1 थेसलोनिकी 1:1 - राना थारु नयाँ नियम

¹ मए पावल, सिलास और तिमोथीके घेनसे जा चिट्ठी थेसलोनिके सहरमे रहान बारे मण्डलीके ताहीं लिखरहे हएं। जो दौवा परमेश्वर और प्रभु येशू ख्रीष्टसे सम्बन्धित हए। मए प्राथना करत हओं, कि परमेश्वर तुमर उपर अनुग्रह करए और शान्ति देबए।

परमेस्वर को सच्चो वचन

¹ पौलुस और सीलास और तीमुथियुस के घाँईं से थिस्सलुनीकियों की कलीसिया के नाओं जो दऊवा परमेस्वर और प्रभु ईसु मसीह मैं है। अनुग्रह और सांति तुमकै मिलत रहबै।

1 थेसलोनिकी 1:1 Referans Kwoze

रोमियों 1:7

मए तुम सबके लिखरहो हओं जो रोम सहरमे हएं जौननके परमेश्वर प्रेम करत हए, और बाके अपने पबित्र आदमी होनके ताहीं बुलाए गए। हमरे दौवा परमेश्वर और प्रभु येशू ख्रीष्टके तरफसे तुमके अनुग्रह और शान्ति मिलतए रहाबए।

2 थेसलोनिकी 1:1

मए पावल, सिलास और तिमोथीके घेनसे, जा चिट्ठी थेसलोनिके सहरमे रहान बारे मण्डलीनके ताहीं हम लिखरहे हएं, जो दौवा परमेश्वर और प्रभु येशू ख्रीष्टसे सम्बन्धित हए।

प्रेरित 20:4

तओ यात्रामे बिरिया सहरके आदमी, पुरसको लौंणा सोपात्रोस, थेसलोनिके सहरमे रहान बारे अरिस्‍तार्खस और सिकन्दश, डर्बी गाउँके गायस, और तिमोथी लुस्त्रा गाउँसे और एशिया परदेश तक तुखिकस और त्रोफिमस बिनके सँगमे रहएं।

प्रेरित 18:5

सिलास और तिमोथी माकेडोनिया परदेशसे आए, तओ पावल किरपाल बनान बारो काम छोडके बो पुरा रितिसे परचारको काममे लागो। बो यहूदीनके “येशूए मुक्ति देन बारो राजा ख्रीष्ट हए” कहिके गवाही दइ।

यहूदा 1:1

मए यहूदा जा चिट्ठी तुमके लिखनडटो हओं। मए येशू ख्रीष्टको दास और याकूबको भइया हओं। मए जा चिट्ठी परमेश्वरमे बिश्वास करनके बाके द्वारा बुलाएभए आदमीनके लिखनडटो हओं। तुमके परमेश्वर हमर दौवा प्रेम करत हए और येशू ख्रीष्टमे सुरक्षित रक्खी हए।

1 पतरस 5:12

सिलासको मदतसे मए जा छोटो चिट्ठी तुमके लिखके पठाओ हओं। ख्रीष्टमे मए बोके बिश्वासयोग्य भइया सम्झत हओं। मिर चिट्ठी लिखनको उदेश्य तुमके उत्सहा देनो और पक्का कर्नो हए, कि तुम अनुभव कररहे तुमर ताहीं परमेश्वरको अनुग्रह हए। जा अनुग्रहमे पक्को हुइके ठाणे रहाओ।

2 कोरिन्थी 1:19

काहेकी सिलास, तिमोथी और मए तुमर बीचमे परचार करोभओ परमेश्वरको लौंणा येशू ख्रीष्ट झुठो नाए हए। पर बामे रोज सच्चाई इकल्लो हए।

प्रेरित 19:22

जहेमारे पावल सेवा करन बारो मैसे तिमोथी और इरास्तसके माकेडोनिया परदेशमे अपनेसे अग्गु पठाइ, पर बो अपना कुछ दिनतक एशिया परदेशको एफिसस गाउँमे रहो।

प्रेरित 17:11

हुवाँके यहूदी, थेसलोनिके सहरके आदमीनसे बहुत जद्धा असल रहएं। बे परचार एकदम अच्छो मानके सुनीं। पावलकी कही, बात मिल्त हए कि नाए मिल्त हए कहिके बे रोजए पबित्र-शास्त्र पढके जात रहएं।

हिब्रू 13:23

तुम जा जानलेओ, कि हमर भइया तिमोथी जेलसे छुटीगओ हए और अगर बो जल्दीए आइगओ तओ मए बोके सँग तुमके भेँट करबामंगो।

2 तिमोथी 1:2

हे तिमोथी, मए तोके जा चिट्ठी लिखरहो हओं, और तए मेरे ताहीं एक प्रिय लौंणाके हानी हए। मए प्राथना करत हओं, कि दौवा परमेश्वर और हमर प्रभु येशू ख्रीष्ट तोके अनुग्रह, दया और शान्ति देबए।

1 तिमोथी 1:2

मए जा चिट्ठी तिमोथीके लिखरहो हओं: तए मिर अपनो लौंणा जैसो हए, काहेकी तए ख्रीष्टमे बिश्वास करत हए। मए प्राथना करत हओं, कि हमर दौवा परमेश्वरसे और हमर प्रभु येशू ख्रीष्टसे तोके अनुग्रह, दया और शान्ति मिलतए रहाबए।

कलस्सी 1:1

परमेश्वरको इच्छा द्वारा मए पावल और हमर बिश्वासी भइया तिमोथीसँग मिलके जा चिट्ठी लिखरहे हएं, मए येशू ख्रीष्टसे चुनो भओ चेला हओं।

फिलिप्पी 1:1

मए पावल, तिमोथीके सँगमे, ख्रीष्ट येशूके दासके रुपमे जा चिट्ठी फिलिप्पी सहरके मण्डलीके रेखदेख करन बारे अगुवा और मण्डलीके सेवक सहित सब परमेश्वरके आदमीनके ताहीं लिखनडटो हओं, जो ख्रीष्ट येशूसे सम्बन्धित हएं।

इफिसियों 1:2

मए प्राथना करत हओं, कि हमर दौवा परमेश्वर और प्रभु येशू ख्रीष्ट तुमके अनुग्रह करए और शान्ति प्राप्त करनमे तुम्री मदत करए।

गलातियों 1:22

पर ख्रीष्टमे बिश्वासी जो यहूदिया परदेशके मण्डलीमे रहात रहएं, बे मोके कभु भेँटी नाए रहएं।

गलातियों 1:2

मए जा बे मण्डलीनके या बिश्वासी ददाभइयनको समुहके लिखरहो हओं, जो गलातिया परदेशमे हएं।

2 कोरिन्थी 1:1

मए, पावल हमर बिश्वासी भइया तिमोथीसँग जा चिट्ठी लिखनडटो हओं। मए परमेश्वरकी इच्छासे ख्रीष्ट येशूको चुनो भओ चेला हओं। मए जा चिट्ठी कोरिन्थ सहरमे भए परमेश्वरको मण्डलीनके, और लगायत सारा अखैया परदेशमे भए सब पबित्र जनके लिखनडटो हओं।

1 कोरिन्थी 1:2

मए जा चिट्ठी तुमके पठाएरहो हओं, जो कोरिन्थ सहरमे भए परमेश्वरके मण्डली हएं, अर्थात् हम जे बात लिखत हएं, जौनके परमेश्वर अपने आदमीनके रुपमे अलग करीहए। बा तुमके ख्रीष्ट येशूमे एकजुटमे बाँधी हए, और बा तुमके पबित्र आदमी होनके बुलाइ हए; उइसीयए, जैसे परमेश्वर औ सब आदमीनके छानी हए, जौन हमरे ठिहामे हमर प्रभु येशू ख्रीष्टको सेवा करत हए, काहेकी बा हमर सबको प्रभु हए।

प्रेरित 16:29

जा सुनके हाकिम दिया माँगके दौरतए भितर आओ, और डरसे काँपतए पावल और सिलासको पाँओँमे पणिगओ।

प्रेरित 16:25

तओ आधीरातमे पावल और सिलास प्राथना करतए परमेश्वरको भजन गात रहएं, और औ कैदी सो सुनत रहएं।

प्रेरित 16:19

अब मालिकके, बो लौंणीयासे रुपैया कमानको आसरा बन्द हुइगओ। तओ जा बात पता पाएके बे पावल और सिलासके पकणके सहरको चौरहामे भओ न्याय करन बारो ठाउँमे लैगए।

प्रेरित 15:40

पर पावल सिलासके चुनलै, और बिश्वासी ददाभइयनसे परमेश्वरको अनुग्रहमे अपनएके सौँपके एन्टिओखिया सहरसे चलो गओ।

प्रेरित 15:27

और जे दुई भइयनके सँग हम यहूदा और सिलासके फिर पठाए हएं। हमरी लिखी बात बे अपनए फिर तुमके भेँटके बतामंगे।

1 यूहन्ना 1:3

येशूके बारेमे जो कुछ हम देखे और परचारके सुनेहएं, बहे समाचार तुमके फिर देत हएं। जहेमारे कि तुम फिर हमर सँग संगती करओ, और जा संगती दौवाके सँग और बाको लौंणा येशू ख्रीष्टके सँग हए।

प्रेरित 15:22

तओ फिर चुनेभए चेला और मण्डलीके अगुवा प्रभुमे बिश्वासी ददाभइयनके सँग मिलके दुई आदमीके चुनीं। दुई जनैके चुनके उनके पावल और बारनाबासके सँग लैगए और सिरिया परदेशको एन्टिओखिया सहरमे मण्डलीके बिश्वासीनके ठिन पठानके निश्चय करीं। बे छानेभए दुई आदमी बारसाबास कहान बारो यहूदा और सिलास रहएं। प्रभुमे बिश्वास करन बारे सबए ददाभइयनमे बे दुई अगुवा रहएं।