1 तिमोथी 4:6 - राना थारु नयाँ नियम

⁶ अगर तए सब बिश्वासी ददाभइयनके लगातार जे बातको शिक्षा देतए रएहए कहेसे तए ख्रीष्ट येशूको एक अच्छो सेवक ठहिरैगो। और परमेश्वर तोके बिश्वास और अच्छो शिक्षाके माध्यमसे तालिम देबैगो, जौन शिक्षाके तए पालन करो हए।

परमेस्वर को सच्चो वचन

⁶ अगर तू सब विस्वासी भईय्यन कै जे बातन की खबर देत रहगो, तौ ईसु मसीह को अच्छो सेवक मानो जागो; जो बिस्वास और अच्छी सिक्छा मैं बढ़ाओ गौ।

1 तिमोथी 4:6 Referans Kwoze

कलस्सी 3:16

हर समय ख्रीष्टके सन्देशके बारेमे सोँचओ। ताकी जा बे सबके नियन्त्रण करए, जो तुम करत और सोँचत हओ। और सिद्ध ज्ञान सहिँत एकदुस्रेके सिखाओ, और सल्लहा देओ। और अपने-अपने मनमे धन्यबादके सँग परमेश्वरके ताहीं भजन, स्तुति और आत्मिक गीत गाओ।

तीतुस 2:1

पर तीतस, तोके बिश्वासीनके इकल्लो बहे बात सिखान पणैगो, जो येशू ख्रीष्टके बारेमे सच्चो शिक्षा हए।

कलस्सी 4:7

प्यारो बिश्वासी भइया, तुखिकस जो प्रभुमे मेरे सँग काम करत हए, बो मेरे सब बात तुमके बताए देहए।

मत्ती 13:52

फिर येशू बिनसे कही, “जहेमारे हरेक मोशाको नियम कानुन सिखान बारो जौन स्वर्गके राज्यको चेला बनो हए, तओ बो बहे आदमी हानी हए जौनके घरमे बोकेसँग भण्डार होत हए। बो हुवाँसे दोनए पुरानी और नयाँ मूल्यवान चीज बाहिर निकारन सिकत हए।”

यहूदा 1:5

तुम जे सब बात एकचोटी जाने रहओ, तहुँफिर अभए मए तुमके याद दिबान चाँहत हओं। प्रभु इस्राएलीनके गुलाम बननसे छुणाइ और बिनके मिश्रदेश मैसे बचाएके लाइ, पर पच्छु बामे बिश्वास नाए करन बारे सबएके बा मरुभूमिमे मारी।

2 यूहन्ना 1:9

बे आदमी जो सच्चो शिक्षासे भणकजात हएं, और ख्रीष्टको शिक्षा जैसो नाए करत हएं, बे परमेश्वरके सँग संगतीमे नाए हएं। जो कुछ ख्रीष्ट सिखाइ हए, बोके लगातार पालन करत रहाओ, और दौवा परमेश्वर, बाको लौंणा येशू ख्रीष्टके सँग संगतीमे रहे रहाओ।

1 पतरस 2:2

मए तुमके नयाँ जनम भए बाल्कन सँग तुलना करत हओं। नयाँ जन्मो भओ बालकाके मजबुत होतए बढनके ताहीं रोज अइयाकी दुध चाँहत हए। उइसीयए तुमके फिर परमेश्वरको बचन सुनन इच्छा करन पणत हए, ताकी तुमर परमेश्वर उपरको भरोसा बढतए जाबए और तुम बाचाए जाबओ।

2 तिमोथी 4:3

काहेकी अइसो समय आबैगो, कि आदमी सच्चो सन्देश स्वीकार करन नाए चाहंगे, पर बे अपनुयए इच्छाके इकल्लो पुरा करंगे। और बे अइसे गुरुके खोजमे हुइहएं, जौन बिनसे बहे बातके इकल्लो कहामंगे, जो बात बे सुनन चाहंगे।

2 तिमोथी 3:10

पर हे तिमोथी, तए नेहात्तओ जानत हए, कि मए का सिखात हओं, और कैसे जीइत हओं, जीबनमे मिर योजना का हए और मए काहे बिश्वास करत हओं। तए जानत हएं, कि मए धिरज करत हओं, और सब आदमीमे प्रेम करत हओं, मए कठिनाइके सहो,

2 तिमोथी 1:6

जहेमारे मए तोके याद करात हओं, कि परमेश्वरको बरदानके फिरसे प्रज्वलित कर, जो परमेश्वरद्वारा तोके तओ मिलो गओ हए, जब मए तेरे मुणमे अपनो हात धरो।

1 तिमोथी 6:3

अगर कोइ झुठी शिक्षाको उपदेश देतहए, और बहे साच्ची शिक्षामे सहमत नाए होत हएं, जो शिक्षा हमरे प्रभु येशू ख्रीष्ट दइ रहए। और बहे आदेश नाए मानत हएं जो आदेशसे प्रभु येशूको आदर होत कहेसे,

1 तिमोथी 4:16

जाके बारेमे होसियार रहो, कि तए कैसे रहात हए, और का सिखात हए। जे बातनमे स्थिर रहो, काहेकी अगर अइसो करतए रहो, तओ तेरे द्वारा परमेश्वर अपनए तोके और तेरे बात सुनन बारेनके फिर न्यायसे बचाबैगो।

1 तिमोथी 1:10

यौन सम्बन्धके रुपसे गलत काम करन बारे, समलिंगी। बे आदमी, जो दुस्रे आदमीके चुराएके उनके गुलामीके रुपमे बेचत हएं, ठगन बारे आदमी। बे आदमी, जो जब फिर ठगत हएं जबकी बे सच्चो मस्कनको वादा करेहोत हएं। बे आदमी, जो सब कुछ करत हएं जोसे सही शिक्षा देनसे हमके मनाही करत हएं।

1 थेसलोनिकी 3:2

और तिमोथी जो ख्रीष्टको अच्छो समाचारमे हमर भइया, और परमेश्वरको सेवक हए, बोके तुमर ठिन पठाए, कि बो तुमके बिश्वासमे मजबुत करए; और तुमर बिश्वासके बारेमे तुमके प्रोत्साहित करनमे मदत करए।

फिलिप्पी 3:16

जहेमारे हमके उइसो सच्चाईके अनुसार काम करन चाहो, जौनके परमेश्वर पहिलीयसे हममे प्रकट करीहए।

इफिसियों 6:21

प्रभुको संगतीमे, प्यारे बिश्वासी भइया और बिश्वासिलो सेवक तुखिकस तुमके जा सब बताएदेमंगे, ताकी तुम फिर जानलेओ कि मए कैसो हओं और का कर रहो हओं।

2 कोरिन्थी 6:4

पर जे सबए बातमे हम परमेश्वरके सच्चे सेवक हएं कहिके दिखात हएं; धर्यतासे कष्ट, कठिनाइ, और आफत बिपत सहिके,

2 कोरिन्थी 3:6

नयाँ करारको सेवक होन बा हमके खुबी दइ, जा पबित्र आत्माको करार हए, नियम कानुनको जुणो भओ करार नाए हए। काहेकी लिखो भओ बातके नाए माननको परिणाम मृत्यु हए पर पबित्र आत्मा अनन्त जीबन देतहए।

1 कोरिन्थी 4:17

जहेमारे मए तिमोथीके तुमर ठिन पठाओ हओं जो प्रभुमे मिर प्रिय और बिश्वासयोग्य लौंणा हए, और मए हर ठिहा हर एक मण्डलीमे शिक्षा देए अनुसार, तुम येशू ख्रीष्टमे कैसो ब्यबहार करत हओ कहिके बो तुमके याद दिलाबैगो।

रोमियों 15:15

पर मए कुछ बातके बारेमे तुमके स्पष्ट रुपमे लिखो हओं, जो तुम याद करे रहाओ कहिके मए चाँहत हओं। मए अइसे करो, काहेकी परमेश्वर मोका जा खास अनुग्रह दइ हए:

प्रेरित 20:35

मए सबए बातमे नमुना दओ हओं, तुम फिर अइसियए करके मेहेनत करके कमजोरके मदत करीयओ। प्रभु येशूको बचन याद करीयओ, कैसे करके बा अपनए कही हए, कि लेनसे देनो औ धन्य हए।”

प्रेरित 20:31

जहेमारे जा सम्झके होसियार हुइयओ, कि तीन वर्षतक दिनरात आँसु बहात हरेक आदमीनके मए चेतावनी देत रहो।

लूका 1:3

माननीय थियोफिलस, मए फिर जे सब बातके ध्यानसे जाँच करो हओं। और मोके जा अच्छो लागो, कि मए तुमर ताहीं जा घटनाके क्रम अनुसार लिखो।

प्रेरित 1:15

और बे दिनमे पत्रुस, बिश्वासी ददाभइयनके बीचमे पत्रुस ठाणो (जो लगभग: एक सओ बीस बिश्वासी इकट्ठा रहएं) और कही,

2 कोरिन्थी 11:23

का बे ख्रीष्टके सेवक हएं? मए ख्रीष्टको औ अच्छो सेवक हओं। पागल कता मए बत्कात रहत हओं। मए उनसे कहुँ जद्धा बन्दी बनाओ गओ हओं, अनगिन्ती पिटो गओ हओं, अक्सर मेरे प्राण संकटमे पणे हएं।

फिलिप्पी 2:20

काहेकी सच्चो मनसे तुमर वास्ता करन बारो तिमोथी बाहेक मेरे सँग और कोइ नाएहए।

फिलिप्पी 2:22

पर तुम जानत हओ, कि कैसे तिमोथी अपनएके बिश्वासयोग्य दिखाइ हए, कि जैसे लौंणा दौवाके सेवा करत हए, उइसीयए बो अच्छो समाचारके फैलानमे मेरे सँग मेहेनत करी।