1 तिमोथी 6:20 - राना थारु नयाँ नियम

²⁰ हे तिमोथी, पक्का कर, कि तए बहे कामके करत हए, जौन काम करन जिम्मा परमेश्वर तोके दइ हए। अधर्म और बिना कामके बात चित और परमेश्वरको शिक्षनके बिरोध करन बारो बो सब शिक्षाके बे गलत तरिकासे “ज्ञान हए” कहिके कहात हएं।

परमेस्वर को सच्चो वचन

²⁰ तीमुथियुस, जो तुमरी देखभार करन के ताहीं सौंपो गौ है, बाकी देखाभारी करे रखईयो, और अभक्ति और बुरी बातन से बचैं, और बेकार की बातन से बचैं जोकै कुछ लोग गलती से “ग्यान” समझथैं, उनसे बचैं।

1 तिमोथी 6:20 Referans Kwoze

कलस्सी 2:8

ध्यान देओ, कि बेकम्मा और झुठी बातसे कोइ तुमके नाए फसाए पाबए, जौन ख्रीष्टके अनुसार नाए हुइके आदमीनको परम्परा और संसारकी शिक्षामे अधारित रहात हएं, और जौनके कारण हम आदमीनको दौवा भओ, जो शिक्षाके पिच्छु चलन नाए चाँहत हएं, बो कारण जहेहए।

2 तिमोथी 2:16

पर अधर्मी और फाल्तु बात करनसे बचो रहो; काहेकी व्यर्थ बातके मत् सुन, जो परमेश्वरसे कोइ सम्मान नाए देतहए। अइसे मेलके बात आदमीनके परमेश्वरसे और जद्धा दुर जानको कारण बानत हए।

कलस्सी 2:18

ख्रीष्ट शरीरको मुण हए, ख्रीष्टके माध्यमसे शरीरके सब अंग जुडे होत हएं और अंगके रेखदेख करत होतहए। जहेमारे जा परमेश्वर इच्छा अनुसार बणत हए, अपनएके अपमान करके और स्वर्गदूतनके आराधना करके कोइके अयोग्य बनान मतदेओ। अइसे आदमी दर्शनमे प्रबेश करत हएं, जौन उनको मानब सोँचके कारण मुरख घमण्डसे भरजात हएं। बे ख्रीष्टमे नाए रहिपात हएं।

रोमियों 3:2

हाँ, एक यहूदी होनको बहुत फाइदा हए। सबसे महत्त्वपूर्ण जा हए, कि परमेश्वरको सन्देश उनके सौँपो गओ।

1 तिमोथी 6:14

कि तए बे सब चीज कर जोके पुरा करनके ताहीं परमेश्वर तोके आज्ञा दइ हए। ताकी कोइ फिर प्रभु येशू ख्रीष्टके लौटके आनतक तिर उपर कुछ फिर गलत कामको आरोप नाए लगाए पाबए।

2 थेसलोनिकी 2:15

जहेमारे हे मेरे बिश्वासी ददाभइयओ, बिश्वासमे स्थिर रहाओ; और बेहीं सन्देशमे बिश्वास करत रहाओ, जो हम तुमके सिखाए रहएं जब हम तुमरसँग रहएं या जब हम चिट्ठी पठाए रहएं।

तीतुस 3:9

पर मुरखसे बाद-बिबाद, और पुर्खनको लम्बी सुची, बिरोध और लडाइ जो मोशाको नियम कानुनके बारेमे होएं बिनसे दुर रहो; काहेकी बे बेकार और फाइदा देन बारे नाए हएं।

2 तिमोथी 2:1

अन्तमे, मिर लौंणा तिमोथी, अपनएके हौसला दे, जा जानके, कि परमेश्वर तोके बहे अनुग्रह दइ हए, जो सिरफ येशू ख्रीष्टसे आत हए।

1 तिमोथी 1:11

जा सही शिक्षा हमर अदभुत परमेश्वरको महिमाके बारेमे अच्छो समाचारसे सहमत होत हए, जौन मोके परचार करनके जिम्मा दइ हए।

2 थेसलोनिकी 1:4

जहेमारे हम परमेश्वरको मण्डलीमे तुमर बारेमे घमण्ड करत हएं। अइसियए, तुम परीक्षासे हुइके जातहओ, तहुँफिर तुम धिरजसे सहात रहात हओ और तुम अभौफिर येशू ख्रीष्टमे बिश्वास करत हओ।

तीतुस 1:14

और बे यहूदीनको झुठी कहानीमे और पुर्खन्को लम्मो सूचीमे ध्यान देनके बन्द करएं। और तए बे आदमीनको शिक्षासे दुर रहीए, जौन सच्चो शिक्षासे दुर हुइगए हएं।

तीतुस 1:9

और बे, येशू ख्रीष्टके बारेमे बिश्वासयोग्य सन्देशमे मजबुतसे बिश्वास करन बारे होन पणो, जो हम बोके सिखाए हएं। बिनके अइसे करनके चाहो, ताकी बे दुस्रेनके सही शिक्षाके पालन करनके ताहीं हौसला दइ पामएं, और सँगए-सँग उनके साबित करपामएं, कि बे गलत हएं।

1 तिमोथी 6:11

पर हे तिमोथी, तए परमेश्वरको सेवा करन बारो आदमी हए, तोके जे सब चिजनके करनसे बचनके हए; पर तए परमेश्वरके अग्गु ठिक ठहिरन बाली बातमे, भक्तिमे, बिश्वासमे, प्रेममे, धिरजमे, नम्र होन बारो बातमे अपनो मन लगा।

1 तिमोथी 4:7

झुठे कहानीमे समय बर्बाद मत् करीए, जो कहानी परमेश्वरके सम्मान नाए देत हएं। और तए परमेश्वरको दओ भओ जीबन जीइनके ताहीं अपनएके लगातार तालिम दिए।

1 तिमोथी 1:6

झुठे गुरु, जे सब चीजके करन बन्द करदइ हएं, और मुरखतासे बात करत हएं।

1 कोरिन्थी 3:19

काहेकी बो बात जो जा संसारके आदमी समझत हएं, कि ज्ञानवान हएं। पर जा ज्ञान परमेश्वरके अग्गु मुरखता हए, जा उइसीयए हए जैसे पबित्र-शास्त्र कहात हए, “कुछ आदमी सोँचत हएं, कि बे ज्ञानवान हएं, पर परमेश्वर उनको अपनो चतुर योजनन्के इस्तमाल उनके हरानके ताहीं करत हए।”

प्रेरित 17:21

एथेन्स सहरमे बैठन बारे और हुवाँ बैठन बारे बिदेशी नयाँ-नयाँ बात इकल्लो करके दिन बितात रहएं।

प्रेरित 17:18

इपिक्युरी और स्तोइकी कहान बारे दर्शनके कुछ गुरु फिर पावल सँग बादबिबाद करन लागे। बिन मैसे कित्ने कहीं, “जा गबगबान बारो का कहात हए?” और कित्ने जनै कहीं, “जा त नयाँ देबतनको परचार करत हए!” पावल येशूके बारेमे और बा मरे मैसे जिन्दा भओ कहिके अच्छो समाचार परचार करेके कारणसे बे अइसे कहीं।

प्रकाश 3:3

तए पहिले सुनो भओ और बिश्वास करोभओ शिक्षाके याद कर। तोके जो सिखाओ गओ रहए बोके पालन कर, तेरो गलत कामसे पाप करन छोडके परमेश्वर घेन घुम। अगर तए गलत काम करन नाए छोडो कहेसे, मिर आगमन एक चुट्टा कता इक्बरी हुइहए, और तोके बो बेरा फिर पता नाए हुइहए, कि जब मए तोके सजाए देन आमंगो।

तीतुस 1:4

मए जा चिट्ठी तीतसके लिखरहो हओं, जो मिर अपनो लौंणा कता हए, काहेकी बो येशू ख्रीष्टमे बिश्वास करत हए। दौवा परमेश्वर और हमर मुक्तिदाता येशू ख्रीष्टके घेनसे तोके अनुग्रह और शान्ति मिलतए रहाबए।

1 कोरिन्थी 2:6

तहुँफिर मए बेहीं आदमीनके बीचमे ज्ञानको सन्देशके मस्कत हओं, जो आत्मिक रुपसे पक्को हए। पर जा संसारके आदमीनको ज्ञान और जा संसारके हाकिमनको ज्ञान नाए हए; जौनको नाश होन बारो हए।

रोमियों 1:22

बे अपनएके बुद्धिमान हुइके दाबी करेसे फिर मुरखए बनिगए।

प्रेरित 16:1

पावल और सिलास डर्बी सहर हुइके लुस्त्रा सहरमे आएपुगो। लुस्त्रा सहरमे तिमोथी नाउँ भओ प्रभुमे बिश्वास करन बारो एक चेला बैठत रहए। बोकी अइया फिर प्रभुमे बिश्वास करन बारी यहूदी रहए पर बोको दौवा ग्रीक देशमे बैठन बारो रहए।

1 तिमोथी 1:2

मए जा चिट्ठी तिमोथीके लिखरहो हओं: तए मिर अपनो लौंणा जैसो हए, काहेकी तए ख्रीष्टमे बिश्वास करत हए। मए प्राथना करत हओं, कि हमर दौवा परमेश्वरसे और हमर प्रभु येशू ख्रीष्टसे तोके अनुग्रह, दया और शान्ति मिलतए रहाबए।

1 तिमोथी 1:9

हम जा फिर जानत हएं, कि मोशाको नियम कानुन धर्मी आदमीनके ताहीं नाए बल्कि बे आदमी जो परमेश्वरको नियम कानुनके अनदेखी करत हएं, और जाको आज्ञापालन नाए करत हएं। और बे आदमी, जो परमेश्वरके आराधना नाए करत हएं, और जो पापी हएं। और बे आदमी, जो अशुद्ध हएं और अपबित्र हएं बे परमेश्वरको आदर नाए करत हएं। और बे आदमी, जो अपने अइयादौवाको और आदमीनको हत्या करत हएं,