग रहामंगे।


अगर ख्रीष्ट तुममे हए कहेसे आत्मा तुमके जीबन देबैगो, काहेकी तुमर शरीर पापके कारणसे मरेसे फिर तुम परमेश्वरसे धर्मी ठहिरैगे।


परमेश्वर हमके प्रतिज्ञा करीहए, कि हम विश्रामको ठाउँमे जामंगे। जहेमारे होशियार रहाबओ, तुमर मैसे कोइ फिर प्रतिज्ञा करोभओ विश्रामके ठाउँमे जानके नाए छुटए।


उइसीयए हमके बे सब कुछ करन चाहो जोमे हम परमेश्वरके खुसी कर सकत हएं। ताकी हम बो इनाम पाए सकएं, जो परमेश्वर भबिष्यमे देबैगो।


निश्चित रुपसे तुम जानत हओ, कि तुम अपनए परमेश्वरके मन्दिर हओ, और परमेश्वरको पबित्र आत्मा तुममे बास करत हए।


तुम मोएमे रहाओ, और मए तुमरमे रएहओं। जैसी अंगुरको हँगा रुखामे नाए रहिके फरा नाए फराए पातहए, उइसीयए तुम फिर अगर मोएमे नाए रएहओ कहेसे तुम फिर कुछु नाए करपए हओ।”


बुढे मनै अपनए-अपनएके नियन्त्रण करपान बारे होन पणतहए, अइसो ब्यबहार करनके चाहो ताकी आदमी बोके सम्मान करएं, और दुस्रे जनैनसे समझदारसे ब्यबहार करन बारो होन पणतहए। परमेश्वरमे उनको बिश्वास मजबुत होन पणतहए, दुस्रे आदमीनसे सच्चाईसे प्रेम करन बारो होन पणतहए और सहनको क्षमता होन पणतहए।


तुमके अपने दिलन्मे मजबुत होनचाहो, ताकी जब तुम ख्रीष्टमे बिश्वास करओ तओ बा तुमर दिलमे रहाए। मए प्राथना करत हओं, कि परमेश्वरके ताहीं और एकदुस्रेके ताहीं तुमर प्रेम तुमके मजबुत बनाबए और तुमके गिरनसे बचाबए।


मए तुमर बारेमे बिनके परचार करो हओं, और करतए रहामंगो। और बतातए रहामंगो, कि जो प्रेम तुमके मोसे रहए। बिनको प्रेम मोएमे रहाबए और मए बिनमे रहामओं।”


मए बिनमे, और तुम मोएमे हओ। जहे रितिसे बे फिर पुरा रुपसे एक होमएं। तुम्ही मोके पठाए, और जैसी तुम मोके प्रेम करे, उइसी बिनके फिर प्रेम करत हओ कहिके संसारके आदमी जान पामएं।”


हे बिश्वासीघाती आदमी, का तुम नाए जानतहओ, कि जा संसारके चीजके सँग सँगत करनो परमेश्वरके दुश्मन बनानो हए? जहेमारे जोकोइ संसारके सँगी होनके चाँहत हए, बो अपनएके परमेश्वरको दुश्मन बनात हए।


ख्रीष्टमे तुमर बिश्वास एक रुखा कता होन पणत हए, जोको जर बहुत गहिरो तक अँदो होत हए। याफिर एक अइसो घर कता होए, जौन एक मजबुत जगमे बनोगओ रहात हए। अपन बिश्वासमे मजबुत बने रहाबओ जैसो तुमके सिखाओ गओ रहए, और रोजदिन धन्यबाद देतए रहाओ।


बिनके सब गैर-यहूदीनके ताहीं धरो भओ बडो रहस्यकी बातके खोलदेनो परमेश्वरको योजना हए। रहस्य ख्रीष्ट अपनए हए, जो तुमर भितर हए। ख्रीष्टको महिमाके ताहीं हमर सिरफ एकए आसरा हए।


तुमर बिश्वास ख्रीष्टमे मजबुत होन पणैगो, जैसेकी एक घर बलियो जगमे बनो होतहए। जो हमरे सँग आसरा हए, और जो अच्छो समाचारमे हम बिश्वास करत हएं, बो आसराके मत् छोडओ, जौनके बारेमे बादरके तरे भए सबके परचार करोगओ हए, और मए पावल, जहे अच्छो समाचार सुनान बारो सेवक भओ हओं।


मेरे छोटे बालका, जौनके मए प्रेम करत हओं, मए तुमर मारे कठिनाइसे गुजर रहो हओं, जैसे कि मए फिरसे तुमके जनम दइ रहो हओं, और मए तबतक जा कठिनाइसे गुजरतए रहामंगो, जबतककी तुम ख्रीष्टके बरोबर नाए बन्जाओ।


मूर्तिनसे परमेश्वरको मन्दिरसे का सम्बन्ध? काहेकी हम जीवित परमेश्वरके मन्दिर हएं, जैसे परमेश्वर पबित्र-शास्त्रमे कही हए, “मए बे आदमीनके सँग रहामंगो, और उनके बीचमे नेँगघुम करंगो; और मए उनको परमेश्वर होमंगो, और बे मेरे आदमी होमंगे।”


तुम जरुर जानत हओ, कि तुमर शरीर मन्दिर हए जोमे पबित्र आत्मा रहात हए; जो तुममे बास भओ हए और तुमके परमेश्वरके घेनसे मिलो हए, और तुम परमेश्वरके हओ।


नेहात्तओ तुम जानत हओ, कि भबिष्यमे परमेश्वरके पबित्र आदमी जा संसारके आदमीनके न्याय करंगे। और जब तुम संसारके आदमीनको न्याय करत हओ कहेसे का तुम अपन बीचमे भए छोटे-छोटे मामलाके फैसला करन योग्यके नाए हओ?


मिर शरीर खान बारो और मिर बलिदानको खुन पिन बारो मोएमे रएहए, और मए बोमे रएहओं।


येशू फिलिपके जाँच करन ताहीं कही रहए, काहेकी बा जो करन जात रहए, बोके बारेमे बक पता रहए।


तुमर मजबुत बिश्वाससे तुमके शैतानके बिरोध करन पणत हए। याद करओ, कि संसार भर रहान बारे आदमी फिर अइसियए कष्टको अनुभव करन पडरहो हए।


औरे आदमी बो जमीन जैसे हएं, जौन काँटो और सेहुँर जमात हएं और बो जमीन बेकार होत हए। बो जमिनमे त परमेश्वरको सराप पणन डर होत हए और जा आगीसे नष्ट हुइजए हए।


तुम जरुर जानत हओ, कि तुमर शरीर ख्रीष्टको अंग हए। तओ का आदमी ख्रीष्टको एक अंग लैके, जाके वेश्यके सँग जोडन चाहो? नाए! बिरकुल नाए!


और बे परमेश्वरको सच्चो ज्ञानके स्वीकार करनके ठिक नाए मानीं, जहेमारे परमेश्वर फिर बिनके बे सब गलत काम करनके ताहीं बिनको गलत बिचारमे छोड दइ।


क्रेट टापूके आदमीनके बारेमे जे बात अभौफिर जा गवाही सच्चो हए, जहेमारे बिनके कर्रेसे चेतावनी दे, ताकी बे येशू ख्रीष्टके बारेमे सच्चो शिक्षामे बिश्वास करएं।


जे झुठे गुरु ख्रीष्टके बारेमे सच्चो सन्देशके घोषणा करनसे रोकनको कोसिस करत हएं, जैसे यान्नेस और याम्ब्रेस मोशाकी बिरोध करी रहएं। उनकी दिमाग भ्रष्ट हएं और बे नेहात्तओ ख्रीष्टमे भरोसा नाए करत हएं।


पर परमेश्वर बालकाके जनम देनके द्वारा बैयरनके बचाए लेबैगो, जब तक बे लगातार ख्रीष्टमे बिश्वास करतए रएहएं, एकदुस्रे आदमीसे प्रेम करत रएहएं, और शुद्ध और ठिक तरिकासे ब्यबहार करतए रएहएं।


Swiv nou:

Piblisite


Piblisite