1 तिमोथी 1:13 - राना थारु नयाँ नियम

¹³ मए त बिश्वासी होनसे पहिले ख्रीष्टको बदनाम करत रहओं, और बिश्वासीनके सतात रहओं और बिनको बहुत नुक्सान करो, काहेकी बो समय तक मए ख्रीष्टके बिश्वास नाए करत रहओं, जहेमारे मए बुझ नाएपाओ, काहेकी जो मए करत रहओं बो गलत रहए। जहेमारे ख्रीष्ट मोके दया करी।

परमेस्वर को सच्चो वचन

¹³ पहले मैं बाकी बुराई करो, और सताओ, और बाकी बड़ा बेजती करो; लेकिन परमेस्वर मेरे ऊपर दया करी, काहैकि मोकै अभैले बिस्वास नाय रहै, और जहे बजे से मोकै मालुम नाय रहै, कि मैं का कर रौ हौं।

1 तिमोथी 1:13 Referans Kwoze

प्रेरित 8:3

तओ शाऊल घर-घरमे घुसके मण्डलीके सतान लागो रहए। बो बिश्वासी लोग और बैयरनके घिसियात लैजाएके जेलमे डारत रहए।

1 पतरस 2:10

एकदाओं तुम परमेश्वरके प्रजा नाए रहओ, पर अब तुम परमेश्वरके प्रजा भए हओ। एकदाओं तुम परमेश्वरको कृपा नाए पाए रहओ, पर अब तुम जाके जानत हओ, काहेकी बा पहिलीए तुमके अपनो कृपा दिखाइ हए।

प्रेरित 9:13

तओ हननिया जबाफ दइके कही, “हे प्रभु, मए जा आदमीके बारेमे बहुतनसे सुनो हओं, कि जा यरूशलेम सहरमे तेरे पबित्र जनके बहुत सताइ हए।

हिब्रू 4:16

जहेमारे सहाससे परमेश्वरके अग्गु जामएं, जो अनुग्रहसे भरोहए। और जरुरत पणो समयमे हम परमेश्वरसे दया और अनुग्रह पामंगे।

प्रेरित 3:17

“मेरे बिश्वासी ददाभइया, मोके पता हए, कि तुम और तुमर अगुवा येशूके अन्जानमे मारे। काहेकी तुमके पता नाए रहए, कि बा ख्रीष्ट रहए।

लूका 23:34

तओ येशू कही, “हे दौवा, यिनके क्षमा करीयओ, काहेकी जे का करत हएं सो नाए जानत हएं।” तओ बे बाको कुर्ताके बाँट लगाएके चिट्टा डारीं।

1 तिमोथी 1:16

मए हर कोइ आदमीसे सबसे जद्धा पाप करो हओं, पर येशू ख्रीष्ट मोएमे दया दिखाइ। और परमेश्वर मोके क्षमा करके जहे दिखान चाँहत रहए, कि बा कित्ना सहनशील हए। जा बेहीं आदमीके ताहीं एक उदाहरण होबैगो जो पच्छु बाके उपर बिश्वास करंगे और कभी फिर नाश नाए होन बारो जीबन पामंगे।

फिलिप्पी 3:6

उत्सहाके बारेमे अगर कहाओं तओ, मण्डलीके सतान बारो, और यहूदी नियम कानुनके पालन करनमे मए एक धर्मी आदमी रहओं, काहेकी मए बे सबके पालन करो।

गलातियों 1:13

तुम सुनडारे हओ, कि मए यहूदी धार्मिक नियमके अनुसार जीइत रहओं; और मए परमेश्वरको मण्डलीके बिश्वासीनके बहुत सताओ और बोके नाश करनके कोसिस करत रहओं।

1 कोरिन्थी 15:9

काहेकी मए चुनेभए चेला मैसे सबसे कम महत्त्वपूर्ण हओं, और चुनो भओ चेला कहानको फिर लायक नाए हओं, काहेकी मए परमेश्वरको मण्डलीमे बिश्वासीनके सतात रहओं।

1 कोरिन्थी 7:25

बेहा नाए करे बारेनके बारेमे प्रभुकी कोइ आज्ञा मोके नाए मिलो, पर परमेश्वर अपनी दयाके अनुसार मोके ज्ञान दइ हए जोमे भरोसा करोजाए सकत हए और मए बहेके अनुसार सल्लाहा देत हओं।

प्रेरित 22:4

मए प्रभुको डगरमे नेँगन बारे आदमीनके मरन तक सताओ। और लोग और बैयर दुनौके बाँधके जेलमे डारदओ।

प्रेरित 9:5

बो पुछी, “हे प्रभु, तुम कौन हओ?” और बा कही, “मए येशू हओं, जौनके तए सताए रहोहए।

प्रेरित 9:1

शाऊल, प्रभु येशूके चेलनके मारनके धमकी देत नेँगत रहए। बो प्रधान यहूदी पुजारीके ठिन गओ।

लूका 12:47

हरेक नोकर, जौन अपनो मालिकको इच्छा जानके फिर तयार नाए होइगो और अपनो मालिकको इच्छाबमोजिम नाए करन बारो नोकर, कोर्रासे बहुत मार खाबैगो।