2 कोरिन्थी 10:1 - राना थारु नयाँ नियम

¹ मए पावल, तुमर अग्गु नम्र हओं, पर जब दुर होत हओं तओ तुमर ताहीं सहासी होत हओं! ख्रीष्टको नम्रता और दयामे मए तुमसे बिन्ती करत हओं।

परमेस्वर को सच्चो वचन

¹ मैं बहे पौलुस जो तुमरे अग्गु दीन हौं, और तुमसे दूर होन मैं नाय डरान बारो बन जाथौं, तुमकै मसीह की दया और कोमलता की बजह से समझाथौं

2 कोरिन्थी 10:1 Referans Kwoze

2 कोरिन्थी 10:10

काहेकी कुछ आदमी कहात हएं, “बोको चिट्ठी खरो और प्रभावशाली होत हएं, पर बो अपनए उपस्थित होत पेती बो कमजोर होत हए और बोको बचन व्यर्थ होत हए।”

मत्ती 11:29

मिर जुवा अपने उपर लेओ, और मिर पिच्छु आओ और मोसे सिखओ; काहेकी मए बिनम्र और कोमल ह्रदयको हओं: और तुम अपन प्राणमे बिश्राम पाबैगे।

गलातियों 5:2

मए पावल, जो तुमके बताए रहो हओं, बोके सुनओ, कि अगर परमेश्वरके अग्गु धर्मी ठहिराए जानके ताहीं खतना करबाबैगे, तओ ख्रीष्ट जो करीहए, बोसे तुमके कुछु फिर फाइदा नाए होबैगो।

रोमियों 12:1

तभीमारे ए मेरे ददाभइयओ, हमर ताहीं परमेश्वरको बडो कृपाके कारण मए तुमसे बिन्ती करत हओं, कि तुमर आत्मिक उपासनाके रुममे अपने जीबनके पबित्र और परमेश्वरको मनको बलिदान चढाओ; जहे तुमर परमेश्वरको सेवा करनके सच्चो तरिका हए।

2 कोरिन्थी 11:30

मोके गर्ब करनए पणहए कहेसे, मए अपनो कमजोरी दिखान बारो बातमे गर्ब करंगो।

1 कोरिन्थी 2:3

जब मए तुमरे बीच रहओं, मए कमजोर रहओं, और डरसे बहुत थरथरात रहओं।

प्रकाश 1:9

मए यूहन्ना, तुमर सँगी बिश्वासी हओं, और येशूसे मिर एकता भओके कारण मए तुमर सँग परमेश्वरको राज्यमे, सरे दुखमे और उनके सहानकी शक्तिमे सहभागी हओं, मोके पत्मोस टापूमे पठाओ गओ रहए, काहेकी मए परमेश्वरके बचनके और येशू द्वारा प्रकट करोगओ सच्चाईके परचार करत रहओं।

1 पतरस 2:11

प्रिय हो, तुम जा संसारमे बिदेशी और प्रवासी कता बैठे हओ। मए तुमके बिन्ती करत हओं, कि बे सबए दुष्ट शारीरिक इच्छनसे अलग रहाओ, काहेकी अइसे चाहना आत्माके बिरोधमे रोज लडत हएं।

2 थेसलोनिकी 3:17

मए पावल, तुमके नमस्कार करनके ताहीं चिट्ठीको जा हिस्साके अपने लिखावटमे लिखरहो हओं। मए अपने सब चिट्ठीको अन्त अइसे करके लिखत हओं ताकी सबके पता चलजाबए, कि जा चिट्ठी मेरे घेनसे हए।

इफिसियों 4:1

जहेमारे मए जो जेलमे हओं, काहेकी मए प्रभु येशूको सेवा करत हओं। और तुमसे बिन्ती करत हओं, कि बो बोलावटके सँग जोमे परमेश्वर तुमके अपनो सन्तान होनके ताहीं बुलाइ हए, बहे लायकको अनुसार अपन जीबन जीइबओ।

गलातियों 4:13

तुमके पता होबैगो, कि जब मए पहिलो चोटी तुमर ठिन अच्छो समाचारको परचार करनके आओ तओ मए बिमार रहओं।

2 कोरिन्थी 12:5

जा आदमीको पक्षमे मए गर्ब करंगो, पर मिर अपनुवए बारेमे अपनो कमजोरी बाहेक और बातमे घमण्ड नाए करंगो।

2 कोरिन्थी 11:21

का तुम सोँचत हओ, कि मए उइसो नाए करेके कारणसे मए लज्जित हओं? पर कोइ कुछु बातमे घमण्ड करत हए कहेसे, मए फिर बे बातमे घमण्ड करत हओं। हाँ, मए मुरख कता बोलरहो हओं।

2 कोरिन्थी 10:7

तुम बाहिरी रुपसे देखत हओ। कोइ आदमीके जा भरोसा हए कि बो ख्रीष्टको हए कहेसे, अपनएके याद दिलाबए, कि जैसो बो ख्रीष्टको हए, हम फिर ख्रीष्टके हएं।

2 कोरिन्थी 10:2

कुछ आदमीनके, हम जा संसारके आदमीनको तरिकासे काम करत हएं। जब मए तुमर ठिन आमंगो मए आसरा करत हओं, कि मए उनके सँग कठोर होमंगो। मए कठोरता साथ तुमसे जा बिन्ती करत हओं, कि जब मए आमंगो तओ मोके तुमर साथ कठोर ब्यबहार करन नाए पणए।

2 कोरिन्थी 7:4

तुमरमे मिर बडो भरोसा हए। तुमर उपर मए बेढम गर्व करत हओं। तुमरसे मए पुरो सान्त्वना पाओ हओं। हमर सब दुखमे मए बहुतए आनन्दित हओं।

2 कोरिन्थी 6:1

हम परमेश्वरए सँग काम करत हएं और जहे हैसियतसे तुमके बिन्ती करत हएं, तुम परमेश्वरको अनुग्रह पाएके अब बो व्यर्थ होन मतदेओ।

2 कोरिन्थी 5:20

जहेमारे हम ख्रीष्टके राजदूत हएं, और परमेश्वर आदमीनके हम द्वारा बाको सन्देश स्वीकार करनके बिन्ती करनडटो हए। ख्रीष्टके पक्षमे हम तुमके बिन्ती करत हएं, कि तुम परमेश्वर सँग मेलमिलापमे आबओ।

2 कोरिन्थी 3:12

जहेमारे हमर अइसो आसरा भओ, तभीमारे हम बेढम सहासी भए हएं।

1 कोरिन्थी 4:10

आदमी हमके मुरख सम्झत हएं काहेकी हम ख्रीष्टके बारेमे परचार करत हएं, पर गल्तीसे तुम सोँचत हओ, कि तुम बहुत बुद्धिमान बिश्वासी हओ! बहुत सारे आदमी सोँचत हएं, कि हमरे ठिन कोइ अधिकार नाए हए। पर तुम घमण्डसे कहात हओ, कि तुमर ठिन परमेश्वरको शक्ति हए। आदमी हमर सम्मान नाए करत हएं पर बे तुमर सम्मान करत हएं।

रोमियों 15:15

पर मए कुछ बातके बारेमे तुमके स्पष्ट रुपमे लिखो हओं, जो तुम याद करे रहाओ कहिके मए चाँहत हओं। मए अइसे करो, काहेकी परमेश्वर मोका जा खास अनुग्रह दइ हए:

रोमियों 10:20

तओ अगमबक्ता यशैया बडो सहाससे परमेश्वरके बारेमे कहात हए, “मोके नाए ढुँणन बारे मोके पाइं और मोके ढुँणन बारेनके ठिन मए देखा पणो।”

प्रेरित 8:32

और पबित्र-शास्त्रको जो खण्ड बो पढन डटो रहए, बो जा रहए, “जैसी भेंणा काटनके लैजाओ जातहए, बो भेंणा ऊन कतरन बारेनके अग्गु चुप रहतहए; उइसीयए जब आदमी बाके पिडा दइं तओ बा अपनो मुँहुँसे कोइ शब्द नाए निकारी।

मत्ती 21:5

“सियोनकी लौंणीयासे कहाओ, देखओ, तुमर राजा तुमर ठिन, बिनम्र हुइके गदहाको एक बछ्रक उपर बैठके आएरहो हए।”

1 कोरिन्थी 4:21

तुम का चाँहत हओ, कि जब मए आओ तओ का करंगो? अगर तुम अभौफिर अपने खराब तरीकनके नाए रोकैगे तओ मए कडा रुपसे तुमके डाँटंगो। पर अगर तुम अपने खराब तरीकनके पालन करन बन्द करदेबैगे, तओ मए तुमसे नम्रता और प्रेमसे ब्यबहार करंगो।

इफिसियों 3:1

जहे कारणसे, मए पावल, तुमर ताहीं प्राथना करत हओं। मए जेलमे हओं काहेकी मए ख्रीष्ट येशूके ताहीं काम करत हओं, जोकी गैर-यहूदीनके ताहीं अच्छो समाचारके परचार करनके हए।

फिलिप्पी 4:5

सब आदमी तुमर सहनशील स्वाभावके जान जामएं। प्रभु येशू जल्दी आएरहो हए।

कलस्सी 1:23

तुमर बिश्वास ख्रीष्टमे मजबुत होन पणैगो, जैसेकी एक घर बलियो जगमे बनो होतहए। जो हमरे सँग आसरा हए, और जो अच्छो समाचारमे हम बिश्वास करत हएं, बो आसराके मत् छोडओ, जौनके बारेमे बादरके तरे भए सबके परचार करोगओ हए, और मए पावल, जहे अच्छो समाचार सुनान बारो सेवक भओ हओं।

फिलेमोन 1:19

मए पावल, अपन हातसे जा लिखत हओं, कि मए जा कर्जाके चुकाए देमंगो। और तए पहिलीयए जानतहए, कि अगर मए तेरो मदत नाए करतो, तओ तए अपनएसे जा नयाँ जीबनके नाएपैतो, जहेमारे तए अपनो जीबनके ताहीं मिर ऋणी हए।