1 तिमोथी 1:15 - राना थारु नयाँ नियम

¹⁵ जा एक सच्ची कहानी हए, जोके पुरो तरिकासे स्वीकार और बिश्वास करोजान पणो, कि येशू ख्रीष्ट हम जैसे पापीनके बचानके ताहीं जा संसारमे आओ, जौनमे सबसे जद्धा पापी मए हओं।

परमेस्वर को सच्चो वचन

¹⁵ जौ एक सच्ची बात है, जोकै हमैं अपनानो चाहिए और बिस्वास करनो चाहिए: ईसु मसीह पापिन कै बचान के ताहीं दुनिया मैं आओ, मैं उनमैं से सबसे बड़ो पापी खराब हौं,

1 तिमोथी 1:15 Referans Kwoze

मर्कूस 2:17

जा सुनके येशू बिनसे कही, “स्वस्थ आदमीके बैदाको जरुरत नाए पणतए, पर रोगीनके पणत हए। मए बे आदमीनके ताहीं नाए आओ हओं, जौन अपनएके धर्मी मानत हएं। पर मए बे आदमीनके ताहीं आओ हओं जौन पापी हएं, ताकी बे पाप करन छोडके परमेश्वर घेन घुमएं।”

लूका 19:10

काहेकी मए, आदमीको लौंणा हराएभए आदमीनके ढुँणनके और अनन्तको दण्डसे बचानके ताहीं आओ हओं।”

यूहन्ना 12:47

अगर कोइ मिर बात सुनके बोको पालन नाए करत हए कहेसे मए बोके दोषी नाए ठहिरामंगो। काहेकी मए संसारके आदमीनके दोषी ठहिरानके ताहीं नाए, बल्कि संसारके बचानके ताहीं आओ।

यूहन्ना 1:12

पर जित्नो येशूके स्वीकार करीं, और बाके उपर बिश्वास करीं, बिनके बा परमेश्वरको सन्तान होनके अधिकार दइ।

लूका 5:32

मए धर्मीनके ताहीं नाए पर पापीनके, पाप करन छोडके परमेश्वर घेन घुमानके ताहीं बुलान आओ हओं।”

1 यूहन्ना 3:5

और तुम जानत हओ, कि येशू ख्रीष्ट पापनके हटानके ताहीं आओ, और बामे कोइ पाप नाए हए।

1 तिमोथी 1:13

मए त बिश्वासी होनसे पहिले ख्रीष्टको बदनाम करत रहओं, और बिश्वासीनके सतात रहओं और बिनको बहुत नुक्सान करो, काहेकी बो समय तक मए ख्रीष्टके बिश्वास नाए करत रहओं, जहेमारे मए बुझ नाएपाओ, काहेकी जो मए करत रहओं बो गलत रहए। जहेमारे ख्रीष्ट मोके दया करी।

मत्ती 20:28

जैसी आदमीको लौंणा फिर सेवा पानके नाए, पर सेवा करन और बहुतनको पापनके मोल तिरके छुटानके ताहीं मोलके रुपमे अपन प्राण देन आओ।”

1 कोरिन्थी 15:9

काहेकी मए चुनेभए चेला मैसे सबसे कम महत्त्वपूर्ण हओं, और चुनो भओ चेला कहानको फिर लायक नाए हओं, काहेकी मए परमेश्वरको मण्डलीमे बिश्वासीनके सतात रहओं।

यूहन्ना 1:29

दुस्रे दिन बप्तिस्मा देन बारो यूहन्ना येशूके अपन घेन आत देखी और कही, “देखओ, अपनएके बलिदान करके सारा संसारके पापसे छुटकारा देन बारो परमेश्वरको थुमा!

मत्ती 9:13

जाको अर्थ का हए, तुम सिखओ: ‘मए जानबरको बलिदान नाए, पर दया चाँहत हओं,’ काहेकी मए धर्मीनके नाए, पर पापीनके बचानके आओ हओं।”

मत्ती 1:21

बो एक बच्चाके जनम देहए, और तुम बाको नाउँ येशू धरियओ, काहेकी बा अपन आदमीनके उनको पापसे छुटकारा देहए।”

हिब्रू 7:25

जहेमारे येशू द्वारा परमेश्वरके ढिँगै आन बारेनके बा सदिमान उद्धार करन सकत हए। काहेकी बिनके ताहीं मध्‍यस्‍थताको प्राथना चढानके ताहीं बा सदिमान जिन्दा हए।

1 तिमोथी 4:9

जा एक सच्ची कहानी हए, और हर तरिकासे माननको लायक हए।

रोमियों 5:6

काहेकी जब हम निर्बल रहएं, तओ ख्रीष्ट ठिक समयमे दुष्ट आदमीनके ताहीं मरो।

1 यूहन्ना 3:8

जौन पाप लगातार करत रहतहए, बो शैतानको आदमी हए, काहेकी शैतान सुरुसे पाप करत आओ हए। शैतानको कामके नष्ट करनके ताहीं परमेश्वरको लौंणा आओ हए।

1 तिमोथी 3:1

जा एक सच्ची कहानी हए, कि जो मण्डलीको रेखदेख करन बारो अगुवा होन चाँहत हए कहेसे बो अच्छो कामको इच्छा करत हए।

इफिसियों 3:8

तहुँफिर मए परमेश्वरके सब पबित्र आदमीनके ताहीं सबसे कम महत्वपूर्ण हओं। परमेश्वर, अनुग्रहके द्वारा मोके जा मौका दइ, कि मए गैर-यहूदीनके अच्छो समाचार परचार करपामओं कि ख्रीष्ट असिम आशिर्बादको स्रोत हए।

प्रकाश 22:6

जाके पिच्छु स्वर्गदूत मोसे कही: “पहिले बताइ भइ बात सब सच्चे हएं और नेहात्तओ होबैगो। प्रभु परमेश्वर जौन अपनो आत्मा सबए अगमबक्तनके दइ। परमेश्वरए हए, जौन अपनो स्वर्गदूतके आदेश दइ, कि बा अपन सेवकनके जा दिखानके ताहीं हियाँ पठाइ, जो जल्दीयए होन बारो हए।”

प्रकाश 5:9

और बे अइसे करके थुमा अर्थात् येशू ख्रीष्टके बारेमे गान लागे, “तुम जा खलरीको चिट्ठीको मोहरके तोणन और जाके खोलनके लायक हओ। काहेकी तुमके मारडारोगओ रहए और अपनो मृत्युके खुनसे तुम संसारके हर कुल, भाषा, आदमी और जातिसे परमेश्वरके ताहीं आदमीनके छुटकारा दए।

तीतुस 3:8

जा एक सच्ची कहानी हए, जो मए हबए तोके बताओ हओं। और मए चाँहत हओं, कि तए जे बातके बारेमे पक्का रुपसे बिश्वासीके सिखा, जाकेमारे कि जौन परमेश्वरमे बिश्वास करीहए, ताकी बे अच्छे काम करनके ताहीं अपनो समय देनमे ध्यान लगामएं। जा शिक्षा सबके ताहीं अच्छी हए, और फाइदा बाली बात हए।

2 तिमोथी 2:11

जा एक साच्ची कहानी हए, कि अगर हम ख्रीष्टके सँग मरे गए हएं, तओ बाके सँग जिन्दा फिर होमंगे।

प्रेरित 3:26

परमेश्वर अपने सेवकके मरो भओ मैसे उठाएके सबसे पहिले तुम्हएं आशिष दइ। ताकी बा तुम्रे मैसे सब जनैके तुमर पापी जीबनके छोडके परमेश्वरके घेन घुमानमे तुमर मदत कर पाबए।”

यूहन्ना 3:36

जौन परमेश्वरको लौंणाके उपर बिश्वास करत हए, बोके कभी फिर नाश नाए होन बारो जीबन मिलिगओ हए, पर जौन लौंणाके बिश्वास नाए करत हए, बो कभी फिर अन्त नाए होन बारो जीबन नाए पएहए, बल्कि परमेश्वरको दण्ड बोके उपर रहो रहाबैगो।”

प्रकाश 21:5

सिंहासनमे बिराजमान होन बारो मोसे कही, “देख, मए सब बात नयाँ बनामंगो।” बा अइसेफिर कही, “जा लिख, जो मए कहात हओं बोमे तए बिश्वास कर सकत हए। जे बात सत्य हएं और नेहात्तओ होमंगी।”

1 यूहन्ना 5:11

और बो गवाही जहेहए, कि परमेश्वर हमके कभी फिर नाश नाए होन बारो जीबन दइ हए और जा परमेश्वरके लौंणाके द्वारा हए, कि हमएं कभी फिर नाश नाए होन बारो जीबन मिलो हए।

1 तिमोथी 1:19

तोके ख्रीष्टमे बिश्वास करे रहानके पणो और तोएमे एक शुद्ध बिबेक होन पणो। पर कुछ आदमी अपने शुद्ध बिबेकके त्याग दइ हएं, और बे ख्रीष्टमे बिश्वास करनके अपनी योग्यताके नाश करदइ हएं, ठिक उइसीयए जैसे एक जहाजको ठक्कर होनमे पुरा जहाजके नाश करदेत हए।

मत्ती 18:10

“देखओ, तुम जे छोटे मैसे कोइके फिर हेला मत् करीयओ; काहेकी मए तुमसे कहात हओं, कि स्वर्गमे बिनके स्वर्गदूत हमेसा मिर दौवाके सँग हएं।

प्रेरित 11:18

जा बात सुनके प्रभुमे बिश्वास करन बारे यहूदी ददाभइया पत्रुसके दोष लगान छोडीं और परमेश्वरके प्रसंसा करके कहान लग्गए, “तओ त परमेश्वर गैर-यहूदीनके फिर कभु नाश नाए होन बारो जीबनके ताहीं अपने पाप छोडके परमेश्वर घेन घुमके और येशू ख्रीष्टमे बिश्वास करनको दान दइ हए।”

प्रेरित 11:1

गैर-यहूदी आदमी फिर परमेश्वरको बचनमे बिश्वास करी हएं कहान बारी बात औ चुनेभए चेला और यहूदिया परदेशमे प्रभुमे बिश्वास करन बारे बिश्वासी ददाभइया फिर सुनीं।

लूका 15:2

जा आदमी त पापीके ग्रहण करत हए, और बिनके सँग खानपिन करत हए कहिके फरिसीनको समुह और मोशाको नियम कानुन सिखान बारे गनगन करन लागे।

रोमियों 11:14

ताकी कुछ रितिसे मए मरे अपने यहूदी जातिनसे जलन कर्बाएके उन मैसे कोइ एकको उद्धार करपाओं।

1 तिमोथी 6:13

सबके जीबन देन बारो परमेश्वरके और सँगए-सँग हाकिम पन्तियस पिलातसके अग्गु न्यायके ताहीं लाओभओ समयमे मजबुतसे सच्चो बात कहान बारो येशू ख्रीष्टके साक्षी धरके मए तोके जा आज्ञा देत हओं।

मत्ती 18:11

काहेकी आदमीको लौंणा हराएभएनके बचान आओ हए।