1 थेसलोनिकी 3:11 - राना थारु नयाँ नियम

¹¹ हम प्राथना करत हएं, कि हमर दौवा परमेश्वर और हमर प्रभु येशू ख्रीष्ट तुमसे भेँट करनके ताहीं डगर तयार करए।

परमेस्वर को सच्चो वचन

¹¹ हमरे परमेस्वर और दऊवा खुद और हमरे प्रभु ईसु हमरे ताहीं तुमरे झोने आन को रस्ता तैयार कर सकथै!

1 थेसलोनिकी 3:11 Referans Kwoze

मत्ती 6:32

काहेकी गैर बिश्वासी जे सब बात ढुणत हएं, और तुमर स्वर्गमे होन बारो दौवा जा सब घटिकमी जानत हए। जहेमारे चिन्ता मत् करओ।

2 थेसलोनिकी 2:16

हम अपनए हमर प्रभु येशू ख्रीष्टसे और हमर दौवा परमेश्वरसे प्राथना करत हएं, जो हमसे प्रेम करत हएं, और जौन अपनो अनुग्रहसे हमके कभी फिर अन्त नाए होन बारो प्रोत्सहान और मजबुत आसरा दइ हए।

1 थेसलोनिकी 3:13

हम प्राथना करत हएं, कि हामरो प्रभु येशू तुमर मनके मजबुत करए, कि जब हमर प्रभु येशू अपने सब पबित्र आदमीनके सँग लौटके आए तओ बे हमर दौवा परमेश्वरके अग्गु पबित्रतामे निर्दोष होमएं।

लूका 12:32

“तुम भेंणनके छोटो बगाल हानी हओ, जहेमारे कोइ फिर बातके बारेमे मतडराबओ, काहेकी तुमके राज्य देनके ताहीं, तुमर स्वर्गमे होन बारो दौवा खुसी हए।

मत्ती 6:26

बादरके चिरैंचिरगुनीन्के देखओ, बे नए त बीज बोतहएं, नए त अन्न कटनी करत हएं, नए त बक्खारीमे जम्मा करत हएं? पर स्वर्गको दौवा बिनके खबात हए। और तुम चिरैंचिरगुनीनसे बहुत मूल्यवान हओ।

1 यूहन्ना 3:1

बिचार करओ, कि दौवा परमेश्वर हमसे कैसो प्रेम करीहए, बाको प्रेमको कारण हम परमेश्वरके सन्तान कहेगए हएं। पर जौन आदमी जा संसारके आदमीसे सम्बन्ध बनात हएं, बे नाए जानत हएं, कि हम परमेश्वरके सन्तान हएं। काहेकी बे दौवा परमेश्वरके नाए चिन्हत हएं।

2 थेसलोनिकी 3:5

हम प्राथना करत हएं, कि प्रभु येशू ख्रीष्ट तुमके जा सम्झनको लायक बनाबए, कि परमेश्वर तुमके कित्नो प्रेम करत हए। और तुम अइसे सहाओ, जैसे येशू ख्रीष्ट सही।

लूका 12:30

काहेकी दुनियाके सब आदमी जा बातके खोजिमे रहतहएं। तुमर स्वर्गमे होन बारो दौवा जानत हए, कि तुमके जे सब बातकी जरुरत हए।

मर्कूस 1:3

जंगली इलाकामे एक आदमी अइसो चिल्लत रहए, प्रभुके आगमनके ताहीं अपनएके तयार करके डगर सुधारओ, जौनसे हुइके बा आबैगो।”

गलातियों 1:4

हमर दौवा परमेश्वरकी इच्छाके अनुसार ख्रीष्ट येशू अपनए हमरे पापके ताहीं बलि हुइगओ, ताकी हम जा बर्तमान संसारके आदमीनके खराब प्रभावसे बचे रहिपामएं।

रोमियों 1:3

जा अच्छो समाचार परमेश्वरको लौंणा, हमर प्रभु येशू ख्रीष्टके बारेमे हए, बाको जनम राजा दाऊदको बंशमे आदमीके रुपमे भओ रहए।

मत्ती 6:18

ताकी आदमी नाए, पर तुमर दौवा परमेश्वर जौन गुप्तमे हए, बो तुमए उपवास बैठो जानए। ताकी जा बात गुप्तमे होन बारो तुमर दौवा परमेश्वर देखए, और गुप्तमे देखन बारो दौवा परमेश्वर तुमके इनाम देहए।

मत्ती 6:14

जहेमारे अगर तुम आदमीके बिरुद्धमे गलत काम क्षमा करैगे, तओ तुमके स्वर्गमे होन बारो दौवा परमेश्वर फिर तुमके गलत कामको क्षमा करैगो।

मत्ती 6:6

पर जब तुम प्राथना करैगे तओ अपन कोठामे जाओ; और फाटक बन्द करके अपन दौवासे प्राथना करओ जो गुप्तमे हए, तओ तुमर दौवा जो गुप्तमे देखत हए तुमके प्रतिफल देबैगो।

कलस्सी 1:2

ख्रीष्टमे, बे पबित्र और भरोसायोग्य बिश्वासी ददाभइयाके नाउँसे जो कलस्से सहरमे रहात हएं। मए प्राथना करत हओं, कि हमर दौवा परमेश्वर और प्रभु येशू ख्रीष्ट तुमके अनुग्रह और शान्ति देबए।

2 कोरिन्थी 6:18

मए तुमर दौवा होमंगो, और तुम मिर लौंणालौंणीया होबैगे; जा सर्बशक्तिमान परमप्रभु परमेश्वरको बचन हए।”

मत्ती 6:4

तुमर दान गुप्तमे होबए, और गुप्तमे देखन बारो तुमर दौवा तुमके इनाम देहए।

यूहन्ना 20:17

येशू बोसे कही, “मिर पाउँ पकणके मोके मतरोक, काहेकी मए अभएतक दौवाके ठिन उपर नाए गओ हओं, बल्कि मेरे बिश्वासी ददाभइयनके ठिन जाएके उनसे कहिदे, कि मए अपनो दौवा और तुमर दौवा, और मिर परमेश्वर और तुमर परमेश्वरके ठिन उपर जातहओं।”

1 थेसलोनिकी 4:16

काहेकी प्रभु येशू अपनए स्वर्गमे उतरैगो; बो समय आदमी उँचो अबाजमे हुकुम देत सुनंगे, आदमी एक प्रधान स्वर्गदूतके मस्कत सुनंगे और आदमी एक स्वर्गदूतके परमेश्वरको तुरही बजात सुनंगे। और जो ख्रीष्टमे बिश्वास करतए मरिगए हएं, बे पहिले जीइ उठंगे।

1 थेसलोनिकी 5:23

शान्ति देन बारो परमेश्वर तुमके पुरा रुपसे पबित्र बनाए; तुमर पुरो आत्मा, प्राण और शरीर हमर प्रभु येशू ख्रीष्ट दुबारा लौटके नाए आनतक निर्दोष और सुरक्षित बचे रहाओ।

2 थेसलोनिकी 3:16

मए प्राथना करत हओं, कि प्रभु जो शान्तिको स्रोत हए बा हर तरिकासे तुमके लगातार शान्ति देत रहाबए, और प्रभु तुम सबके सँग लगातार रहाबए।

प्रकाश 21:3

तओ मए परमेश्वरको सिंहासनसे बडो स्वरसे मस्कनडटो एक अबाज सुनो, “देखओ, अबसे परमेश्वर मानब जातिनके अपनो बासस्थान बनाबैगो। और बे बाके प्रजा होमंगे और बा अपनए बिनके अपने आदमीनके रुपमे स्वीकार करैगो और बे फिर बाके अपनो परमेश्वरके रुपमे स्वीकार करंगे।