1 थेसलोनिकी 4:3 - राना थारु नयाँ नियम

³ परमेश्वरको इच्छा जा हए, कि तुम पबित्र बनओ अर्थात् तुम व्यभिचार मत् करओ।

परमेस्वर को सच्चो वचन

³ परमेस्वर चाहथै कि तुम पवित्र बनौ और व्यभिचार से बचे रहाबौ।

1 थेसलोनिकी 4:3 Referans Kwoze

1 पतरस 4:2

परिणामके रुपमे बो आदमी जा पृथ्वीमे अपनो बाँकी जीबन अपनुवए पापी मानब इच्छा पुरा करके नाए जिइबैगो, पर बो परमेश्वरके चाहो भओ बात करैगो।

1 थेसलोनिकी 5:23

शान्ति देन बारो परमेश्वर तुमके पुरा रुपसे पबित्र बनाए; तुमर पुरो आत्मा, प्राण और शरीर हमर प्रभु येशू ख्रीष्ट दुबारा लौटके नाए आनतक निर्दोष और सुरक्षित बचे रहाओ।

रोमियों 12:2

और जा संसारके आदमीन कता मतबनओ; पर अपनो मनके पुरा परिबर्तनके द्वारा तुमर चालचलन फिर बदलओ, जोसे तुम परमेश्वरको असल, ग्रहणयोग्य और सिद्ध इच्छा का हए बो तुम पता लगान सिकओ।

हिब्रू 13:4

सबनको बेहा आदरणीय होबए, और बेहामे एकदुस्रेके प्रति बिश्वासयोग्य रहाबओ। काहेकी व्यभिचार और सब मेलके अनैतिक काम करनके और दुस्रेन्को लोगा या बैयर सँग बिगडन बारेनके परमेश्वर सजाय देबैगो।

इफिसियों 5:17

जहेमारे मुरख मतहोबओ पर जा जानन्के ताहीं कोसिस करके बुद्धिमानी बनओ, कि प्रभु तुमसे का कर्बान चाँहत हए।

कलस्सी 3:5

जहेमारे बो खराब काम करनके छोडदेबओ, जो तुमर पापी स्वभाबसे जुडे हएं और जो पृथ्वीमे हएं, जैसेकी व्यभिचार, अशुद्धता, कामुकता, खराब इच्छा। और लालची मतबनओ, जो मूर्तिपुजा करो कता हए।

1 थेसलोनिकी 4:4

तुम सब परमेश्वरके नाए चिनन बारे औरे आदमीको करो हानी शरीरको खराब इच्छामे नाए बल्कि पबित्र हुइके अपनी बैयरसँग इज्जतसे जीबन जीइनके जानन पणत हए।

गलातियों 5:19

तुम सब जानत हओ, कि जो आदमी अपनी इच्छनके पिच्छु चलत हएं, बे जेहिं काम करत हएं, बे व्यभिचार करत हएं, अशुद्ध सोच-बिचार करत हएं, छाडा होत हएं।

1 यूहन्ना 2:17

संसार और संसारके खराब इच्छा नष्ट हुइके जामंगे, पर परमेश्वरको इच्छाके अनुसार चलन बारे आदमी सदिमान रहो रहाबैगो।

मत्ती 7:21

“मोसे, ‘प्रभु, प्रभु’ कहान बारे सब स्वर्गके राज्यमे प्रबेश नाए कर्पएहएं। स्वर्गमे होन बारो मिर दौवाको इच्छा पालन करन बारे आदमी इकल्लो परमेश्वरके राज्यमे प्रबेश कर्पएहएं।

प्रकाश 21:8

पर जोकोइ मिर उपर बिश्वास नाए करत हए, उनके पज्रत आगीमे और गन्धकमे फेँकदओ जाबैगो, जोकी दुस्री मृत्यु हए। और जहे हालत उनको फिर होबैगो, जौन आदमीनके अग्गु मोके स्वीकार करनसे डरात हएं, खराब काम करत हएं, जो हत्या करत हएं, व्यभिचार करत हएं, जादु करत हएं, और मूर्तिनको पुजा करत हएं या ठगत हएं।”

2 थेसलोनिकी 2:13

हे मेरे बिश्वासी ददाभइयओ, हमके लगातार परमेश्वरके धन्यबाद देन पणो काहेकी परमेश्वर तुमके प्रेम करत हए। काहेकी परमेश्वर संसारको सृष्टिसे पहिले तुमके चुनलै, ताकी तुमके बचाए पाबए। बा पबित्र आत्माके कामके द्वारा जो तुमके पबित्र बनातहए और तुमर द्वारा येशू ख्रीष्टके बारेमे सच्चो सन्देशमे बिश्वास करनके द्वारा उद्धार करैगो।

हिब्रू 10:36

तुमके बिश्वासमे स्थिर रहिके आसरा देखन जरुरी हए। तओ तुम परमेश्वरको इच्छा पुरा करपाबैगे और परमेश्वरसे प्रतिज्ञा करेभए सबए चीज पाबैगे।

इफिसियों 6:6

तुमके अपन मालिकको आज्ञापालन करन चाहो, तब्ही इकल्लो नाए जब बे तुमके देखत होमएं, पर तुम ख्रीष्टके दास हओ, जहेमारे तुमके अपनो पुरो मनसे बहे करन चाहो जो परमेश्वर चाँहत हए, कि तुम करओ।

1 कोरिन्थी 7:2

पर व्यभिचारके परीक्षामे पणके अनैतिक कामनके करन बहुत सजिलो बात हए। मए जा सल्लाहा देत हओं, कि हर लोग बेहा करलेमएं और अपनी बैयरके साथ इमान्दार रहाएं।

प्रेरित 15:29

अब खास बात जेहीँ हएं: मूर्तिनको बलि चढाओ भओ खानु मत् खैयओ, कोइ जनाबरको खुन मत् पिइयओ, घेँट अमेठके मारो भओ जनाबरको बुट्टी मतखैओ और व्यभिचारीन्से अलग हुइके बैठियओ। जे बातके पालन करे कहेसे तुमके अच्छो होबैगो। तुम सबके भलाइ होबए। कहान बारी बात इत्कए हए।”

1 थेसलोनिकी 5:18

सब परिस्थितिमे धन्यबाद देओ, काहेकी तुमर ताहीं ख्रीष्ट येशूमे परमेश्वरको इच्छा जहेहए।

मर्कूस 3:35

काहेकी हरकोइ, जौन परमेश्वरको इच्छा पालन करत हएं, बेहीं मिर भइया, बहिनीया और मिर अइया हएं।”

1 पतरस 1:2

दौवा परमेश्वर पहिलीए तुमके अपनो आदमी होनके और पबित्र आत्माको कामसे बिनके पबित्र बनानके ताहीं छाननके फैसला करी रहए। बा अइसो करी ताकी तुम येशू ख्रीष्टको आज्ञापालन करओ और बाको खुनसे शुद्ध हुइ पाबओ। ताकी चुनेभए बारेनके अनुग्रह और शान्ति प्रशस्त होत जाबए।

तीतुस 2:14

येशू ख्रीष्ट अपनएके हमरे फाइदाके ताहीं बलिदान करदइ। ताकी हम अधर्म कामसे छुटकारा पामएं, और हमके नैतिक रुपसे शुद्ध करपाबए। और ताकी हम बाके अपने खास आदमी बन जाएं, जो भले काम करनके ताहीं पुरी तरिकासे समर्पित होत हएं।

कलस्सी 1:9

जहेमारे जौन दिनसे जा बात हम सुनेहएं, हम तुमर ताहीं रोज प्राथना करत आनडटे हएं, कि परमेश्वरको आत्मा तुमके बुद्धि और समझ देबए, और परमेश्वर तुमके सम्पूर्ण रुपसे बाको इच्छा बुझनके ताहीं मदत करए।

2 कोरिन्थी 12:21

कहुँ अइसो नाए होए, कि जब मए घुमके आमंगो, मिर परमेश्वर मोके अपमान करए। और मोके बहुत आदमीनके ताहीं शोक करन पडए जौन पहिले पाप करी रहएं, और अपना करोभओ अशुद्धता, व्यभिचार और छाडापनसे पाप करन छोडके परमेश्वर घेन नाए घुमी हुइहएं।

1 कोरिन्थी 1:30

पर परमेश्वर तुमके येशू ख्रीष्टमे एकजुट बनाइ हए, और ख्रीष्टद्वारा परमेश्वर हमके अपनो बुद्धि दइ हए। परमेश्वर हमके अपनो नजरमे धर्मी फिर ठहिरात हए। ख्रीष्टके द्वारा हम सब पबित्र बनाए गए हएं, और बा हमके पापसे छुटकारा करत हए।

प्रेरित 26:18

ताकी बिनको आँखी खुलए, और बिनके अन्धयारोसे उजियारोमे और शैतानको शक्तिसे परमेश्वर घेन घुमाए पाबए। तओ बे परमेश्वर घेनसे पाप क्षमा पामंगे और मिर उपर बिश्वास करके बे परमेश्वरके चुने भए जनके सँग संगतीमे बैठन पामंगे।’

यूहन्ना 4:34

येशू बिनसे कही, “मिर भोजन कहोक परमेश्वरकी इच्छाके पालन करनो हए, जौन मोके पठाइ हए, और मोए बाको कामके पुरा करनके हए, जौन काम बा मोके सौँपी हए।

मत्ती 15:19

काहेकी हृदयसे खराब बिचार, हत्या, परस्त्रीगमन, व्यभिचार, चोरी, झुठो गवाही, और बदनाम बाहिर निक्रत हएं।

मत्ती 12:50

काहेकी जौन स्वर्गमे होन बारो मिर दौवाको इच्छा पालन करत हएं, बेहीं मिर भइया, बहिनीया, और मिर अइया हएं।”

कलस्सी 4:12

इपाफ्रास जो तुमर गाउँसे हए, और ख्रीष्ट येशूको सेवक हए, तुमके नमस्कार कहात हए। और हमेसा तुमर ताहीं निरन्तर प्राथना करत हएं, ताकी तुम पुरा परिपक्का हुइके पुरा बिश्वासके सँग परमेश्वरके इच्छामे मजबुत हुइ पाबओ।

रोमियों 6:22

पर अब पापसे स्वतन्त्र हुइके और परमेश्वरके दास बनके अब तुम बेहीं कामके करत हओ जो पबित्रता घेन लैजात हए। और जा तुमके अन्तमे कभी फिर नाश नाए होन बारो जीबनमे पुगबैगो।

प्रेरित 20:32

अब मए तुमके परमेश्वरको और बाको अनुग्रहको बचनमे सौँप दओ हओं, जौनके तुमके बिश्वासमे मजबुत करैगो और परमेश्वर तुमके बो बातको हक बारो बनाबैगो, जो बासे पबित्र करेभए सबए जनैके देनके प्रतिज्ञा करीहए।

प्रेरित 15:20

और बोमे उनके जे बातनको जानकारी देमएं; कि ‘बे मूर्तिमे चढाओ भओ खानु नाए खामएं, व्यभिचार नाए करएं, घेँट अमेठके मारे गए जानबरन्को बुट्टी नाए खामएं और जानबरन्को खुन नाए पिइमएं।’

यूहन्ना 7:17

अगर कोइ आदमी परमेश्वरको इच्छा पालन करन चाँहत हए, तओ बो जान जाबैगो, कि मिर शिक्षा परमेश्वरके घेनसे आतहए कि मिर अपनो शिक्षा हए।

हिब्रू 12:16

कोइ फिर व्यभिचारी या अब्राहामको नतिया एसाव कता अधर्मी नाए होबए, काहेकी बो बडो लौंणा रहए, और बोके खास हकदार होनको अधिकार रहए। पर बो जन्मसिध्द अधिकारको सम्मान नाए करी, तब्ही बो अपनो छोटो भइया, याकूबके एक पहार खानके ताहीं अपनो जन्मसिध्द अधिकार बेँचदइ।

रोमियों 1:29

बे सब किसिमके पाप, दुष्टता, स्वार्थ, हिर्ससे भरे हएं। बे दिक्क, हत्या, लणाइ झगडा, छल, और बिजरोसे भरिगए। और बे चुग्ली खान बारे,

प्रकाश 22:15

पर गलत काम करन बारे, मन्तुर करन बारे, व्यभिचार करन बारे, हत्या करन बारे, मूर्ति पुजन बारे और ठगन बारे कभी फिर बो सहरमे नाए घुसपामंगे।

मत्ती 5:32

पर मए तुमसे कहात हओं, जौन अपनी बैयरके व्यभिचारके कारणसे बाहेक और कारणसे छोडैगो, बो बिनके व्यभिचारी बनातहए, और जौन छुटी बैयरसँग बेहा करैगो, बो व्यभिचार करत हए।

1 थेसलोनिकी 4:2

काहेकी तुम जानत हओ, कि जा हुकुम प्रभु येशूके घेनसे आओ हए।