1 पतरस 3:8 - राना थारु नयाँ नियम

⁸ अन्तमे, मए तुमके जा कहान चाँहत हओं, कि बिश्वासी ददाभइयन सँग एकजुटमे बैठओ, एकदुस्रेके ताहीं सोँचे करओ, एकए परिवारको सदस्य कता एकदुस्रेनके प्रेम करओ। एकदुस्रेनके ताहीं दयालु होबओ और एकदुस्रेन सँग नम्र होबओ।

परमेस्वर को सच्चो वचन

⁸ आखरी मैं, तुम सबन को दिमाक एक होनो चाहिए एक-दूसरे से सहानुभूति रखाबौ। एक-दुसरे से भईय्या-बहेनिया के जैसी प्रेम करौ। भोलेपन से पेस आबौ और नम्र बनौ।

1 पतरस 3:8 Referans Kwoze

रोमियों 12:10

एकए परिवारके सदस्यके रुपमे एकदुस्रेसे प्रेम करओ; अपनेसे जद्धा औरेनके आदर करओ।

1 पतरस 1:22

काहेकी तुम सत्य पालन करके शुद्ध भए हओ, अब तुमके निष्कपट रुपसे अपनो बिश्वासी ददाभइयनके प्रेम करन पणत हए। एकदुस्रेके निष्कपटता साथ और पुरा हृदयसे प्रेम करतए रहाओ।

इफिसियों 4:31

सब गलत बात, लडाइ-झगडा और गुस्साके त्यागदेओ। बदनाम मत् करीयओ, सब किसिमके हिंसा करन तुम छोड देबओ।

याकूब 3:17

पर जो ज्ञान परमेश्वरसे आतहए, बो त पहिले पबित्र होतहए; फिर शान्ति देन बारो, कोमल, सुधो, कृपापूर्ण, और अच्छो फलसे भरो भओ, बिना भेदभाबको और बिना कपटको होतहए।

इफिसियों 4:2

सदा दिन नम्र, सुधो और धिरज करके एकदुस्रेकी गल्तीन्के स्वीकार करके प्रेम दिखाओ।

कलस्सी 3:12

जहेमारे जबकी परमेश्वर तुमके अपने पबित्र आदमी होनके ताहीं चुनी हए, और तुमसे प्रेम करत हए, तभीमारे तुम सब करुणा, भलाइ, नम्रता और धैर्य धारण करओ।

1 कोरिन्थी 12:26

अगर शरीरके सँग कोइ अंग दुख पातहए तओ बोके सँग शरीरके औ सबए अंग दुखी होत हएं। अगर कोइ एक अंगको आदर बढतहए कहेसे सबए अंग सँगए आनन्द मनात हएं।

मत्ती 18:33

जहेमारे, जैसी मए तिर उपर दया करके ऋण क्षाम करो, उइसी तोके फिर अपने सँगी नोकरको ऋण क्षाम करदेनके नाए रहए?’

1 यूहन्ना 3:14

हम जानत हएं, कि हम मृत्युकी शक्तिसे पार हुइगए हएं, अब हमर ठिन कभी फिर नाश नाए होन बारो जीबन हए। काहेकी हम बिश्वासी ददाभइयनसे प्रेम करत हएं। जो प्रेम नाए करत हए, बो मृत्युकी बन्धनमे रहात हए।

1 कोरिन्थी 1:10

हे बिश्वासी ददाभइया, हमर प्रभु येशू ख्रीष्टको अधिकारसे, मए तुमसे अइसे करनके ताहीं बिन्ती करत हओं, कि तुमरमे फुट नाए होनचाहो।

प्रेरित 4:32

“बिश्वास करन बारेनको समुह, सबए एक ह्रदय और एक आत्माके रहएं, और बे मैसे एकफिर अपन सम्पति ‘जा मिर हए’ करके नाए कहात रहएं, पर बिनके सँगमे भओ सब चीज साझा रहए।

1 पतरस 5:5

उइसीयए जवान आदमीउ, बुढेनके अधीनमे बैठओ। तुमके सब नम्रतासे एकदुस्रेनके मदत करन पणत हए। काहेकी पबित्र-शास्त्रमे लिखो हए, “परमेश्वर घमण्डीनके बिरोध करत हए, पर नम्र आदमीनके बा अनुग्रह करत हए।”

हिब्रू 13:1

हम ददाभइया और दिदी-बहिनीया कता एकदुस्रेन्के प्रेम करतए रहामएं।

2 पतरस 1:7

तुम सिरफ परमेश्वरके खुसी बनान किसिमसे जीबन मत् बिताओ, बल्कि अपनुवए परिवारको सदस्य कता तुमके एकदुस्रेनके प्रेम करन पणो। तुमके सिरफ अपनी परिवारको सदस्य कता तुम एकदुस्रेनसे प्रेम करनके नाए, बल्कि तुम्के सबए आदमीनसे प्रेम करन पणो।

1 पतरस 2:17

सब आदमीनके आदर करओ। बिश्वासी भइया बहिनियनके प्रेम करओ। परमेश्वरसे डराओ। राजाको आदर करओ।

याकूब 5:11

देखओ, धिरज करन बारेनके हम धन्यके कहात हएं। तुम अय्यूब नाउँ भओ आदमीको धिरज करोके बारेमे त सुने हओ, और प्रभुके घेनसे बोके जो इनाम मिलो, बोके फिर तुम जानत हओ। जोसे हमके पता चलो, कि प्रभु करुणा और दयासे भरो हए।

याकूब 2:13

काहेकी जौन आदमी दया नाए दिखाइ हए, बोको न्याय बिना दयाको होबैगो। अगर तुम दुस्रेके दया करे कहेसे जब परमेश्वर न्याय करैगो, तओ तुमके फिर बा दया करैगो।

फिलिप्पी 3:16

जहेमारे हमके उइसो सच्चाईके अनुसार काम करन चाहो, जौनके परमेश्वर पहिलीयसे हममे प्रकट करीहए।

रोमियों 15:5

मए प्राथना करत हओं, कि धिरज और हौसलाको परमेश्वर तुमके ख्रीष्ट येशूको अनुसरण करतए एक-दुस्रेके सँग शान्तिसे रहानमे मदत करए।

प्रेरित 28:7

टापू किनारे ढिँगै पब्लियस नाउँ भओ मुखियाको जगहा-जमिन रहए। पब्लियसमे हमर उपर भओ प्रेमके कारणसे अपनो घरमे लैजाएके स्वागत करी। तीन दिनतक हम बोके घरमे पहुना बनके बैठे।

प्रेरित 27:3

दुस्रे दिन हम सिदोन सहरमे पुगे। बो ठाउँमे युलियस नाउँको कप्तान पावलके दया करके अपने सँगी भइयनके ठिन जाएके चाहन बारो सहायता लेनके अनुमति दइ।

प्रेरित 2:1

यहूदीनको पेन्तिकोसको दिनमे बे सब एक ठाउँमे इकट्ठा हुइके बैठे रहएं।

लूका 10:33

तओ एक जनै सामरी सहरमे रहान बारो एक आदमी यात्रामे जात रहए। तओ बो अधमरो आदमीके ठाउँमे आएपुगो, और बोके देखके बोको मन दयासे भरीगओ।

इफिसियों 4:32

पर दयालु हुइके एक-दुस्रेके अनुग्रह करओ। परमेश्वर ख्रीष्टमे तुमके क्षमा दइ कता, तुम फिर एकदुस्रेके क्षमा दए करीयओ।

फिलिप्पी 2:3

स्वार्थ और घमण्डके ताहीं कुछ मत् करओ, पर नम्र हुइके एक-दुस्रेके अपनेसे जद्धा जरुरी समझओ।