1 थेसलोनिकी 2:16 - राना थारु नयाँ नियम

¹⁶ और अब बे, गैर-यहूदीनसे उनको उद्धारके ताहीं बात करनसे हमके रोकत हएं। बे अपने पापमे, पाप जोडतए जात हएं, अब अन्तमे परमेश्वर नेहात्तओ उनके दण्ड देन बारो हए।

परमेस्वर को सच्चो वचन

¹⁶ हिंयाँ ले कि बे हमैं गैर यहूदि कै उपदेस देन से रोकन की कोसिस करीं, जोसे उनकै उद्धार मिलतो। ऐसे करकै बे अपने पापन को घल्ला भर्‌रै हैं, जो बे हमेसा करथैं। और अब परमेस्वर को गुस्सा उनके ऊपर आए चुको है!

1 थेसलोनिकी 2:16 Referans Kwoze

प्रेरित 17:13

थेसलोनिके सहरमे भए यहूदी मेशोदोनिया परदेशको बेरिया सहरमे फिरसे पावल परमेश्वरको बचन परचार कर रहोहए कहान बारी बात बे सुनीं। बे बेरिया गाउँमे आएके आदमीनके भणकातए और हलचल मचातए पावलको बिरोध करन आएपुगे।

प्रेरित 14:19

पर कितने यहूदी, पिसिदिया परदेशको एन्टिओखिया सहर और आइकोनियन सहर आएके आदमीनके अपने घेन करलैं, और पावलके पत्थरसे मारीं। और मरो समझके बोके गाउँसे बाहिर घसिटत लैगए।

मर्कूस 16:16

जो कोइ फिर अच्छो समाचारमे बिश्वास करैगो और एक चिन्हाके रुपमे बप्तिस्मा लेबैगो, बो परमेश्वरसे अपने पापनके ताहीं दण्ड पानसे बचाओ जएहए। पर हरकोइ, जो मोएमे बिश्वास करनसे मनाही करैगो, बो परमेश्वरद्वारा अपन पापके ताहीं दण्ड पाबैगो।

मत्ती 23:32

मोके पता हए, तुम अपनए बे पापके पुरा करन बारे हओ जैसी तुमर पुर्खा सुरु करि रहएं।

2 थेसलोनिकी 2:10

और बो दुष्ट आदमी हर मेलके खराब काम करैगो। और बेहीं आदमीके धोखा देबैगो जो परमेश्वरके द्वारा नाश करेजामंगे। काहेकी बे आदमी बो सत्यतामे बिश्वास करनसे अस्वीकार करत हएं, जौन सत्यता बिनके बचाए सिकत हए।

गलातियों 5:11

हे मेरे बिश्वासी ददाभइयओ, मए परचार करत हओं, कि खतना जरुरी नाए हए, जैसेकी यहूदी समुहको नियम कानुन माँग करत हए और जहेमारे मोके यहूदीनके द्वारा सताओ मिल रहो हए; अगर मए ख्रीष्टको मृत्युके बारेमे परचार करनके छोडके जा परचार करतो, कि आदमीनके खतना करोजान चाहो। तओ मए यहूदी समुहनके ताहीं अपमानको कारण नाए हुइतो।

प्रेरित 14:5

गैर-यहूदी और यहूदी दुनौ उनको सासकके सँग मिलके बिनके सतान और पत्थरसे मारन योजना करीं।

प्रेरित 13:50

पर यहूदी अगुवा, भक्ति करन बारे उच्च श्रेणीके बैयर और सहरके नेतनके समेत पावल और बारनाबासके बिरोधमे उपद्र करनके उठाइं और बे दुई जनैके बो परदेशको सिमानासे बाहिर निकार दइं।

1 तिमोथी 2:4

परमेश्वर चाँहत हए, कि सबके सच्चाईको ज्ञान होबए, और बे आदमी मुक्ति पामएं।

प्रेरित 13:45

पर यहूदी अगुवा भिडनके देखके दिक्कसे भरीगए और पावलको बत्काओ भओ बातके बिरोध करतए उनको बदनाम करन लागे।

मत्ती 12:45

तओ बो भुत जातहए और अपनसे फिर जद्धा खराब औ सात भुतनके अपन सँग बुलात हए, और आदमीक भितर घुसके बे डेरा धरत हएं, और बो आदमीको पिच्छु कि दसा पहिलेसे फिर खराब होत हए, जा समयके दुष्ट आदमीके सँग फिर अइसियए होबैगो।”

मत्ती 3:12

बाको, फटकन बारो सुपो बाके हातमे हए, और बा अपनो आँगनमे अच्छेसे सफा करेहए, और गेहुँके कुठियामे इकट्ठा करैगो, पर भुसाके नाए बुतन बारी आगीमे जलाबैगो।”

प्रकाश 22:11

जोकोइ फिर घिनौनो काम करत हए, उन्हएं उनको घिनौनो कामनके करनदेओ। अइसियए जोकोइ फिर अच्छो और पबित्र काम करत हए, उन्हएं उनको अच्छो और पबित्र कामनके करनदेओ।”

हिब्रू 6:8

औरे आदमी बो जमीन जैसे हएं, जौन काँटो और सेहुँर जमात हएं और बो जमीन बेकार होत हए। बो जमिनमे त परमेश्वरको सराप पणन डर होत हए और जा आगीसे नष्ट हुइजए हए।

1 थेसलोनिकी 1:10

और परमेश्वरको लौंणाके स्वर्गसे फिरसे लौटके आनको आसरा करत रहाबओ जौनके परमेश्वर मरो भओ मैसे जिन्दा करी, अर्थात् येशूके, जो परमेश्वरको आन बारो क्रोधसे बचात हए।

इफिसियों 3:13

जहेमारे मए तुमसे बिन्ती करत हओं कि जो दुख तुमर ताहीं मोके हुइ रहो हए, उनके कारण हार मत् मानओ, बल्कि तुमके सम्मानित महसुस करनके चाहो, कि मए तुमर ताहीं जे बातन्को कष्ट सहनके तयार हओं।

इफिसियों 3:8

तहुँफिर मए परमेश्वरके सब पबित्र आदमीनके ताहीं सबसे कम महत्वपूर्ण हओं। परमेश्वर, अनुग्रहके द्वारा मोके जा मौका दइ, कि मए गैर-यहूदीनके अच्छो समाचार परचार करपामओं कि ख्रीष्ट असिम आशिर्बादको स्रोत हए।

प्रेरित 19:9

पर कित्ने आदमी मन कठोर करके प्रभुमे बिश्वास करनसे इन्कार करदइं। उल्टए बे प्रभुको दओ भओ मुक्ति पान बारो डगरके सबएके अग्गु बदनाम करीं। जहेमारे पावल, बिनको यहूदी सभाघरमे जानए छोड दइ और प्रभुमे बिश्वास करन बारे चेलन्के अपने सँग लैगओ। तओ फिर पावल टुरान्नस स्कुलमे दिनएदिन आदमीन सँग भेँटके मुक्तिके बारेमे बादबिबाद करी।

प्रेरित 14:2

पर बिश्वास नाए करन बारे यहूदी, गैर-यहूदी आदमीनके प्रभुमे बिश्वास करन बारे बिश्वासी ददाभइयनको बिरोधमे भणकाइं।

प्रेरित 4:12

और येशू बाहेक औ कोइमे मुक्ति नाए हए, काहेकी येशूको नाउँ बाहेक बादर तरे औ कोइ नाउँ नाए दइ हए, जौनके द्वारा हम मुक्ति पान सकएं।”

मत्ती 24:14

और राजाको जा अच्छो समाचार सारा संसारमे सब जाति-जातिके आदमीनके ताहीं गवाहीके ताहीं परचार करो जएहए, ताकी सबए देशके जा स्वीकार करनके मौका मिलए।”

मत्ती 24:6

तुम युद्ध और युद्धको हल्ला सुनैगे तओ मत् घबणैयओ, काहेकी जा सब बात होनके जरुरी हए, पर अन्त बहे समयमे नाए हुइहए।

प्रेरित 9:23

जब शाऊलके दमस्कस सहरमे रहे बहुत दिन हुइगओ रहए, तओ यहूदी मिलके बोके मारडारन्के षड़यन्त्र बनाइं।

प्रेरित 21:21

बे यहूदी बिश्वासी तुमर बारेमे फिर कुछ बात बताइ हएं। बो का हए, कि ‘गैर-यहूदीके बीचमे बैठन बारे यहूदी समुहनके तुम मोशाको नियम कानुनके छोड देओ और बिनके बालकाके खतना मत् करीयओ और यहूदी रितिथिति पालन मत् करीयओ करके सिखाइ हएं।’

प्रेरित 23:12

जब सबेरे उजियारो भओ तओ कुछ यहूदी आदमी एकठिन जमा हुइके पावलके नाए मारे बिना कुछु नाए खामंगे और कुछु नाए पिमंगे कहिके कसम खाइं।

प्रेरित 24:9

बे यहूदी समुह फिर, जा बात सब सच्चो हए कहिके समर्थन करीं।

प्रेरित 25:2

मुखिया यहूदी पुजारी और यहूदी समुहके अगुवा पावलके बिरुद्धमे दोष लगाइं।

प्रेरित 25:7

जब पावल आओ तओ यरूशलेम सहरसे आएके यहूदी अगुवा बोके आसपिस ठाणीगए, और पावलके बिरुद्धमे इतएउतएको दोष लगाइं। पर बे कोइ फिर दोषको प्रमाण नाए दइ पाइं।

1 कोरिन्थी 10:33

मिर देखासेखी करओ। मए जो कुछ फिर करत हओं, बे सबके खुसी करनके कोसिस करत हओं। काहेकी मए अपने भलाइके बारेमे नाए सोँचत हओं, बल्कि सब आदमीनको भलाइके बारेमे सोँचत हओं। ताकी उनके अपने पापनको न्यायसे बचाए जाए सकएं।