1 तिमोथी 3:6 - राना थारु नयाँ नियम

⁶ बो बिश्वासमे मजबुत होन पणो, अगर बिश्वासमे मजबुत नाए हुइहए, तओ हुइ सकत हए, कि बो घमण्डी हुइजाए और फिर बोके बहे सजाय मिलैगो जो शैतानके मिलो रहए।

परमेस्वर को सच्चो वचन

⁶ बाकै बिस्वास मैं मजबूत होनो चाहिए, ऐसो ना होबै कि घमंड करकै सैतान के हानी सजा पाबै।

1 तिमोथी 3:6 Referans Kwoze

1 तिमोथी 6:4

तओ बो बहुत घमण्डी हए और बो कुछ फिर नाए बुझत हए। बल्कि बे शब्दके अर्थके बारेमे दुस्रे-दुस्रे आदमीनके सँग बिबाद और लडाइ करन चाँहत हएं। और जे बातसे गुस्सा, लडाइ और बदनामकी बात और खराब शंखा पैदा होत हएं।

1 पतरस 5:5

उइसीयए जवान आदमीउ, बुढेनके अधीनमे बैठओ। तुमके सब नम्रतासे एकदुस्रेनके मदत करन पणत हए। काहेकी पबित्र-शास्त्रमे लिखो हए, “परमेश्वर घमण्डीनके बिरोध करत हए, पर नम्र आदमीनके बा अनुग्रह करत हए।”

1 पतरस 2:2

मए तुमके नयाँ जनम भए बाल्कन सँग तुलना करत हओं। नयाँ जन्मो भओ बालकाके मजबुत होतए बढनके ताहीं रोज अइयाकी दुध चाँहत हए। उइसीयए तुमके फिर परमेश्वरको बचन सुनन इच्छा करन पणत हए, ताकी तुमर परमेश्वर उपरको भरोसा बढतए जाबए और तुम बाचाए जाबओ।

2 कोरिन्थी 12:7

पर परमेश्वर दिखाओ भओ प्रशस्त प्रकाशके बारेमे घमण्डसे मए जद्धा नाए फुलओं कहिके मोके सतानके और घमण्डसे रोकनके शैतानको दूत बहुत अग्ठो समस्या अर्थात् एक काँटोसे छेदन बारो एक पिडा दओगओ।

1 कोरिन्थी 8:1

अब बो प्रश्नके बारेमे, जौन बात तुम अपन चिट्ठीमे लिखे रहओ: का मूर्तिनके अग्गु बलि चढाओ भओ खानु बारी चीजके खान सही हए? हम जान्त हएं, कि हम सबके ठिन ज्ञान हए: ज्ञानसे घमण्ड आत हए, पर प्रेमसे उन्नति होत हए।

1 कोरिन्थी 3:1

हे मेरे बिश्वासी ददाभइया, जब मए तुमर सँग रहओं तओ मए तुमके गहिरी शिक्षा नाए बताए पाओ जैसे मोके आत्मिक आदमीनके सँग करन रहए। मोके अइसे बात करन पणो, जैसेकी तुम ख्रीष्टियन जीबनमे बच्चा रहओ।

यहूदा 1:6

याद करओ, कि कैसे प्रभु बे शैतानको दूतनके सजाय दइ, जौन अपनो अधिकारके ठिक प्रयोग नाए करीं, पर बे उनके दओ भओ पद त्यागीं। प्रभु बो महान दिनमे बे शैतानके दूतनके कभी फिर अन्त नाए होन बारो दण्ड देनके ताहीं कोइ नाए तोडपान बारो साँकरसे बाँधके अंधियारोमे धरे हए।

2 पतरस 2:4

तुमके पता हए, कि बहुत समय पहिले जब शैतानको दूत परमेश्वरकी बिरुद्धमे पाप करीं, तओ बा उनको करोगओ कामके कारण दण्ड दइ। तओ परमेश्वर बिनके नरकमे फेक दइ। और परमेश्वर उनके न्याय और दण्ड देन दिनतक बिनके बा अंधियारो जेलमे डारदइ।

2 तिमोथी 3:4

औरेन्के धोखा देन बारे, मनपरी करतए घमण्डसे फुलन बारे, अभिमानी और परमेश्वरको आराधना करन बारे नाए बल्कि मोज-मजाके प्रेम करन बारे होमंगे।

लूका 10:18

तओ येशू बिनसे कही, “जब भुत तुमर बात मानीं, तओ मए शैतानके इक्बरी स्वर्ग मैसे बिजुली गिरो कता देखो।

1 तिमोथी 3:7

मण्डलीको रेखदेख करन बारे मण्डलीसे इकल्लो नाए, बल्कि मण्डलीसे बाहेर फिर आदर पाओभओ होन पणत हए। अइसो हुइहए कहेसे आदमीनके अग्गु बोको बेज्जत नाए हुइहए, और शैतानको फन्दामे नाए पणैगो।