2 कोरिन्थी 12:21 - राना थारु नयाँ नियम

²¹ कहुँ अइसो नाए होए, कि जब मए घुमके आमंगो, मिर परमेश्वर मोके अपमान करए। और मोके बहुत आदमीनके ताहीं शोक करन पडए जौन पहिले पाप करी रहएं, और अपना करोभओ अशुद्धता, व्यभिचार और छाडापनसे पाप करन छोडके परमेश्वर घेन नाए घुमी हुइहएं।

परमेस्वर को सच्चो वचन

²¹ और कहूँ ऐसो नाय होबै कि मेरो परमेस्वर मोकै फिर से तुमरे झोने आन ताहीं जबरजत्ती करै, और मोकै भौतन के ताहीं फिर से दुखी होन पड़ै, जो पहले पाप करीं रहैं और असुद्ध काम, व्यभिचार और लुचपन से, जो कि बे करीं, मन नाय बदलीं।

2 कोरिन्थी 12:21 Referans Kwoze

कलस्सी 3:5

जहेमारे बो खराब काम करनके छोडदेबओ, जो तुमर पापी स्वभाबसे जुडे हएं और जो पृथ्वीमे हएं, जैसेकी व्यभिचार, अशुद्धता, कामुकता, खराब इच्छा। और लालची मतबनओ, जो मूर्तिपुजा करो कता हए।

गलातियों 5:19

तुम सब जानत हओ, कि जो आदमी अपनी इच्छनके पिच्छु चलत हएं, बे जेहिं काम करत हएं, बे व्यभिचार करत हएं, अशुद्ध सोच-बिचार करत हएं, छाडा होत हएं।

1 कोरिन्थी 5:1

मए आदमीनके तुमर बारेमे जा कहात सुनो हओं, कि तुमर मण्डलीमे तुम मैसे कुछ आदमी व्यभिचारमे लागे हएं। जो आदमी परमेश्वरके नाए जानत हएं, बिनमे फिर अइसो व्यभिचार नाए होत हए। कोइ त अपनो सौतिया अइयाके बैयर करलै हए।

प्रकाश 22:20

येशू जे सब बचनको गवाही देतहए, और बा कहात हए, “नेहात्तओ, मए जल्दीए आएरहो हओं।” मए यूहन्ना जबाफ दओ “आमेन! हे प्रभु येशू आबओ।”

प्रकाश 22:15

पर गलत काम करन बारे, मन्तुर करन बारे, व्यभिचार करन बारे, हत्या करन बारे, मूर्ति पुजन बारे और ठगन बारे कभी फिर बो सहरमे नाए घुसपामंगे।

प्रकाश 21:8

पर जोकोइ मिर उपर बिश्वास नाए करत हए, उनके पज्रत आगीमे और गन्धकमे फेँकदओ जाबैगो, जोकी दुस्री मृत्यु हए। और जहे हालत उनको फिर होबैगो, जौन आदमीनके अग्गु मोके स्वीकार करनसे डरात हएं, खराब काम करत हएं, जो हत्या करत हएं, व्यभिचार करत हएं, जादु करत हएं, और मूर्तिनको पुजा करत हएं या ठगत हएं।”

यहूदा 1:23

औरेनके, न्यायको आगीसे तानके बचाओ। औ आदमी हएं, जौननके तुमके दया दिखानके जरुरी हए, पर सँगए-सँग होसियार फिर होनके हए। बिनको पापमय अभिलाषासे उनको लत्ता अपबित्र बनोगओ सोँचके तुमके उनको सब लत्ता घृणा करन पणैगो।

यहूदा 1:7

जे इस्राएली और शैतानके दूतनकता सदोम और गमोरा सहरनमे और जिनको ढिँगैको सहरनमे बैठन बारे आदमीनमे भओ बात सम्खओ। आदमी अनैतिक भए रहएं, और सबए मेलके व्यभिचारसे भरे रहएं। जहेमारे परमेश्वर बिनके कभी फिर अन्त नाए होन बारो आगीसे भसम करदइ। बिनके सँग भओ बात, झुठे गुरुनके ताहीं चेतावनी भओ हए, कि बिनके फिर अनन्त आगीसे सजाय दओ जाबैगो।

2 पतरस 2:18

जब बे आदमीनके सिखात हएं तओ बे बिना कामके और गर्बके सब्द इस्तमाल करत हएं। बे आदमीनके, अपन शरीरके चाहो भओ लाज लगन बारो काम करन सिखात हएं और बे आदमीनके फिरसे पाप करनके ताहीं धोखा देत हएं, जौन आदमी भर्खर दुष्ट जीबन शैलीके त्यागी हएं।

हिब्रू 13:4

सबनको बेहा आदरणीय होबए, और बेहामे एकदुस्रेके प्रति बिश्वासयोग्य रहाबओ। काहेकी व्यभिचार और सब मेलके अनैतिक काम करनके और दुस्रेन्को लोगा या बैयर सँग बिगडन बारेनके परमेश्वर सजाय देबैगो।

2 कोरिन्थी 12:7

पर परमेश्वर दिखाओ भओ प्रशस्त प्रकाशके बारेमे घमण्डसे मए जद्धा नाए फुलओं कहिके मोके सतानके और घमण्डसे रोकनके शैतानको दूत बहुत अग्ठो समस्या अर्थात् एक काँटोसे छेदन बारो एक पिडा दओगओ।

2 कोरिन्थी 10:6

जब तुम झुठा शिक्षनके इन्कार करैगे, और मोके अगुवा मनके मदत करे कहेसे और मूर्तिपुजा नाए करे कहेसे तुम ख्रीष्टमे पुरा आज्ञाकारी होबैगे। और जब जे बात पुरा होमंगे तओ आज्ञा नाए मानन बारे आदमीके दण्ड दओ जाबैगो।

2 कोरिन्थी 8:24

जहेमारे तुम बिनके अपनो प्रेम दिखाओ, और मण्डलीके सब बिश्वासीनके साबित करओ कि हम तुमर बारेमे करो भओ गर्व सत्य हए।

रोमियों 13:13

हम अन्धकारमे नाए बल्कि उजियारोमे बैठन बारे आदमी कता उचित ब्यबहार करएं। मोजमजा करनके, दारु पिनके, व्यभिचार करनके, भ्रष्टचार करनके, झगडा और ईर्ष्या करनके छोड देओ।

रोमियों 9:2

कि मोके बडो सौख हए, और मिर मन मेरे आदमीनके ताहीं हर समय दुखमे हए।