1 थेसलोनिकी 1:3 - राना थारु नयाँ नियम

³ जब हम अपनो दौवा परमेश्वरसे प्राथना करत हएं, तओ हम बे कामके याद करत हएं जो तुम बिश्वासके कारण करत हओ। और दुस्रेनके उपर प्रेम दिखानके ताहीं जो कडी मेहेनत तुम करत हओ, और तुम सतावट सहे करत हओ काहेकी तुम प्रभु येशू ख्रीष्टको लौटनको आसरा कर रहेहओ।

परमेस्वर को सच्चो वचन

³ हम अपने परमेस्वर और दऊवा के सामने तुमरे बिस्वास के काम, और प्रेम की मेहनत, और हमरे प्रभु ईसु मसीह मैं आसा की मजबूती कै लगातार याद करथैं।

1 थेसलोनिकी 1:3 Referans Kwoze

1 कोरिन्थी 13:13

जहेमारे अब, जे तीन परकारके कामके हमएं करन चाहो: परमेश्वरमे बिश्वास कर्नो, परमेश्वरके बाचामे आसरा कर्नो, और दुस्रेनके प्रेम कर्नो। पर जे तीन मैसे एक सबसे बडो हए: बो हए, दुस्रे जनैनके प्रेम कर्नो।

प्रकाश 2:19

मए पता हए, कि तए कैसे कडा मेहेनत करत हए, तए एकदुस्रेनके प्रेम करत हए और तिर बिश्वास मोएमे मजबुत हए। और मोके पता हए, कि तए एकदुस्रेनके कैसे मदत करत हए, तोएमे सहानको क्षमता हए। मोके पता हए, कि तए पहिले मोएमे बिश्वास करो समयसे अभए जे अच्छे काम करनडटो हए।

गलातियों 5:6

अगर तुम ख्रीष्ट येशूके चेला हओ तओ जा बातसे कोइ फरक नाए पणत हए, कि तुमर खतना भओहए या नाए भओहए, पर जरुरी बात जा हए, कि हम ख्रीष्टके हमर मुक्तिदाताके रुपमे बिश्वास करत हएं। और हम परमेश्वर और दुस्रे आदमीनके प्रेम करत हएं।

2 थेसलोनिकी 1:11

जहेमारे लगातार हम, तुम सबके ताहीं प्राथना फिर करत हएं, ताकी हमर परमेश्वर तुमके बहे करनके लायक बनाबए जो करनके ताहीं बा तुमके बुलाइ हए। और परमेश्वर अपनो शक्तिके द्वारा सब काममे मदत करए ताकी तुमर सब भले इच्छा पुरा होएं और जो कुछ फिर तुम बिश्वाससे कर रहेहओ, बो पुरा होबए।

1 यूहन्ना 5:3

परमेश्वरसे प्रेम करनको अर्थ जहेहए, कि बाकी आज्ञाके पालन करनो। और बाकी आज्ञाके पालन करनके मुस्किल नाए हए।

गलातियों 6:9

हम भले काम करनमे निरास नाए होमएं, अगर हम कभी हार नाए मानंगे तओ परमेश्वरके समयमे इनाम पामंगे।

रोमियों 15:13

मए प्राथना करत हओं, कि परमेश्वर जो आसरा देन बारो हए, तुमके बिश्वास करनमे पुरा रुपसे खुसी और शान्तिको आनन्द लेनमे मदत करसकए। ताकी पबित्र आत्माको शक्तिसे तुमर आसरा बढतए जाए।

1 यूहन्ना 3:3

और जोकोइ ख्रीष्टमे जा आसरा करत हए, बो अपनएके पबित्र करत हए, जैसो बा पबित्र हए।

1 थेसलोनिकी 3:6

पर हबए तिमोथी जो तुमर ठिनसे हमरे हियाँ आएके तुमर बिश्वास और प्रेमको अच्छो समाचारको परचार करी। और जा बातके फिर सुनाइ, कि तुम रोज प्रेमसे हमके याद करत हओ, और हमके भेँटनके इच्छा करत हओ, जैसे हम फिर तुमके देखनकी इच्छा करे।

1 यूहन्ना 3:18

हे मेरे प्यारे बालकओ, हम मुँहुँ और बातसे इकल्लो प्रेम नाए करएं, हमर प्रेम सच्चो होन पणत हए। अइसो प्रेम काम द्वारा इकल्लो दिखात हए।

हिब्रू 10:36

तुमके बिश्वासमे स्थिर रहिके आसरा देखन जरुरी हए। तओ तुम परमेश्वरको इच्छा पुरा करपाबैगे और परमेश्वरसे प्रतिज्ञा करेभए सबए चीज पाबैगे।

1 कोरिन्थी 15:58

जहेमारे हे मेरे प्यारे बिश्वासी ददाभइयओ, अपने बिश्वासमे मजबुत रहाबओ, और प्रभुके ताहीं जो तुम करत हओ बोमे हमेसा बढतए जाओ, काहेकी तुम जा जानत हओ, कि जो काम तुम प्रभुके ताहीं करत हओ बो बेकार नाए होबैगो।

2 थेसलोनिकी 1:3

हे मेरे बिश्वासी ददाभइयओ, तुमर ताहीं हमके लगातार परमेश्वरके धन्यबाद देन पणो, और अइसो करनो हमरे ताहीं सही हए। काहेकी तुम प्रभु येशूमे लगातार बहुतसे बहुत बिश्वास करत हओ, और तुम सब लगातार एकदुस्रेसे बहुतसे बहुत प्रेम करत हओ।

1 यूहन्ना 3:21

प्रिय, हमर मन हमके दोष नाए देहए तओ परमेश्वरके अग्गु हमके हिम्मत आत हए।

1 पतरस 3:4

तुमर हृदयमे भए बात तुमके सुन्दर बनात हए। जहे नम्र और शान्त ब्यबहार हए, जो परमेश्वरके ताहीं बहुत मुल्यवान हए।

हिब्रू 11:17

बिश्वाससे अपनो परीक्षा होत अब्राहाम अपनो लौंणा इसहाकके बलि चढानके ताहीं तयार रहए। और परमेश्वर अब्राहामसे जा लौंणाके बारेमे प्रतिज्ञा करी रहए तहुँफिर अपनो इकल्लो लौंणाको बलि चढान बो तयार भओ।

हिब्रू 6:15

अब्राहाम धैर्यसे लम्बो समय तक आसरा लगो। और बो, परमेश्वर प्रतिज्ञा करो भओ आशिष पाइ।

1 तिमोथी 2:3

सब आदमीके ताहीं अइसे प्राथना करन सही हए, और हमके उद्धार देन बारो परमेश्वर जाके स्वीकार करत हए।

गलातियों 5:13

हे मेरे बिश्वासी ददाभइयओ, तुमके परमेश्वरके द्वारा छुटकारा होनके ताहीं बुलाओ गओ रहए, और जहेमारे अब तुमके मोशाको नियम कानुनके पालन करनके जरुरी नाए हए; और अपनी शारीरिक इच्छनके अनुसार चलन बारे मतबनाओ, बल्कि एक-दुस्रेसे प्रेम करओ और एक-दुस्रेको सेवा करओ।

गलातियों 1:4

हमर दौवा परमेश्वरकी इच्छाके अनुसार ख्रीष्ट येशू अपनए हमरे पापके ताहीं बलि हुइगओ, ताकी हम जा बर्तमान संसारके आदमीनके खराब प्रभावसे बचे रहिपामएं।

रोमियों 16:6

तुमर ताहीं बहुत मेहेनत करन बारी मरियमके मिर नमस्कार हए।

रोमियों 15:4

जित्नो बात पबित्र-शास्त्रमे पहिलीयएसे लिखेहएं, बे हम्रीए शिक्षाके ताहीं लिखेगए हएं, ताकी हम पबित्र-शास्त्रसे पान बारो धिरज और हौसलासे हमरमे आसरा होबए।

रोमियों 12:12

तुमर ठिन जो आसरा हए बोमे तुमके खुसी होन चाहो, दुखमे धैर्य करओ, और लगातार प्राथना करतए रहाओ।

रोमियों 2:7

जौन असल काममे स्थिर रहिके महिमा, आदर और अमरकी खोजिमे हए, उनके परमेश्वर कभी फिर नाश नाए होन बारो जीबन देबैगो;

प्रेरित 10:31

‘ए कर्नेलियस, परमेश्वर तेरो प्राथना सुनी हए और तए गरीबनके करोभओ दानको कामके याद करीहए।

प्रेरित 3:19

जहेमारे पाप करन छोडके परमेश्वर घेन घुमओ, ताकी तुमर पाप क्षमा करे जाएं, तओ परमेश्वरके तरफसे आत्मिक समर्थको समय आबैगो।

यूहन्ना 14:15

अगर तुम मोके प्रेम करत हओ कहेसे, जो आज्ञा मए तुमके दओ हओं बोके फिर पालन करओ।

हिब्रू 4:11

जहेमारे हम जा बिश्रामको ठाउँमे घुसनके ताहीं कोसिस करएं। और कोइ फिर परमेश्वरको आज्ञापालन करनके अस्वीकार करन बारे आदमीनके नमुना नाए मानएं। तब्ही इकल्लो हम बो बिश्रामके ठाउँमे घुसपामंगे।

2 कोरिन्थी 2:17

काहेकी तमान आदमी हानी हम परमेश्वरको बचन रुपैयाके ताहीं परचार नाए करत हएं, पर शुद्ध मनसे और ख्रीष्टको अधिकारसे हम परमेश्वरको बचन परचार करत हएं, जा जानके, कि परमेश्वर हमके देखन डटो हए।

रोमियों 16:26

पर अब अनन्तको परमेश्वरको आज्ञाके अनुसार अगमबक्ताके लिखेभए पबित्र-शास्त्र द्वारा प्रकट करोगओ हए और परचार करोगओ हए जा हेतुसे, कि सबए जाति बिश्वास करएं और आज्ञापालन करएं।

यूहन्ना 15:10

अगर मिर आज्ञापालन करैगे, तओ तुमर प्रेम मोएमे बनो रहाबैगो, जैसी मए मिर दौवाको आज्ञापालन करो हओं, और दौवाको प्रेम मोएमे बनो रहात हए।

प्रकाश 3:10

तए मेरे सन्देशके पालन करो ताकी जब तए दुख उठाबए तओ बोके धैर्य साथ सहिपाबए। जहेमारे, मए तोके बडी परीक्षाके समयमे रक्षा करंगो। परीक्षाको जा समय संसारके सब आदमीनमे आबैगो।

1 तिमोथी 1:14

हमर प्रभु लगातार मिर उपर बहुत जद्धा अनुग्रह, बिश्वास और प्रेम दइ, काहेकी मए ख्रीष्ट येशूके सँग एकजुटमे रहओं।