1 पतरस 3:7 - राना थारु नयाँ नियम

⁷ लोग आदमी, उइसी करके अपनी बैयर सँग मिल्के बैठओ, और कैसे बिनके मदत करएं कहिके बिचार करओ। और तुमके जा याद करन पणैगो, कि बे तुमसे जद्धा कमजोर हएं, जहेमारे तुमए बैयरनको सम्मान करन पणत हए। काहेकी परमेश्वर जो तुम दुनएके अनुग्रहसे दइ हए बो बरदानमे साझेहकदार हओ, जो अनन्त जीबन हए। अइसे करओ ताकी जब तुम परमेश्वरसे प्राथना करओ परमेश्वर बो प्राथनाके सुनपाबए।

परमेस्वर को सच्चो वचन

⁷ बैसिये तुम लोगन कै अपनी बईंय्यरन के संग ठीक समझ के संग रहनो चाहिए कि बे तुमसे नाजुक हैं। उनके संग आदर से पेस आबौ, काहैकि बे भी, तुमरे संग, जिंदगी को परमेस्वर को वरदान लेमंगी। ऐसो करौ कि तुमरी प्रार्थना मैं कछुए बाधा न पड़ै।

1 पतरस 3:7 Referans Kwoze

कलस्सी 3:19

हे लोग आदमी, अपने-अपने बैयरसे प्रेम करओ, और बिनके सँग दयासे ब्यबहार करओ।

इफिसियों 5:33

पर जा तुममे फिर लागु होत हए, कि तुम मैसे हर आदमी अपने बैयरसे अपनए कता प्रेम करए, और बैयर फिर अपने लोगाको आदर करएं।”

1 कोरिन्थी 7:3

लोगा अपनी बैयरको बेहाको हक पुरा करए; और उइसीयए बैयर फिर अपनो लोगाको बेहाको हक पुरा करए।

मत्ती 18:19

फिर मए तुमसे कहात हओं, अगर तुम मैसे दुई जनै पृथ्वीमे कोइ बातमे एक मन हुइके प्राथना करैगे, तओ स्वर्गमे होन बारो मिर दौवाके घेनसे हुइजएहए।

1 थेसलोनिकी 4:4

तुम सब परमेश्वरके नाए चिनन बारे औरे आदमीको करो हानी शरीरको खराब इच्छामे नाए बल्कि पबित्र हुइके अपनी बैयरसँग इज्जतसे जीबन जीइनके जानन पणत हए।

इफिसियों 6:18

और हमके उइसीयए प्राथना करन चाहो जैसे पबित्र आत्मा हमके अगुवाई करत हए। और जगतए रहाओ और पबित्र आदमीनके ताहीं लगातार प्राथना करओ।

इफिसियों 3:6

और रहस्य जा हए, कि येशू ख्रीष्टके सँग हमर सम्बन्धके कारण अच्छो समाचारसे यहूदीनको समुह कता गैर-यहूदी फिर बहे आशिषन्के पामंगे, और बे एकए शरीरके सदस्य हएं और परमेश्वरको करोभओ बाचन्के हिस्सेदार हएं।

तीतुस 3:7

ताकी हम कभी फिर नाश नाए होन बारो जीबन पानके आसरा करपामएं, जो परमेश्वर हमके अपने सन्तानके रुपमे देनके बाचा करीहए। और हम जाके बारेमे पक्का हएं, काहेकी परमेश्वर अपने अनुग्रहके द्वारा हमके अपने सँग ठिक ठहिराइ हए।

इफिसियों 4:30

परमेश्वरको दओ भओ पबित्र आत्माके अपनो जीबन जिइनको तरिकासे दुखी मत् करओ, जोसे तुमके छुटकाराको दिनके ताहीं प्रतिज्ञा दओगओ।

हिब्रू 1:14

स्वर्गदूतनको उदेश्य का हए तओ? बे त परमेश्वरको सेवा करन बारे इकल्ले हएं। परमेश्वर बिनके मुक्ति पान बारेनके रेखदेख करनके ताहीं पठात हए।

1 पतरस 3:1

हे बैयर आदमी, तुम फिर अपने लोगाके अधिनमे रहाओ, ताकी अगर बिन मैसे कोइ लोग परमेश्वरको बचनमे बिश्वास करनसे इन्कार करत हए कहेसे, तुमर ब्यबहार बिनके, कुछु नाए कहिके फिर बिश्वास करन बारो बनाबैगो। जब बे तुमर भक्ति और शुद्ध ब्यबहार देखंगे तओ अपनए बे ख्रीष्टमे बिश्वास करंगे।