2 कोरिन्थी 12:15 - राना थारु नयाँ नियम

¹⁵ मए तुमर आत्माके ताहीं अपनएके और मेरे सँग भए सब चीज देनके ताहीं खुसी होमंगो, ताकी तुम परमेश्वरको अनुसरण कर्पाबओ। मए तुमके बहुत प्रेम करत हओं। पर अइसो लागत हए, कि तुम मोके थोरी प्रेम करत हओ।

परमेस्वर को सच्चो वचन

¹⁵ मोकै तुमरी मदत करन के ताहीं मेरे पास, और खुद के संग-संग सबै खर्चा करन मैं खुसी होगी। का तुम मोकै कम प्यार करैगे काहैकि मैं तुमसे भौत प्यार करथौं?

2 कोरिन्थी 12:15 Referans Kwoze

1 थेसलोनिकी 2:8

नेहात्तओ तुमके हम माया करत रहएं। तुमर इत्त्नो जद्धा माया लागत हए, कि परमेश्वरको अच्छो समाचार इकल्लो नाए, तुमर ताहीं हम जीबन देनके फिर तयार भए रहएं।

फिलिप्पी 2:17

जब मए तुमके अच्छो समाचार सुनाओ, तओ तुम प्रभु येशूमे बिश्वासको बलिदान करे, और बाको सेवाके ताहीं अपनो जीबनके समर्पित करदए। जहेमारे, अगर मए मरंगो तहुँफिर मए तुमरसँग आनन्दित और खुसी रहामंगो।

2 कोरिन्थी 1:6

अगर हम दुख पातहएं, तओ जा तुमरी सान्त्वना और उद्धारको ताहीं हए और अगर हम सान्त्वना पातहएं, तओ जा तुमरी सान्त्वनके ताहीं हए; जोको प्रभावसे तुम धिरजके साथ बे दुखके सहिलेत हओ, जौनके हम फिर सहात हएं।

कलस्सी 1:24

अब मए तुमर ताहीं, दुख भोगनमे खुसी मनामंगो, और आदमीके भोगन बारे दुख बहुत हएं, और ख्रीष्टको भोगो भओ दुख जैसो मए मण्डलीके ताहीं अपनो शरीरमे दुख भोगरहो हओं, जौनके पुरा करन जरुरी हए।

2 तिमोथी 2:10

जहेमारे मए बे आदमीके फाइदाके ताहीं सब दुख सहात हओं, जौननके परमेश्वर चुनी हए, ताकी बे फिर येशू ख्रीष्ट उपर बिश्वास करएं, और बच पामाएं, और बहे महिमा प्राप्त करएं, जो हमेसा रहात हए।

2 कोरिन्थी 2:3

और मए जो बात लिखो बो जाकेमारे लिखो, कि मए आत पेती जौन आदमीनसे मोके आनन्द मिलनके रहए बिनके द्वारा मए दुखी नाए होमओं। काहेकी, मोके आनन्द हुइहए तओ तुमके फिर आनन्द हुइहए कहिके मिर पक्को बिश्वास हए।

हिब्रू 13:17

अपने अगुवनकी बात मानओ, उनको काम तुमर जीबनके रेखदेख करनो और उनके सेवाके बारेमे उनके हिसाब बुझानके होत हए। तुम बिनको आज्ञा पालन करओ ताकी बे अपन काम खुसीसे करएं, दुख मानके नाए। अगर तुम उनके दुखी बनाबैगे कहेसे जासे तुमके कुछु फाइदा नाए होबैगो।

2 कोरिन्थी 12:14

अब तिस्रो चोटी तुमर ठिन आन मए तयार हओं। और मए तुमसे कुछु नाए माँगंगो, काहेकी मए तुमर सम्पति नाए पर तुम्हीके चाँहत हओं। काहेकी अइयादौवाके ताहीं लौंणालौंणीया नाए, बल्कि लौंणालौंणीयनके ताहीं अइयादौवनके धन जमा करन पणत हए।

2 कोरिन्थी 12:9

तओ मोसे परमेश्वर कही, “मिर अनुग्रह तिर ताहीं प्रशस्त हए, काहेकी मिर शक्ति कमजोरमे सिद्ध होत हए।” जहेमारे ख्रीष्टको शक्ति मोएमे बास करए कहिके मए बरु मिर कमजोरीनमे जद्धा खुसीसाथ गर्ब करंगो।

2 कोरिन्थी 1:14

उइसीयए हमर प्रभु येशू लौटके आबैगो तओ तुम हमके पुरा रुपमे बुझैगे, और हम तुमर बारेमे घमण्ड करे हानी तुम फिर हमर बारेमे घमण्ड करपाबैगे।

2 कोरिन्थी 7:3

तुमके दोषी ठहिरानके ताहीं मए जा नाए कहो हओं, काहेकी मए अग्गुसे कहिदओ हओं, हम तुमके पुरा हृदयसे प्रेम करत हएं, और हम चहुँ मरएं, चहुँ जिइयएं, हम अलग नाए होमंगे।

गलातियों 4:10

तुम गैर-बिश्वासी मोशाको नियम कानुनमे दओ गओ आज्ञाके अनुसार दिन, महिना, मौसम और सालके मानत हओ।

रोमियों 9:3

मए त हियाँतक फिर चाँहन सिक्तो, कि मेरे यहूदी बिश्वासी ददाभइया और मेरे अपने जातिके ताहीं परमेश्वर मोहीके सराप देबए और ख्रीष्टसे अलग होओं।

2 कोरिन्थी 7:2

हमके तुमर पुरो हृदयसे प्रेम करओ। हम कोइको खराबी नाए करेहएं। हम कोइको कुछु नाए बिगाडे हएं। हम कोइ व्यक्तिसे फाइदा नाए उठाए हएं।

2 कोरिन्थी 11:11

मए तुमर रुपैया काहे नाए लैगओ? का मए तुमके प्रेम नाए करके अइसो करो? परमेश्वर जानत हए मए तुमके प्रेम करत हओं।

2 कोरिन्थी 4:12

पर जाको अर्थ जा हए, कि हम लगातार मृत्युको सामना कर रहे हएं। पर जाको परिणाम जा हए, कि तुमके अनन्त जीबन प्राप्त भओ हए।